1 Timoti 3:2 - Kaa n Kəzə̀ n fəghə mə

² Wù wey tə loʼnə tow kə tə dzûmə tə Klisto tə, khə ni loʼ wù wey tə khə way bwu i loʼ zə n doʼo i wi. Tə khə ni loʼ wù wey tə gaʼnə fə̀ŋ n kow wey wi. Tə khə way ni mbadla fəələ n fə̀ŋ. Tə khə ni nyoʼlə ghəŋŋənə ghəə ghə. Tə khə ni loʼ wù wey ghə̂ a fuunə wi n ngɔɔmə zə. Tə khə ni loʼ wù wey tə loʼ ni kpiney ghə̂ ghey ghə bwey bəghənə n ndaw wi. Tə khə ni loʼ soʼo wù wey tə loʼ ni dii nduŋŋə ndow ghə̂ ghən ghə bəghəmnə tə Zə̀ kə.

1 Timoti 3:2 Mawu Ofanana

Lukas 1:6

Ghə n dzəŋi muu muu i dzuŋu zə n sə̂ K-a-zə̀, naŋŋə laŋ u Kəzə̀, khə way bwù i loʼ zə.

Lukas 2:36

Tûm Kəzə̀ u zən u loʼ wə â loʼ soʼo fu, tɔŋŋə Anna waa Fanuel tə â shi n naʼ i Asha. Anna mâ ngii dən. Tə n loʼ nə tə mâ num ney, muu tsu ghi wi tənum təsəghəmbəghə, num wi n bə kpu tsu,

Roma 12:13

Ghaa khə ni buu n wɔɔ kə ni fuu ndow tə dzûmə tə Klisto tey tə laʼanə fə kə n fəŋŋə kə ghaa. Fuʼu n təndaw n ghaa n khə ni loʼ tən kə təghə tə̀ ghə̂ ghən ghə bwey bəghənə.

Filipi 2:15

Sey nə̀ ghaa i zow, khə way bwu i loʼ zə. Ghaa i loʼ waa a Kəzə̀ ghey ghə khə way dzə̂wə n fəŋŋə kə mbi i bəbə zən doʼo i ghə i gaŋa doʼonə, way tsətsəghə. Ghaa khə ni teeli baŋa tə a loʼ nsəghəbələ n fəŋŋə kə ghə̂ a bəbə ghən fa n mbi.

1 Timoti 3:12

Weynum wən tə gaamənə nə̀ kəfwaʼ n dzəŋi kə dzûmə tə Klisto, khə ni loʼ tə wən tə gaʼnə fə̀ŋ n kow wey, tə i loʼ ni kwu keeli dzɔb ndaw wi, nyaŋŋə soʼo waa a wi.

1 Timoti 3:8

Ghə̂ ghən ghə gaamənə nə̀ kəfwaʼ n dzəŋi kə dzûmə tə Klisto khə ni teeli khə mwam u dzuŋu wə, ghɔɔmə soʼo n jìi zey i loʼnə tsətsəghə. Ghə khə way ni ngii ləghə lə mə, ngii shiə soʼo way n sə̂ zə nə ukhəə.

1 Timoti 4:3

Ndzoʼo ghə̂ ghən dii nə̀ kə ghə̂ a nə neynə wû zə, tuu soʼo nə̀ kə ghə̂ a nə zəənə ndzoʼo fəzəə n loʼ mə, loʼ sey nə̀ Zə̀ kə ghəŋə fəzəə n tii mə nə̀ abə ghə̂ ghən ghə bəghəmnə tə Klisto, keeli soʼo isəŋə n ghəə a tii ghə dza i zə̂, ghə n zə̂ nə̀ ghə n fuu kɔʼ dzə zɔŋŋə kə tə Zə̀ kə nə igɔŋŋə.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

1 Timoti 5:22

I kə wə nə tsəŋŋənə n wû wə ni tsuʼ naŋa kɔʼ wù nə̀ tə i fwaʼa fwaʼ kə Mûkəbii kə. Ka i nyiəllə soʼo wɔɔ kə n ghəə a bəbə ghey ghə̂ a loʼ a ghəŋŋə kaabənə. Dəmə tsu kə nə̀ wə i zow n ghəə ghə a ghəŋŋə ghə.

1 Timoti 5:9

Kə wə i tɔ̀ɔ zəd i weyzən ə kpusə n màʼlə kə ghey a kpusə nə̀ tə ka kɔʼ kuum num tə nghəm ntuubə. Tə khə ni loʼ soʼo nə̀ tə â ney kə nûm umɔʼ.

2 Timoti 2:24

Wù wey tə loʼnə wù kəfwaʼ a Mûkəbii, khə way ni kəŋə ghɔɔmə zə, tə fəd khə ni khə fə̀ŋ i dzuŋu zə n kow ghə̂ ghə adzəm. Tə khə soʼo ni loʼ wù wey tə khə ni dii dzɔb aghə̂, khə soʼo ni kow fə̀ŋ abə tə diinə ghə̂ ghə.

Taytus 2:2

I dii ndow nyim tə agheynun tə nə̀ ghə keeli tsu fə̀ŋ tə dzuŋu tə, ghəŋŋə ndow aghəə n jìi zey ghə̂ ghə i fuunə ghə n ngɔɔmə zə, kwɔɔ tsu soʼo wû i ghə. Ghə khə ni tɔʼɔ taw n bəghəm i fə̀ŋ i ghə, khə iləghə n wû i ghə, kow tsu soʼo təfə̀ŋ n bəghəm i fə̀ŋ zey ghə khənə n kow Klisto abə a tsəmə shiə kə ghə i ghaa zə.

Hibru 13:2

I kə ghaa i neyzəə ni kpii ney ghə̂ ghən ghə bwey bəghənə n ndaw tə ghaa. Ghə̂ a loʼ a mâ ghəŋə sey, ghə n kpii ney kɔʼ tsətəndəghə tə Kəzə̀ nə̀ ghə khə way.

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

1 Pita 4:7

Nəŋə zə n kuʼlə tə̀ fə wə udzəm ni bə may. Sey ghaa khə ni kwu keeli tsu wû i ghaa, ghaa təmi kɔʼ n fuu zə, sey nə̀, ghaa i loʼ ni tɔʼ gɔŋŋə.

1 Pita 4:9

Ghaa i kpii ney ghə̂ ghey ghə bwey bəghənə n səə ghaa nə̀ ghaa sənnə way.

1 Pita 5:8

Ney kɔʼ na ghə̂mə zə, ghaa təmi kɔʼ nə ifuu! Wù təngəmə ghaa tɔŋŋə də̀ŋ kə avəətsəə kə ghaalə kaabə tsənu tə̀ dəmow nə nəmmənə, i kəŋənə wù ni kwu fə.