1 Timoti 4:3 - Kaa n Kəzə̀ n fəghə mə

³ Ndzoʼo ghə̂ ghən dii nə̀ kə ghə̂ a nə neynə wû zə, tuu soʼo nə̀ kə ghə̂ a nə zəənə ndzoʼo fəzəə n loʼ mə, loʼ sey nə̀ Zə̀ kə ghəŋə fəzəə n tii mə nə̀ abə ghə̂ ghən ghə bəghəmnə tə Klisto, keeli soʼo isəŋə n ghəə a tii ghə dza i zə̂, ghə n zə̂ nə̀ ghə n fuu kɔʼ dzə zɔŋŋə kə tə Zə̀ kə nə igɔŋŋə.

1 Timoti 4:3 Mawu Ofanana

Matyo 14:19

Tə n daŋŋə dza ndòw nə̀ ghə̂ ghey doʼo tsu nə ughìi. Yeso n ney kɔʼ baa wey utaa nsə tsəghə tey təbəghə, laalə kɔʼ ndòw idəŋ, buulə tsu. Tə n boʼlə fuu ndòw baa wey tə̀ ngəd tə wi tə nə̀ ghə dzawwə fuu ndòw tə̀ nɔɔ kə aghə̂ key.

Matyo 15:11

A way dzə fə key kə nyiə ndòwnə n dzuu i wù, kə ghəŋŋənə nə̀ tə i dzəə n sə̂ K-a-zə̀, a fəd loʼ fə key kə shiə bənə n dzuu i wi kə ghəŋŋənə nə̀ tə i dzəə.”

Matyo 15:36

Sey tə n ney kɔʼ baa wey usəghəmbəghə nsə tsəghə tey, fuu ndòw zɔŋŋə K-a-zə̀, boʼlə fu ndòw tə̀ ngəd tə wi tə nə ghə dzawwə fu ndow, ghə n dzawwə fu ndòw tə̀ ghə̂ ghey.

Lukas 24:30

Ambə ghə doʼo tsunə ni zə̂, Yeso n ney kɔʼ kəbaa, buulə tsu, bòʼ fu tsəghə ndòw tə̀ ghə.

Tùm i dzuŋu zə kuum Yeso Klisto tə Jɔn â tɔɔnə 6:23

Fən u loʼ wə, wə â nuu bə n Tiberia n ndow bə fu n nguŋ inyi n səə luʼu key Mûkəbii â buulənə fəzəə wə tii, fuu tə nɔɔ kə aghə̂ kə, ghə n zə̂.

Kəfwaʼ 27:35

Ambə Pɔl dza may tsu ghəə ghən, tə n ney kɔʼ kəbaa, gɔŋŋə ndow tə Zə̀ kə n sə kə ghə̂ ghey adzəm, bòʼ tsu, zey ndow nə̀ u zəə wə.

Roma 14:17

N dza sey n təŋkey, ghəə a fɔɔ u Kəzə̀ à way dzə kə ghəə a zə̂ə ghə nkee ghəə a mə̂ə ghə, ghəə a tii a fəd loʼ nə̀ wə i zow ndow tə̀ Zay kə Zow kə, kə ghəŋŋənə nə̀ wə i ghəŋŋə ghəə ghən a kpiilənə tə̀ Zə̀ kə, muu nə ibuulə nsə ni muu nə iduʼlə.

Roma 14:3

Sey, wù wey tə zə̂ənə fə wə udzəm khə way ni koʼo kii wù wey tə zə̂ə way fə u tii wə udzəm tə a loʼ wi. Wù wey tə kee say fəə kənə tow u fə wə, khə soʼo way ni saʼ wù wey tə zə̂ənə fə wə udzəm n təŋkey, Zə̀ kə n ghə bəghəm.

Roma 14:6

Wù wey tə sày naŋa kɔʼnə tsuʼ fə loʼ fə nə̀ a loʼ tsuʼ fə səŋi fə tə̀ wi, tə sey ghəŋŋə kə ni fuu kɔʼləmə tə Zə̀ kə. Wù wey tə zə̂ənə fə wə udzəm, ngəŋŋə fuu kə nkɔʼlə tə Mûkəbii n təŋkey tə zə̂ə sey, tə n fuu kəzɔŋŋə tə̀ Zə̀ kə. Wù wey tə sày zə̂ənə fə wə, tə sey ghəŋŋə soʼo ni fuu ingɔɔmə tə Mûkəbii, tə u fuu soʼonə zɔŋŋə kə tə̀ Zə̀ kə n fə wey tə zə̂ənə.

1 Kɔrint 6:13

Ghə̂ a loʼ ghə a dza soʼo nə̀, “Ghə â ghəŋə ufəzəə tə̀ nəghə wə, ghəŋə soʼo unəghə tə̀ fəzəə wə.” Ow a loʼ isəŋə! A kee loʼ nə̀, Zə̀ kə î ləŋi maʼanu fə̂ u tii wə udzəm. Ghaa khə way ni ney wû i ghaa, ghaa i ghəŋŋə ghəə a laŋŋə ghə tii, ghaa khə ni fəd ney wû i ghaa, ghaa i kɔʼlə Mûkəbii tii. A loʼ Mûkəbii tə fuunə fə key wû u ləghənə.

1 Kɔrint 7:28

Nə wə kee ney ndòw wey, wə ka ghəŋə bəəbə dzə, waa u zən wey tə ney ndownə num, tə ka ghəŋə bəəbə soʼo. Isəŋə kee loʼ nə̀ ghə̂ ghey ghə neynə wû zə i keeli ndəmə nchɔd n muu i ghə, à wey loʼ i ghii n dəmənə ni ghəŋə nə̀ kə ghaa nə nyiənə n chɔd mən.

1 Kɔrint 8:8

Isəŋə loʼ nə̀, fəzəə wey wù zə̂ənə, ghəŋŋə dzə way saa nə̀ a i loʼ tsətsəghə n sə K-a-zə̀, n təŋkey kweyyə kə loʼ kə way dzə abə wə zə̂nə nkee wə ka zə̂.

Kolose 2:16

Kə ghaa nə bəghəm nə wù loʼ saʼ ghaa n fə key ghaa khə ni zə̂ nkee ni mə̂. Kə ghaa nə bəghəm soʼo nə wù loʼ doʼo tə wey tə i saʼanə tsuʼ fey, ndzɔŋ, nkee nəŋə zey ghaa khə ni ngɔɔmə Zə̀ kə a tii.

Kolose 3:17

Ghəə zey ghaa ghəŋŋənə nkee ghaa dzanə, i khə ni loʼ n zəd i Mûkəbii Yeso, fuu ndow kəzɔŋŋə tə Zə̀ kə tə loʼnə Bày n zəd i Mûkəbii Yeso.

1 Timoti 2:4

Tə ləghə nə̀ aghə̂ adzəm a keeli ibəghəshi, ghə keeli soʼo isəŋə.

1 Timoti 4:4

I loʼ sey n təŋkey, fə wən udzəm Zə̀ kə bɔmnə, u dzɔbənu, kə loʼ kə way dzə tii ni tuu maʼa, abə saa ney ndow dzə nə̀ saa n fuu kɔʼ zɔŋŋə kə tə Zə̀ kə.

1 Timoti 5:14

Sey, n tsəə bə waa a fəghaŋ ghən num a ghə a kpu dzənə, nə̀ ghə ney anum, ghə ji awaa, ghə laalə tə ndaw tə ghə tə, sey nə̀, kə ghə i fuu kəbuʼ tə ghə̂ a təngəmə a saa ghə ni kpaalə saa.

Hibru 13:4

Tɔʼɔ kwu keeli n na ney zə iwû zə. Kə wù loʼ n ghə̂ ghey ghə ney dzənə wû zə nə shiə nyəŋinə ghi wù nuu a bii n təŋkey, Zə̀ kə i chɔdlɔnu ghə̂ ghey ghə shiə nyəŋinə ghi ghə̂ ghə a bii nsə ghə̂ ghey adzəm ghə ghəŋŋənə ghəə a laŋŋə ghə.

Hibru 13:9

Kə ghaa i nyəŋ laʼ n bàa ndəmə tə aghəə tə loʼ tən ghə diinə nə̀ a way ghəə a Kəzə̀. I dzɔbə nə̀ fə̀ŋ tə saa tə i taw dzɔbə n ndzuŋ ə Kəzə̀, nə̀ a way dzə n ghəə a naŋŋə a laŋ u ghəə ghə ufəzəə. Laŋ u ghəə ghə ufəzəə ghən ka kam gaamə koʼ tsə ghə̂ ghey ghə naŋŋənə laŋ u tii wə n ghə i loʼ zə.