1 Timoti 4:11 - Kaa n Kəzə̀ n fəghə mə

¹¹ Dii ndow ghəə ghən tə ghə̂ ghə, wə tɔʼ laalə nyi tsu soʼo ni koʼ nə̀ aghə̂ adzəm a dzûmənu ghəə ghey wə diinə.

1 Timoti 4:11 Mawu Ofanana

1 Timoti 5:7

Tillə dza ndow ghəə ghən tə ghə, sey nə̀, ghə i khə way bwu i loʼ zə.

1 Timoti 6:2

Kɔd wey ghə mûkəbii a ghə a loʼ nə̀ ghə n bəghəm fuu tə Klisto, khə way ni tsayyə ghə mûkəbii a ghə ghə a dza ghə bəghəm fuu tə Klisto tə a loʼ ghə. Ghə fəd khə ni ngii fwaʼa dzɔbə n təŋkey, ghə fwaʼa n tənə ghə̂ ghey ghə bəghəm fuunə tə Zə̀ kə tə a loʼ ghə, ghə a khə soʼo ləghə zə n kow ghə mûkəbii a ghə ghə. Wə khə ni teeli fuu ndow laŋ wən udzəm n dii kɔʼ bənə tə wɔ tə dzûmə tə Klisto tə, wə ghəŋə soʼo nə̀ ghə i dzûmə kɔʼɔ bə laŋ u tii wə.

2 Timoti 4:2

wə naʼa tûm i dzuŋu zən. Wə i dəmə kə ni naʼa tûm i tii zə nəŋə tədzəm, abə ghə̂ a ləghə mɔ ghə ləghə way. I bɔɔ teyyə bə ghə̂ ghə n jii zən i loʼnə tsətsəghə, kpaa ndow ghə, kuu ndow fə̀ŋ tə ghə, kow tsuu soʼo fə̀ŋ abə wə diinə ghə.

Taytus 2:15

Sey, a wən loʼ ghəə ghən wə khə ni dii ndow tə dzûmə tə Klisto tə. I kuu ndow fə̀ŋ tə ghə tə, kpaa tənə ndow soʼo ghə abə ghə ghəŋə bəəbə tsunə ghəə zə tə a loʼ wù wey tə khənə daʼa kə tii kə. Ka tsəm bəghəm nə wù loʼ koʼ kìi wɔ.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.