1 Timoti 6:3 - Kaa n Kəzə̀ n fəghə mə

³ Abə wù loʼ diinə ghəə a nuu ghə, nə̀ a bəghəm dzəŋi way ghi tûm i dzuŋu zən bòʼ Mûkəbii Yeso Klisto, nə̀ a bəghəm dzəŋi soʼo way ghi muu i dzûmə tə Klisto tə,

1 Timoti 6:3 Mawu Ofanana

Matyo 22:21

Ghə n dza, “À loʼ tum usə u Siza nsə zəd i Siza zə.” Sey tə n dza ndòw tə̀ ghə nə̀, “Fuu ndòw na fə̂ key kə loʼnə kə Siza kə tə̀ Siza, ghaa fuu ndòw soʼo fə̂ key kə loʼnə K-a-zə̀ kə tə̀ Zə̀ kə.”

Matyo 28:20

dii ndòw ghə n ghəə ghə, nə̀ ghə i naŋŋə laŋ wey udzəm â fuunə tə̀ ghaa. Keeli tsu na nə̀ mə i loʼ ghi ghaa nəŋə tədzəm, tə̀ mbi nə̂ bə may.”

Roma 16:17

Waazə ghuŋ ghə, n buʼu bə kəwɔɔ nə̀ ghaa ney ighə̂mə ghi ghə̂ ghən ghə ghəŋŋə nə̀ ghə̂ ghə i tsɔɔbə kaabə tow wə, fwɔdlɔ aghə̂ nə kə ghə nə təminə bəghəm i fə̀ŋ i ghə, dii soʼo aghə̂ n ghəə a nuu ghə nə̀ a way ghəə ghey ghə â dii ghaa tii. Kə ghaa nə təmə dzəŋinə ndzoʼo ghə̂ ghən.

1 Tesalonika 4:8

Sey, abə wù tuu maʼanə tsə̀ zən, tə ka kad tuu maʼa dzə tsə̀ i wù sɔŋtsuʼ zə, tə sey tuu maʼa soʼo Kəzə̀, Zə̀ kən kə fuunə saa n Zay kə Zow kə.

1 Timoti 1:10

Laŋ kə loʼ tə ghə̂ ghən ghə laŋŋənə, gheynum ghən ghə nyəŋinə n wû i ghə, ghə̂ ghən ghə kwɔɔ fìilənə ghə̂ ghə tə a loʼ ukɔd, ghə̂ ghən ghə badla ghəə ghə nsə ghə̂ ghən ghə kàanə zəd i Kəzə̀ zə nə kənunu nsə ghə̂ ghən ghə ghəŋŋənə ghəə ghən a kpiilə way ghi ghəə a Kəzə̀ ghə.

1 Timoti 1:3

N ləghə nə̀ wə doʼo tsu n Efesus tə̀ mə â dza nə̀ tə wɔ nghee mə â dza i nuu ndow n Masedonya. Ghə̂ a loʼ a loʼ fey, ghə sii ndzəŋŋənə ghə̂ ghə, sey, n ləghə nə̀ wə buu naŋa ndow ghə.

1 Timoti 1:6

Ghə̂ a loʼ ghə n zəghə maʼa ghəə ghən, fəd nyi ndow ni ghɔɔmə kaabə ghɔɔmə i laʼlə zə.

2 Timoti 1:13

Tɔʼɔ kwu keeli dzɔb tsu ghəə ghən adzəm mə â dii bənə tə wɔ, tə a loʼ jìi zey i kpiinə tə wɔ ni dzûmə. Nghee wə bəghəmnə tə Klisto, khə soʼo iləghə n kow ghə̂ ghə, wə i loʼnu ni dzûmə jii zən n təŋkey wə loʼ nə kəfə kəmɔʼ ghi Yeso Klisto.

2 Timoti 4:3

N dza sey n təŋkey nəŋə zə i bəghənu ghə̂ ghə i ləghə way ni zəllə ghɔɔmə i Kəzə̀ zən i loʼnə isəŋə, ghə i fədlə dzûmə ndow ghəə ghən fə̀ŋ tə ghə tə ləghənə. Ghə i tɔŋɔ zuŋŋə bə n səə ghə, ghə̂ a dii ghey ghə diinə ghəə ghey tuŋŋə u ghə u ləghənə ni zow.

Taytus 1:1

À màʼlə kən tɔ̀ɔ bə mə Pɔl. N loʼ wù kəfwaʼ ə Kəzə̀, lòʼ soʼo ngəd ə Yeso Klisto. Zə̀ kə â say kɔʼ mə, tûm bə nə̀ n bə gaamə ni ghəŋə nə̀ bəghəm i fə̀ŋ i ghə̂ ghən Zə̀ kə sày naŋa nə̀ ghə doʼo ghə̂ a wi, zə i nyîmmə, n ghəŋə soʼo nə̀ ghə keeli isəŋə zey i loʼ ni gaamə ghə nə̀ ghə i muu n jìi zey Zə̀ kə ləghənə.

Taytus 1:9

Tə khə ni loʼ wù tə ndzəm bəghəmnə naŋanə tûm i dzuŋu zə bòʼ Yeso Klisto ighələ tə̀ tə â zoʼlə neynə, sey nə̀, tə i loʼ ni kuu nduŋŋə ndow fə̀ŋ tə ghə̂ a loʼ ghə nə̀ isəŋə i tii zə, tə i loʼ soʼo ni faalə tiilə ndow aghəə tə̀ ghə̂ ghey ghə tuu maʼanə tûm i dzuŋu i tii zə.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.