1 Timoti 6:1 - Kaa n Kəzə̀ n fəghə mə

¹ Dzûmə tə Klisto tey tədzəm tə loʼnə kɔd wə, khə ni keeli tsu nə̀ ghə khə ni fuu ndow ngɔɔmə zey kɔd udzəm u fuunə tə ghə mûkəbii a ghə ghə, sey nə̀, wù loʼ i way ni tsayyə zəd i Kəzə̀ nsə ghəə ghən saa diinə.

1 Timoti 6:1 Mawu Ofanana

Matyo 11:30

Təŋkey fwaʼ kuŋ key mə fuu tə ghaa, kə taw way ni fwaʼ, fə wuŋ wey mə i fuunə ghaa boʼo, u zaŋŋənu.”

Matyo 11:9

Ghaa â kee ndòw ni ndòw koʼ kee? Ghaa â ndow ni ndow koʼ wù tûm Kəzə̀ ə? Ow, n dza bə tə̀ ghaa nə̀ tə buʼ tsəghəshi wù tûm Kəzə̀.

Lukas 17:1

Yeso n dza ndòw tə dzûmə tə wi tə nə̀, “ghəə ghey a ghəŋənə nə ghə̂ ghə î ghəŋə ghəə a bəbə ghə, a khə ni teeli bə, ngoʼ kee loʼ tə wù wey zə î bəghənə n baa wi.

Kəfwaʼ 10:22

Ghə n beeli ndow wi nə̀, “Wù wey tə loʼnə tow kə sàʼ kə təsawgoʼ tən tə loʼnə fəbɔm wən ghə tɔŋŋə nə̀ a loʼ Kɔnilus tûm bə ghey n səə wɔ. Tə loʼ wù dzuŋu, ngɔɔmə Kəzə̀, tə u khə soʼo kɔʼlə mə n wɔ ghə̂ a naʼ i Təjuu adzəm. Tsəndəghə Kəzə̀ â dza tə wi nə̀ tə tɔŋɔ bə wɔ n ndaw wi, sey, tə̀ tə loʼ ni zow ghəə zey wə khənə ni dza.”

Kəfwaʼ 10:7

Tə tsəndəghə ə Kəzə̀ zey nuulə ndownə sa, Kɔnilus n daŋŋə tɔŋɔ tsu ghə̂ a kəfwaʼ a wi abəghə nsə sawgoʼ u loʼ wə tə â ngii gaʼnə fə̀ŋ n ghəə Kəzə̀, loʼ wù umɔʼ n sawgoʼ tey tə keyyənə wi.

Kəfwaʼ 15:10

À kee loʼ kee ghaa ləghə ni mɔm koʼ Kəzə̀ ə? Ghaa gaʼa ndow laŋ u dədlə wə n tow kə dzûmə tə Klisto nə ghə boʼo, loʼ sey nə̀ ghə bày bày a saa ghə a way ni boʼo, wû i saa, saa mâ dəm kii ni boʼo.

Roma 2:24

I tɔ̀ɔ doʼo n màʼlə K-a-zə̀ nə̀, “Ghə̂ ghey ghə way ghə̂ a Təjuu a tsayyə zəd i Kəzə̀ bòʼ ghəə a bəbə ghey ghaa ghə̂ a Təjuu a ghəŋŋənə.”

1 Kɔrint 10:32

Kə ghaa nə ghəŋŋənə ghəə zey zə i fuunə chɔd wə tə̀ ghə̂ a Təjuu ghə, ghə̂ ghən ghə way ghə̂ a Təjuu ghə nkee tə̀ ghə̂ a Kəzə̀ ghə.

Galeshia 5:1

Zuŋ key Klisto â kùmshinə saa tii loʼ ni ghəŋə nə̀ kə saa nə doʼlənə kɔd wə n tənə kəlaŋ. Sey, ney na ghə̂mə zə kə wù loʼ nə kəm sii dzəŋŋə nə ghaa nə ghaa kəm doʼo ukɔd n tənə kəlaŋ.

1 Timoti 5:14

Sey, n tsəə bə waa a fəghaŋ ghən num a ghə a kpu dzənə, nə̀ ghə ney anum, ghə ji awaa, ghə laalə tə ndaw tə ghə tə, sey nə̀, kə ghə i fuu kəbuʼ tə ghə̂ a təngəmə a saa ghə ni kpaalə saa.

Taytus 2:5

Ghə i loʼ ni tsə̀ waa a zən ghən nə̀ ghə i kwɔɔ tsu wû i ghə zə, khə soʼo way bwu i loʼ zə. Ghə i loʼ soʼo ni dii tə waa a zən ghən nə̀ ghə khə ni fwaʼa dzɔbə n ndaw tə ghə, zow soʼo tə num a ghə ghə, sey nə̀, kə wù loʼ nə dza ghə i bəbə i loʼ zə bòʼ ghɔɔmə i Kəzə̀.

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.

1 Pita 3:16

Ghaa i maʼlə tsu wû zə ni beeli ndow ghə n jii i dzuŋu zə. Ghaa tɔʼ laalə nyi tsu ni koʼ nə̀ fə̀ŋ tə ghaa tə zownu n ghəə ghey ghaa ghəŋŋənə, sey nə̀, tow kə i dəd ghə̂ ghey ghə ghɔɔmənə ghəə a bəbə ghə bòʼ ghaa abə ghə koʼnə mwam u dzuŋu wey ghaa khənə n təŋkey ghaa loʼ nə kəfə kəmɔʼ ghi Klisto.