1 Timoti 5:3 - Kaa n Kəzə̀ n fəghə mə

³ I laalə tə ghey a kpusə ghən ghə ndzəm khə way wù ni laalə tə ghə.

1 Timoti 5:3 Mawu Ofanana

Matyo 15:6

tə kəm khə way ni gaamə bày wi nsə này wi. Sey ghaa baʼa naŋŋə ndòw ghɔɔmə i Kəzə̀, ghəŋŋə nə̀ ghə̂ ghə i dzûmə ndòw ghəə a laŋ kə inaʼ key ghaa diinə.

Matyo 23:13

Yeso n dza tə ghə nə̀, “Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa fii naŋŋə fuʼ u ndaw u fɔɔ wə idəŋ wə nə̀ kə̂ ghə̂ a nə̂ nyiənə tii, wû u ghaa, ghaa u nyiə soʼo way tii, ghaa u ləghə way nə̀ ghə̂ a loʼ a nyi.

Lukas 2:37

sey tə n loʼ wey kpusə. Tə â nya loʼ ghəm n tənûm ifam n nûmtə təkaykə. Tə n muu tsə kə n Ndaw Kəzə̀ i nii zə n Yerosalem, gɔŋŋə zeeli tsuʼ ndzəm; n tsə nsə n tsuʼu tə, bam idzuu, ngɔɔmə Kə̀zə̀ nəŋə tədzəm.

Lukas 7:12

Nghee tə̀ ghə kuʼlə may ndòwnə ni nyi inaʼ, ghə n kpii tsu ghi və̀n i wù zə ghə boʼlə shiə bənə, à n lòʼ sey nə̀ â loʼ sɔ̀ʼi fə waa u num ə zən ə kpusə u lòʼ wə. Ndəmə aghə̂ n lòʼ ghi wi.

Tùm i dzuŋu zə kuum Yeso Klisto tə Jɔn â tɔɔnə 1:47

Nghee tə̀ Yeso koʼ tsunə Natanyə tə bəghənə n səə wi, tə n dza nə̀, “À wən ndzəm loʼ wù Izree, tə badla koʼo tsə way ghəə ghə.”

Kəfwaʼ 6:1

Nghee tə taŋ ə dzûmə tə Klisto tə nyîmmə kɔʼɔ ndownə tə tsuʼu n tsəghənə, ghə̂ a Təjuu ghən ghə a ghɔɔmənə ghɔɔmə i Grik zə, ghə n tam ndow Juu tən tə â ghɔɔmənə ghɔɔmə i Hibru zə dza nə̀ ghə badla ukpey abə ghə dzawnə fəzəə wey ghey a kpusə a khə ni ney.

Kəfwaʼ 9:39

Pita n daŋŋə bayyə tsu uwû, nuu dzəŋi ndow ghi ghə. Ambə tə ndow kuum tsunə fu, ghə n ney kɔʼ ndow ghi wi n dzuu i ndaw zey i doʼo kɔʼ ndow idəŋ. Ghey a kpusə adzəm n dzəŋ tsəghə kɔʼ wi, dey, dii ndow wi n ndzə tey Dɔkas â təmnə tə ghə nə tə nam loʼ utaw.

Kəfwaʼ 9:41

Pita kwu tsu wɔɔ kə wi, tɔɔmə kɔʼ wi nə̀ tə nuu təmi kɔʼ idəŋ, daŋŋə tɔŋɔ nyi dzəŋŋə bə dzûmə tə Klisto tey fu tədzəm nsə ghey a kpusə ghey fu, fuu tsəghə ndow wi tə ghə nə tə loʼ utaw.

1 Tesalonika 2:6

Ghey â kəŋə dzə way nə̀ ghə̂ ghə i kali bə ghey, nə̀ ghaa i kali bə ghey nkee nə̀ wù loʼ kali bə ghey. Ghey tə a loʼ ngəd tə Klisto mə loʼnu ni fəmmə ghaa.

1 Timoti 5:2

I ney nyim u gheyzən wə ighələ tə wə neynə ghə zuu, wə ney soʼo waa a fəghaŋ a zən ighələ tə wə neynə waazu ghə. Wə khə ni ghəŋŋə ndow ghəə ghən tə waa a fəghaŋ a zən ghən n fə̀ŋ i zow zə.

Jems 1:27

Ghəə a Kəzə̀ ghən a zow dzɔbənə loʼ soʼo tsətsəghə n sə kə Bày saa wən tə loʼnə Zə̀ kə, loʼ ni laalə tə waa a chi ghə nsə ghey a kpusə ghə n chɔd mən ghə khənə. À loʼ soʼo ni ghəŋə nə̀ kə ghəə a mbi a nə dzəələnə muu i ghaa zə.

1 Pita 2:17

Ghaa i fuu ngɔɔmə zə tə̀ ghə̂ ghə adzəm, ləghə tillə iwû n fəŋŋə kə ghə̂ ghən ghə bəghəmnə tə̀ Zə̀ kə, fuu ingɔɔmə tə̀ Zə̀ kə nsə tə də̀ŋ kə nii kə inaʼ.

1 Pita 3:7

N jii i mɔʼɔ zə, ghaa gheynum ghən ghaa bəghəmnə tə̀ Klisto, ghaa khə ni muu ghi ghey a ghaa ghə nə̀ ghaa zowkeeli tsuunu ghə nghee i loʼ nə̀ ghə taw way tə a loʼ ghaa. Ghaa i fuu ndow ghə n ngɔɔmə zə nghee i loʼ nə̀ Zə̀ kə i dzəŋi diinu ghaa n fə̀ŋ ə wi i dzuŋu zə ni fuu ghaa n muu zən i may way. Ghaa i ghəŋŋə ndow ghəə ghən sey nə̀, kə fə kə loʼ kə nə təʼlə maʼa gɔŋŋə i ghaa zə.