1 Timoti 1:9 - Kaa n Kəzə̀ n fəghə mə

⁹ Saa khə soʼonu nə Zə̀ kə ka laŋ kə ghəŋə dzə tə ghə̂ ghən ghə loʼ tsətsəghə. Â fəd loʼ tə ghə̂ ghən ghə bwuulə maʼa laŋ kə nsə ghə̂ ghey ghə ney way n wɔ Zə̀ kə, ghə̂ ghən ghə khə way Zə̀ kə nsə ghə̂ a bəbə ghə, ghə̂ ghən ghə khə way Zay kə Zow kə nsə ghə̂ ghən ghə ngɔɔmə way Zə̀ kə, ghə̂ ghən ghə weyyənə ghə bày a ghə ghə nkee ghə này ghə ghə, ghə̂ ghən ghə weyyənə ghə̂ ghə.

1 Timoti 1:9 Mawu Ofanana

Matyo 10:21

“Waazə i fìilə fuu ndòw waazə nə̀ ghə wey wi, bày i fìi fuu nuu ndòw waa, ghiinətəghə ghə î kɔʼɔ n tow u ghə bày nsə ghə zə̂, ghə i weyyə ghə.

Roma 1:30

Ghə bəəbə kaabə zəd a ghə̂ ghə, ləghə way Zə̀ kə, khə ndow, ghaŋŋə iwû, kɔʼlə soʼo iwû. Ghə kəŋə təjii tədzəm ni ghəŋŋə ghəə a bəbə ghə. Ghə ngɔɔmə way ghə bày a ghə ghə.

Roma 4:13

Zə̀ kə â təb naŋa tə Abraham ghi waa a waa a wi ghə nə̀ à i keeli ghə mbi zən. Â way dzə nə̀ tə â tɔʼɔ ngii naŋŋə laŋ K-a-zə̀, â fəd loʼ n təŋkey, tə â bəghəm tə Zə̀ kə, Zə̀ kə n ney ndow wi nə̀ tə loʼ tsətsəghə.

Roma 5:20

Zə̀ kə fuu bə laŋ kə wi nə̀ ghə̂ adzəm i loʼ ni koʼo ndow ghəə a bəbə ghən ghə ghəŋŋənə. A n kee bə ghə̂ a ghəŋŋə nduŋŋə ndow kə ghəə bəbə ghə, Zə̀ kə n baa kəm dii bə ndzuŋ ə wi tə̀ ghə̂ ghə naʼ idzəm nə̀ maŋ kwɔɔlə tsu isî.

Roma 6:14

Bəb i kəm khə way daʼa kə loʼ kə n kow ghaa n təŋkey, ghaa kəm muu dzə way n tənə kəlaŋ, ghaa nya fəd muu bòʼ ndzuŋ ə Kəzə̀ zən tə dii bənə tə̀ ghaa.

Galeshia 3:19

Abə a loʼ sey, Zə̀ kə â fuu laŋ kən nə a loʼ kee? Zuŋ key Zə̀ kə â fuunə laŋ kə â loʼ ni dii tə ghə nə̀, ghə ghəŋŋə ghəə a bəbə ghə ni bə kuum bə n nəŋə zey Yeso, tɔŋɔ waa wey Zə̀ kə a dza naŋanə nə̀ i tûm bənu â bənə tii. À loʼ tsətəndəghə tə Kəzə̀ tə â bə fuunə laŋ kə tə Mushi tə loʼ wù wən tə təmə dzəŋi ghə̂ ghə ghi Zə̀ kə.

Galeshia 5:18

À kee loʼ nə̀, abə wə bweynə n daʼa kə Zay kə Zow kə, i sey dii nə̀, wə way dzə n tənə kəlaŋ.

Galeshia 5:21

wù wey tə ləghə way ni koʼ nə̀ wù loʼ shi kəfə, ni məə khəə nlə mə, dzəŋi u bəbə wə nsə ndəmə ghəə a bəbə a loʼ ghə tə a loʼ a ghən. Tə mə â buʼ kii naŋa dzənə tə ghaa, n nam kii naŋŋə bə ghaa nə̀, wù wey tə ghəŋŋənə ndzoʼo ghəə ghən nə nyi koʼ way n fɔɔ u Kəzə̀.

Galeshia 5:23

ni bɔɔmə ghəŋŋə ghəə ghə nsə zuŋ kə umwam kə. Laŋ kə loʼ kə way dzə kə tuunə nə wə ka ghəŋə ghəə ghən.

2 Tesalonika 2:8

Abə ghə i ney nuu tsunə wù wey tə kwɔɔ ghəə ghən, wù wən tə sii ndzəŋŋənə ghə̂ ghə i dii bə uwû. A kee loʼ nə̀, Mûkəbii Yeso i bəghə wey maʼa daʼa kə wi n zuʼ tə idzuu tə wi, tə ləŋi maʼa wi n nyiələ i wi.

1 Timoti 4:7

Kə wə nə bəəbənə nəŋə zə zə̀ ni zəllə zeeli zəzəə n wey mey gheyzən a khəənə nə̀ n khə way ghə i loʼ zə ni ghəŋə ghi Zə̀ kə. Fət dəŋ naŋa tsu wû wə wə̀ ni muu n jìi zey Zə̀ kə ləghənə.

1 Timoti 6:20

Timoti, tɔʼɔ kwu keeli fə key Zə̀ kə fuu naŋanə tə wɔ nə̀ wə i keyyə. Kə wə nə zəllənə ghɔɔmə tən tə fuu way ngɔɔmə zə tə Zə̀ kə nsə ghɔɔmə tə laʼlə tən ghə̂ a loʼ a dza nə̀ a loʼ utɔb loʼ sey nə̀ à way dzə utɔb.

2 Timoti 2:16

Ka i nyiə n ghɔɔmə tən tə fuu way ngɔɔmə zə tə Zə̀ kə nsə n ghɔɔmə tə laʼlə tə n təŋkey, ghə̂ ghey ghə nyiənə n ndzoʼo ghɔɔmə tən, ghə n nyəŋə laʼa nay ndow n ghəə a Kəzə̀.

2 Timoti 3:2

Ghə̂ ghə i bɔɔmə ləghə kə wû i ghə zə, shiə n sə̂ ghə n ghəə ghə ukhəə, ghaŋŋə iwû, kpaalə aghə̂, zow way tə ghə bày a ghə ghə, ney way wù n taŋ, fuu way zɔŋŋə kə tə ghə̂ ghey ghə gaamənə ghə, ghə nə ney way ghəə a Kəzə̀ ghə n taŋ,

Taytus 1:10

N dza sey n təŋkey ndzoʼo ghə̂ ghey ghə tuu maʼanə tûm i tii zə ndəŋ loʼnu, a ka ndɔm dza ghə̂ a Təjuu ghən ghə təmi taw kɔʼnə nə̀ ghə khə ni teeli səghə tyi kə wù tə̀ wi ni keeli ibəghəshi. Ghə tuu ni zow tə̀ ghə̂ ghey ghə loʼnə tow wə, nəbə kaabə tsə soʼo aghə̂ nə təghɔɔmə nə̀ tə way ni gaamə wù n ghə i loʼ zə.

Taytus 1:16

Ghə maŋa dza nə̀ idzuu nə̀ ghə khənu Zə̀ kə, loʼ sey nə̀ ghəə a ghə a ghəŋŋə a dii bənu nə̀ ghə tuu maʼanu wi. Ghə khə mwam n bəbə mə, zow way tə̀ Zə̀ kə, way soʼo ni ghəŋə ghə i loʼ zə i dzɔbənə.

Taytus 1:6

Wù wey tə loʼnə Ngəd n dzəŋi kə dzûmə tə Klisto khə ni loʼ wù wey tə loʼnə tsətsəghə nə̀ tə khə way bwu i loʼ zə. Tə khə ni khə kə wey umɔʼ. Waa a wi a khə ni loʼ dzûmə tə Klisto tə, nyey way, taw soʼo way n tow kə.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.

Hibru 11:31

À loʼ bəghəm i fə̀ŋ zən Rahab wən tə â loʼnə kpala kə, tə â khənə n kow Zə̀ kə, zə â ghəŋənə nə̀ kə Zə̀ kə nə wey dzəŋinə wi ghi ghə̂ ghən ghə â zow way tə̀ Zə̀ kə n təŋkey, tə â kpiney tsi tə Izree.

Hibru 12:16

Kə wù ghaa u loʼ u nə ghəŋŋə ghəə a laŋŋə ghə, kə wù ghaa u loʼ u doʼlə nə̀ tə khə way Zə̀ kə tə a loʼ Isaw wən tə â fìinə daʼa wey tə â shi bə n ghii wə tə̀ a loʼ waa u sə isə wə n nəŋə i zəə zə imɔʼ.

1 Pita 2:7

Tay zən loʼ tay i səŋi zə tə ghaa ghey ghaa bəghəm fuunə tə Klisto. A kee bə ghə̂ ghey ghə ka bəghəm fuu, i tɔ̀ɔ doʼo n màʼlə K-a-zə̀ nə̀, “Tay i mɔʼɔ zey ghə̂ a bəghə a təndaw ghə â tuu maʼanə nə̀ i way kəfə, N kəm bə doʼo tay i səŋi zə tsəghəshi atay adzəm.”

1 Pita 3:20

À wən â loʼ zay u ghə̂ ghey ghə â zow way tə Zə̀ kə n nəŋə zey tə â kownə fə̀ŋ ni ləmə n tsuʼu mey Noa â bəghənə fə̀n kə wi kə. Zə̀ kə â bəghəshi kə sə fə aghə̂ tii n fən kə tii kə. Â loʼ kə aghə̂ ifam Zə̀ kə â bəghəshinə n mmuu n tii mə.

1 Pita 4:18

I tɔ̀ɔ doʼo n màʼlə K-a-zə̀ nə̀, “Abə i loʼ ni taw tə ghə̂ a dzuŋu ghə ni keeli ibəghəshi, Zə i boʼo taw ngee tə ghə̂ a bəbə ghən ghə khə way Zə̀ kə ni keeli ibəghəshi ə?”

Màʼlə kə Jud tə̀ ghə̂ a Kəzə̀ ghə 1:15

Tə i bəghə ghi ghə ni bə saʼ aghə̂ adzəm, tə chɔd soʼo ghə̂ ghey ghə ngɔɔmə way Zə̀ kə adzəm n ghəə a bəbə ghey ghə ghəŋŋənə. Tə i chɔdlɔ soʼo ghə̂ ghən ghə ngɔɔmə way Zə̀ kə n ghəə a bəbə ghən ghə â dzanə n tow K-a-zə̀.”

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.