1 Timoti 2:4 - Kaa n Kəzə̀ n fəghə mə

⁴ Tə ləghə nə̀ aghə̂ adzəm a keeli ibəghəshi, ghə keeli soʼo isəŋə.

1 Timoti 2:4 Mawu Ofanana

Matyo 28:19

Sey ndòw na, ghaa i ghəŋŋə ndow nə̀ ghə̂ a naʼa tədzəm, ghə doʼo dzûmə tuŋ, fuu ndòw ghə n mmuu n Kəzə̀ mə n zəd i Bày, Waa, nsə Zay kə Zow kə,

Malakus 16:15

Tə n dza tə̀ ghə nə̀, “Ndòw na n mbi idzəm, ghaa naʼa ndòw tûm i dzuŋu zə tə̀ ghə̂ ghə adzəm.

Lukas 1:77

Wə ghəŋə nə̀ ghə̂ a wi a keeli tsu nə̀ ghə î keeli ibəghəshi, abə Zə̀ kə neyzəənə ghəə a ghə a bəbə ghə.

Lukas 14:23

Mûkəbii wey n dza tə̀ wù kəfwaʼ a wi wey nə̀, ‘Ndòw tɔŋɔ kaabə bə ghə̂ ghə n jii nsə n jii tə mbvən, nə ghə bə, tə̀ ndaw zuŋ luu kɔʼ.

Lukas 24:47

Nsə nə ghaa naʼa tûm i dzuŋu zə n zəd i Yeso n badla tə mbi tədzəm nə ghə̂ a kweyyə nuu bə fə̀ŋ tə ghə n ghəə a bəbə ghə tə Zə̀ kə neyzəə bəb i ghə, ni zey tsu n Yerosalem, kuum ndow n badla tə mbi tədzəm.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Tùm i dzuŋu zə kuum Yeso Klisto tə Jɔn â tɔɔnə 17:17

Sòw maʼa tsu ghə nə̀ ghə i zow nə isəŋə zey wə zoʼlə ghə tii, n təŋkey ghɔɔmə zə i loʼ isəŋə.

Tùm i dzuŋu zə kuum Yeso Klisto tə Jɔn â tɔɔnə 6:37

Ghə̂ ghey adzəm Bày wuŋ fuu naŋanə tə̀ mə, î teeli bə doʼlə ghi mə. Abə wù bə doʼo bənə ghi mə, mə î dzum nuu koʼ way wi.

Roma 11:14

N moʼlə nə̀ fwaʼ kə tii kə loʼ ni ghəŋə nə̀ waazə ghuŋ, ghə̂ a Təjuu ghə i ghoʼo fə key ghə̂ ghən ghə way ghə̂ a Təjuu a khənə, sey, mə i loʼ ni gaamə ghə nə̀ ghə keeli ibəghəshi.

1 Timoti 4:10

À wən loʼ zuŋ key saa fwaʼanə, dəmə soʼo ni keeli ghəə ghən, n təŋkey, saa gaʼ fə̀ŋ tə saa n kow Zə̀ kən kə loʼnə utaw, tə loʼnə bəghəshi tə ghə̂ ghə adzəm, a ka tsəm dza ghə̂ ghən ghə bəghəm fuunə tə wi.

2 Timoti 2:25

Tə khə ni dii ndow ghə̂ ghey ghə zuulə baalənə wi nyaŋi fənyaŋi, n nəŋə i loʼ zə Zə̀ kə loʼnu ni ghəŋə nə̀ ghə kweyyə nuu bə fə̀ŋ tə ghə n ghəə a bəbə ghə, ghə zowkeeli soʼo isəŋə.

2 Timoti 3:7

Gheyzən ghən dəmə zeeli tsə kə nəŋə tədzəm ni zoʼlə ghəə a fəghə ghə, loʼ sey nə̀ ghə way ni zowkeeli koʼ isəŋə.

Taytus 1:1

À màʼlə kən tɔ̀ɔ bə mə Pɔl. N loʼ wù kəfwaʼ ə Kəzə̀, lòʼ soʼo ngəd ə Yeso Klisto. Zə̀ kə â say kɔʼ mə, tûm bə nə̀ n bə gaamə ni ghəŋə nə̀ bəghəm i fə̀ŋ i ghə̂ ghən Zə̀ kə sày naŋa nə̀ ghə doʼo ghə̂ a wi, zə i nyîmmə, n ghəŋə soʼo nə̀ ghə keeli isəŋə zey i loʼ ni gaamə ghə nə̀ ghə i muu n jìi zey Zə̀ kə ləghənə.

Taytus 2:11

Zə̀ kə n dii bə tə saa ndzoʼo fə̀ŋ i dzuŋu zey tə khənə nghee tə bənə ni bə bəghəshi aghə̂ adzəm.

Hibru 10:26

Abə saa ndzəm tsəghə ndow kə n sə kə ni ghəŋŋə ghəə bəbə ghə, loʼ sey nə̀ saa n keeli isəŋə, maʼlə u loʼ u kəm way dzə ni fəələ tə̀ Zə̀ kə, u loʼnə ni sow maʼa ghəə a bəbə a tii ghə.

Jems 3:14

Abə i kee loʼ nə̀ ghaa khə ghoʼ kə bəbə kə n fə̀ŋ tə ghaa, ngii shiə soʼo n sə ghə, kə ghaa nə nəŋŋə nyiə naŋŋənə isəŋə, ghaŋŋə iwû nə̀ ghaa khə utɔb.

2 Pita 3:9

Mûkəbii lasə dzə way ni luulə ghəə zey tə â təb naŋanə tə̀ ghə̂ a loʼ a moʼlənə. I fəd loʼ nə̀ tə kow fə̀ŋ ghi ghaa n təŋkey tə ləghə way nə̀ Zə̀ kə ləŋi maʼa wù ghaa umɔʼ. Tə kee ləghə nə̀ aghə̂ adzəm a kweyyə nuu bə n ghəə a ghə a bəbə ghə.

2 Jɔn 1:1

À màʼlə kən tɔ̀ɔ bə mə Jɔn wən n loʼnə ngəd. N tɔ̀ɔ bə tə weyzən wən Zə̀ kə sày naŋa kɔʼnə nsə waa a wi ghə. N tɔ̀ɔ bə boʼnə n ngii ləghə wi. A way kə mə n ləghənə wi, ghə̂ ghey adzəm ghə khənə isəŋə, ləghə soʼonu wi.

Chi dii 14:6

Mə n daŋŋə koʼ ndow tsəndəghə Kəzə̀ u loʼ wə tə zəʼlə kaabənə idəŋ idəŋ, tə khə tûm i dzuŋu zən i fuunə muu zən i may way ni naʼa tə̀ ghə̂ ghən adzəm ghə muunə a ghəlitsə. Zə i naʼlə tûm i dzuŋu zə tə̀ sali ndaw tə tədzəm, təghɔɔmə tədzəm, təluʼu tədzəm nsə naʼa tə tədzəm.