1 Timoti 3:4 - Kaa n Kəzə̀ n fəghə mə

⁴ À khə ni loʼ wù wey tə khənə ni kwu keeli dzɔb ndaw wi, waa a wi a zownə tə wi, fuu soʼo wi n ngɔɔmə zə.

1 Timoti 3:4 Mawu Ofanana

Kəfwaʼ 10:2

Tə â ngii gaʼ fə̀ŋ n ghəə a Kəzə̀. Wi ghi ghə̂ a wi ghə n ndaw adzəm n ngɔɔmə tsə Kəzə̀. Tə n buu n wɔɔ kə ni gaamə ghə̂ a Təjuu a laa ghə, gɔŋŋə soʼo tə Zə̀ kə nəŋə tədzəm.

Efesus 5:24

Sey, nghee tə̀ dzəŋi kə dzûmə tə Klisto kə zownə tə̀ Klisto, a loʼ ighələ gheyzən a khənə ni zow tə̀ num a ghə ghə nə aghəə adzəm.

Filipi 4:8

Ni guŋ kɔʼ ghɔɔmə zən a waazə ghə, ghaa khə ni naŋa tsu moʼlə tə ghaa n ghəə ghey a loʼnə isəŋə, ghəə ghey a khənə ngɔɔmə zə, ghəə ghey a loʼnə tsətsəghə, ghəə ghey a zownə, ghəə ghey a dzɔbənə, ghəə ghey a khənə kɔʼləmə, ghəə ghey ghə̂ ghə î ləghənə ni zow nsə ghəə ghey ghə î duʼlənə ni koʼ.

1 Timoti 3:12

Weynum wən tə gaamənə nə̀ kəfwaʼ n dzəŋi kə dzûmə tə Klisto, khə ni loʼ tə wən tə gaʼnə fə̀ŋ n kow wey, tə i loʼ ni kwu keeli dzɔb ndaw wi, nyaŋŋə soʼo waa a wi.

Taytus 1:6

Wù wey tə loʼnə Ngəd n dzəŋi kə dzûmə tə Klisto khə ni loʼ wù wey tə loʼnə tsətsəghə nə̀ tə khə way bwu i loʼ zə. Tə khə ni khə kə wey umɔʼ. Waa a wi a khə ni loʼ dzûmə tə Klisto tə, nyey way, taw soʼo way n tow kə.

Taytus 2:2

I dii ndow nyim tə agheynun tə nə̀ ghə keeli tsu fə̀ŋ tə dzuŋu tə, ghəŋŋə ndow aghəə n jìi zey ghə̂ ghə i fuunə ghə n ngɔɔmə zə, kwɔɔ tsu soʼo wû i ghə. Ghə khə ni tɔʼɔ taw n bəghəm i fə̀ŋ i ghə, khə iləghə n wû i ghə, kow tsu soʼo təfə̀ŋ n bəghəm i fə̀ŋ zey ghə khənə n kow Klisto abə a tsəmə shiə kə ghə i ghaa zə.

Taytus 2:7

Wɔ n wû wə wə̀ a Taytus, wə khə ni ghəŋŋə ghəə ghey a dzɔbənə nəŋə tədzəm sey nə̀ ghə loʼ ni koʼ ney kɔʼ mwam u dzuŋu wey wə khənə. Ghəə ghey wə diinə khə ni loʼ isəŋə, kə wə nə səə soʼonə.