1 Timoti 4:1 - Kaa n Kəzə̀ n fəghə mə

¹ Zay kə Zow kə n ghəŋə nə̀ təjìi tədzəm nə̀ saa keeli nə̀ abə mbi nə may bənə, ndəmə aghə̂ a nə tuu ni bəghəm ghəə ghən dzûmə tə Klisto tə diinə, ghə nə fədlə dzûmə ndow ghəə a badla ghey vəətsəə a diinə.

1 Timoti 4:1 Mawu Ofanana

Matyo 18:7

Ngoʼ loʼ fa n mbi bòʼ ghəə ghən a chimmənə ghə̂ ghə nə̀ ghə i ghəŋŋə bəb zə. Ghəə a tii a khə ni teeli shi, a kee loʼ nə̀, ngoʼ loʼ tə̀ wù wey tə chimmənə ghə̂ ghə nə̀ ghə ghəŋə ibəb.

Lukas 17:1

Yeso n dza ndòw tə dzûmə tə wi tə nə̀, “ghəə ghey a ghəŋənə nə ghə̂ ghə î ghəŋə ghəə a bəbə ghə, a khə ni teeli bə, ngoʼ kee loʼ tə wù wey zə î bəghənə n baa wi.

Tùm i dzuŋu zə kuum Yeso Klisto tə Jɔn â tɔɔnə 16:13

Abə Zay kən kə dìi bənə isəŋə bòʼ Kəzə̀ nə bənə, tə nə dìi bə ghaa nə isəŋə kuum Kəzə̀. Zay kə Zow kə nə ghɔɔmə way ghəə ghə n daʼa kə wi, tə nə teeli ghɔɔmə kə ghəə zey tə zow ghii zə, tə nə dza zey bə tə̀ ghaa ghəə zey i khə ni bə shi.

Kəfwaʼ 13:2

Nghee ghə ngɔɔmənə Mûkəbii, bam idzuu, Zay kə Zow kə n dza tə ghə nə̀, “Sày naŋa kɔʼ n na Banabas nsə Sɔl tə mə, nə̀ ghə i fwaʼa fwaʼ kən n tɔŋɔnə ghə tii nə ghə bə fwa.”

Kəfwaʼ 17:18

Ghə̂ a dii a kəmàʼlə a loʼ ghə, ghə loʼnə n zəghə wə Epikurya nsə a Stɔyk n ndow bə fu, ghɔɔmə ballə ghi wi. A loʼ ghə bəbə nə̀, “Wù wən baa ləghə ni dza nə̀ ngee tə sə ndzaŋŋə luʼu tə fa nə ighɔɔmə ə?” A loʼ ghə n dza nə̀, “À loʼ kə tə̀ tə khəə ghəə a zə̀ u tətùm.” Ghə â ghɔɔmə sey n təŋkey, Pɔl â naʼlə tûm i dzuŋu zə kuum Yeso tə ghə nsə ghəə a zhəm dzəŋŋə ghə nə ivə.

Kəfwaʼ 20:23

N khə kə nə̀ Zay kə Zow kə mâ tə mə dza naŋa zey n naʼa tən tədzəm mə â ndownə tii nə̀ mə i koʼo uchɔd, ghə i kwu fii naŋa soʼo mə n ndaw tsaʼ.

Kəfwaʼ 21:11

Tə n bə koʼ tsu ghey, ney kɔʼ kwɔɔ fə Pɔl, kow tsu fuu i wi nsə kpii i wi zə tii, dza tsu nə̀, “Zay kə Zow kə dza nə̀, ‘À wən loʼ jìi zey ngəd tə Təjuu tey n Yerosalem i kwɔɔ kow tsunə wù wey tə khənə kwɔɔ fən, ghə ney fu tsəghə ndow wi tə ghə̂ ghey ghə way ghə̂ a Təjuu ghə.’”

Kəfwaʼ 28:25

Ghə n nuu dzawwə doʼo tsu n wû i ghə, zey nə u nuulə wə nghee ghə zow Pɔl dza tsunə nə̀, “Zay kə Zow kə â ka nɔʼ dzə ni dza tə ghə bày bày a ghaa ghə n bam i wù tûm Kəzə̀ Ayzaya nə̀,

1 Kɔrint 10:20

Ghəə zey n ləghənə ni dza, loʼ nə̀, maʼlə wey ghə fəələnə n tsə ghey ghə̂ ghey ghə ka bəghəm tə Zə̀ kə fəələnə maʼlə wə tii, ghə fəələ tə̀ vəətsəə ghə, a way dzə tə̀ Zə̀ kə. Sey, n ləghə way nə̀ ghaa i zəə dzəŋi ghi vəətsəə ghə.

1 Kɔrint 11:19

À loʼ kənu ghə i dzuŋu zə nə̀ ghaa khənu ni dzawwə doʼo n wû i ghaa, sey nə̀, ghə loʼ ni tɔʼɔ koʼo keeli bə ghə̂ ghey ghə ndzəm loʼnə dzûmə tə Klisto tə.

1 Kɔrint 12:11

Ghəə ghən adzəm a fuu bə Zay kə Zow kə mɔʼɔ kə, à tsə̀mə tsuu soʼo wi ndzoʼo naamə key tə i fuunə tə̀ kay wù.

1 Kɔrint 2:10

Zə̀ kə n ghəŋə nə̀ Zay kə Zow kə chi dii bə ghəə ghən tə â nyi naŋanə tə̀ saa. À loʼ Zay kə Zow kən kə fuʼi shiə kɔʼɔ bənə ghəə ghə adzəm, fuʼi may shiə kɔʼɔ bə ghəə a Kəzə̀ ghən a nyi doʼo nay nyi ndownə.

2 Kɔrint 11:3

N kee tsəŋə nə̀ nghee tə̀ zuu â nəb fuu tsunə If n tɔb u wi u tsɔŋɔ wə, ghə loʼ ni bə fwɔd maʼa kɔʼ soʼo tɔb u ghaa, ghaa i way ni kəm dzûmə Klisto n fə̀ŋ tə ghaa tə tədzəm.

Kolose 2:18

I kə ghaa nə bəghəmnə nə̀ wù wən tə ghaŋŋə wû wə n muu i Kəzə̀ i ghə, ngɔɔmə soʼo tsətəndəghə tə Kəzə̀ nə̂ nəbə sə̂ a ghə̂ ghə nə ghə ngɔɔmə Kəzə̀. Ghə ghaŋŋə uwû nə̀ Zə̀ kə dii ghə n ghəə ghə nə̀ ujim boʼ moʼlə tə ghə tə bəbə tə.

2 Timoti 3:13

Ghə̂ a bəbə ghə nsə ghə nəb ityim nə faalə bəb njaʼ may ndow. Ghə nə nəbə ghə̂ ghə, ghə̂ a nə nəbə soʼo ghə.

2 Timoti 4:4

Ghə nə tuu maʼa ni zəllə ghɔɔmə i Kəzə̀ zən i loʼnə isəŋə, ghə nə fədlə fuu may ndow kə tuŋŋə u ghə wə n zəzəə n wey mən n maŋ loʼnə kənunu.

Jems 3:15

Ndzoʼo tɔb wən, à ka fuu bə dzə Zə̀ kə idəŋ kə, à loʼ tɔb u ghə̂ a mbi. À ka fuu bə dzə Zày kə Zow kə tɔb u tii wə, à loʼ tɔb wə avəətsəə.

1 Pita 1:20

Zə̀ kə â sày wi nə̀ mbi ka kam doʼo zey, ghə n ney dii shi bə wi n tsuʼu mən mbi may kəŋŋə bənə tii bòʼ ghaa.

2 Pita 2:1

N num tə ibam tə, tûm tə Kəzə̀ tə tsɔŋɔ tə â loʼ tsənu n fəŋŋə kə aghə̂. N jìi i mɔʼɔ zə, ghə̂ a dii a tsɔŋɔ ghə i shiə kɔʼɔnu n fəŋŋə kə ghaa. Ghə nə tsɔŋ nyi bə n fəŋŋə kə ghaa nə̀ ghaa khə way, ghə dii ghəə ghey ghə i ghəŋŋə nə̀ ghaa nyəŋ laʼ. Ghə nə tuu maʼa daŋŋə Mûkəbii wey tə kuum nuu shi bə tow u ghə wə. À wey loʼ ghə i tii zə, ghab kə i kəm shi way tə̀ Zə̀ kə ni ləŋi maʼa ghə.

2 Pita 3:3

N ləghə nə̀ ghaa zowkeeli tsu nə̀ n tsuʼu mən mbi may bənə, ghə̂ a loʼ ghə i bəghənu nə̀ ghə muu tən kə muu zey gow uwû ghə ləghənə. Ghə nə tsoʼo ghaa.

1 Jɔn 2:18

Waa ghuŋ a dzuŋu ghə, a wən loʼ nəŋə zən mbi may bə nə tii. Ghaa n zow nə̀ wù təngəmə ə Klisto bəghənu. Nyisa wən, ndəmə ghə̂ a təngəmə a Klisto ghə n baa bə. À wən loʼ jìi zey saa i keelinə tii nə nəŋə zey mbi i maynə zə n kpi.

1 Jɔn 4:6

Saa fəd loʼ ghə̂ a Kəzə̀. Ghə̂ ghən ghə loʼnə ghə̂ a Kəzə̀ ghə, ghə zownu tə saa. Abə ghə mə way ghə̂ a Kəzə̀ ghə, ghə mə way ni zow tə saa. À wən loʼ nghee saa keelinə wù wey tə khənə zày key kə ghəŋŋənə nə̀ wù i dza isəŋə nkee zày key kə ghəŋŋənə nə̀ wù i badla ghəə ghə.

Màʼlə kə Jud tə̀ ghə̂ a Kəzə̀ ghə 1:18

Ghə â dza tə ghaa nə̀, “Abə mbi nə may bənə, ghə̂ a loʼ a nə bəghənu, ghə nə tsoʼo ghaa. Ghə̂ ghən nə dzûmə ndow kə ghəə ghey fə̀ŋ tə ghə tə ləghənə ni ghəŋə.”

Màʼlə kə Jud tə̀ ghə̂ a Kəzə̀ ghə 1:4

N dza sey n təŋkey, ghə̂ a loʼ ghə n bə tsɔŋ tsəghə nyi fey n fəŋŋə kə ghaa nə̀ ghə khə way Zə̀ kə. Ghə ney kɔʼ ndzuŋ zən Zə̀ kə diinə tə saa fəd naŋa kɔʼ nə̀ a loʼ jii tə ghə ni ghəŋŋə ghəə a laŋŋə ghə. Ghə tuu maʼa soʼo Yeso Klisto wən à loʼ kənə wi Bày saa nsə Mûkəbii saa.

Chi dii 13:14

Faalə mən zə â diinə n ghəŋə nə̀ ghə fuu wi n daʼa kə nə̀ zə i saʼa n tow kə faalə kə nyam mbvən kə sə isə key. Zə n sii ndzəŋ ndəmə aghə̂ a ghəlitsə. Zə n dza tə ghə nə̀ ghə bɔm kɔʼ fəmuʼu tə ghə ni ngɔɔmə, fə fiilənə faalə kə nyam mbvən kə sə isə key ghə â nyîmmənə wi n kɔb, zə n nam loʼ kə utaw.

Chi dii 16:14

Ghə loʼ zay wə avəətsəə wən ghə ghəŋŋənə ghəə a fənnə ghə. Zay wən utəghə shiə ndow ni ndow koʼ udəŋ udzəm n mbi, ni zuŋŋə naŋa bə ghə nə̀ ghə i zuu ballə Zə̀ kən kə khənə daʼa wə udzəm n tsuʼ fey mbi i maynə tii.

Chi dii 18:2

Tə n naʼa shi kɔʼ n dzə̂ i taw zə nə̀, “Babilɔn u nii wə n bwu tsu bə! Tə n tsuu bwu! Naʼ i tii zə fəd doʼo luʼu key vəətsəə a muunə tii nsə zay u bwu wə. À naʼ i tii nya khə kə nnən n dzəə mə, fə̂ u dzəə wə udzəm nsə nyam tən wù tsəm ləghə way ni koʼ.

Chi dii 18:23

Ghə nə kəm koʼ koʼ way daa kə baŋnə fu tii inaʼ. Ghə nə kəm zow koʼ way dzə̂ tə gheyzən ghən nkee gheynum ghən n zə̂ kən ghə neynə wû zə tii fuŋ nə fu inaʼ. Ghə̂ a bikiwən ghey ghə â loʼnə n naʼ zə â loʼ ghə̂ a səŋi ghə n mbi, wə n sìi ndzəŋ tsu ghə̂ a naʼa tə mbi adzəm n fənnə zey wə â khənə.

Chi dii 19:20

Ghə n fəd kwu fìi naŋa ndow faalə kə nyam mbvən key ghi tûm tə Kəzə̀ tə tsɔŋɔ tən tə â ghəŋŋənə faalə n tsɔŋɔ mə n sə kə wi. (À loʼ faalə n tsɔŋɔ mən tə a diinə, mə â ghəŋənə nə̀ ghə̂ ghən ghə â neynə tsə̀ə faalə kə nyam mbvən kən nsə ghə̂ ghən ghə â ngɔɔmənə muʼu fən fə fiilənə wi nə̀ ghə nyəŋ laʼ n baa wi). Ghə n kwu tsu faalə kə nyam mbvən key ghi tûm tə Kəzə̀ tə tsɔŋɔ tən maʼa nyi tsu utaw n nyî zə uvələ u bəʼlə ghi fə kə loʼ ghə tɔŋŋə nə̀ a loʼ sɔlfɔ.

Chi dii 2:11

Wù wən tə khənə tuŋŋə wə, tə zow ghəə zey Zay kə Zow kə dzanə tə̀ dzəŋi u dzûmə tə Klisto tə. Wù wən tə təm zənə bəb zə, tə i kəm bə kpu way n bùʼ kə uvələ.”

Chi dii 2:17

Wù wey tə khənə tuŋŋə wə, tə zow ghəə ghən Zay kə Zow kə dzanə tə dzəŋi u dzûmə tə Klisto wə. Wù wən tə i taw tsəghənə ghəə a bəbə ghə, mə i fuu ghə n fəzəə u loʼ wə ghə â nyi naŋanə, ghə tɔŋŋənə nə̀ a loʼ mana. Mə i fuu soʼo ghə n tay i fəmə zən ghə tɔ̀ɔ naŋanə zəd i fəghə zə tii, nə̀ wù loʼ khə way, nə̀ a khə kə wù wey tə i neynə tay i tii zə.”

Chi dii 2:29

Wù wey tə khənə tuŋŋə wə, tə zow ghəə zey Zay K-a-zə̀ kə dza tə dzəŋi u dzûmə tə Klisto wə.”

Chi dii 2:7

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wən. Mə i fuu tsu kədaʼa tə̀ ghə̂ ghey ghə i taw tsəghəshiənə ghəə a bəbə ghə, ghə i kɔy nəghə tam wə n kaʼ fey fə fuunə muu zə, fə loʼnə n sum u Kəzə̀ idəŋ.”

Chi dii 20:10

Ghə n ney maʼa nyi tsu ndow vəətsəə ghən ghə â sii ndzəŋ ghə n nyî zə uvələ wən u bəʼlə ghi sɔlfɔ. À loʼ fuu ghə a ney maʼa nyi tsu tsəghə dzənə faalə kə nyam mbvən key nsə tûm tə Kəzə̀ tə tsɔŋɔ tə. Ghə i chɔdlɔ ghə fu n tsə̂ tə nsə n tsuʼu tə, nəŋə tədzəm.

Chi dii 20:8

Tə i nuu shi ndow ni sii ndzəŋ ghə̂ ghən ghə loʼnə n naʼa tən tə loʼnə n bow tə mbi tən təkaykə. Naʼa tə tii tə loʼ Gɔg nsə Magɔg. Tə i zuŋŋə naŋa bə soʼo ghə adzəm nə̀ ghə zuu tsam. Taŋ a ghə loʼ n ndəm tə a loʼ kəsəsay n nguŋ ə dzuu.

Chi dii 3:13

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wə.”

Chi dii 3:22

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wə.”

Chi dii 3:6

Wù wey tə khə tuŋŋə wə, tə zow ghəə zey Zay kə Zow kə dzanə tə dzəŋi u dzûmə tə Klisto wə.”

Chi dii 9:20

Taŋ aghə̂ ghən ghə â doʼo səə nə̀ ghə ka kpu n zəŋ tən, n ka tsəm kwey fə̀ŋ tə ghə ni ngɔɔmə muʼu mən ghə faalə kɔʼnə. Ghə n ka buu doʼo soʼo ni ngɔɔmə avəətsəə nsə muʼu mən ghə bɔm kɔʼ nə itsàa, tsâa zə shɔlɔ, tsâa i kəbwu, nə atay nsə muʼu mən ghə kɔm kɔʼ nə nkaʼ. Fə wən udzəm koʼo way sə̂ ghə, zow soʼo way tuŋŋə wə, bwey soʼo way.