1 Timoti 1:8 - Kaa n Kəzə̀ n fəghə mə

⁸ Saa khənu nə̀ laŋ K-a-zə̀ kə loʼ fə kə dzuŋu kə abə saa ghəŋŋənə ghəə ghə tə̀ laŋ kə diinə.

1 Timoti 1:8 Mawu Ofanana

Roma 12:2

Kə ghaa nə dzûmənə ghow kə ibwey kə ghə̂ a mbi ghən, fəd zəghə tsu n na nə̀ Zə̀ kə kweyyə kɔʼ fə̀ŋ tə ghaa. Abə ghaa ghəŋənə sey, ghaa i loʼ ni keeli ghəə zey Zə̀ kə ləghənə. Ghaa i khə ghəə zey i loʼnə ghə i dzuŋu zə tə Zə̀ kə, khə ghəə zey i loʼnə tsətsəghə, kpiilə soʼo tə̀ wi.

Roma 7:16

Abə n ghəŋŋənə ghəə zey n khənə nə̀ i kpiilə way, i sey dii nə̀ n bəghəmnu nə̀ laŋ kə loʼ fə kə dzuŋu kə.

Roma 7:18

N khənu nə̀ ndzuŋ i loʼ i way dzə n kow mə n təŋkey n maŋa ghəŋə aghəə tə̀ vən fə uwû fuŋ ləghənə. N mgbaŋ khənu moʼlə zə ni ghəŋŋə ghəə zey i kpiilənə, mə n kee dəmə kiʼi ni ghəŋə ghə i tii zə.

Roma 7:22

I sey diinə, N ləghənu laŋ kən Zə̀ kə fuu bənə n fə̀ŋ zuŋ idzəm.

Galeshia 3:21

N dza n bəb bə nə̀, laŋ K-a-zə̀ kə nya ballə kɔʼɔ bə ghi təb K-a-zə̀ kə ə? Ngaŋ! Abə laŋ kə mə loʼ ni ghəŋə saa nə̀ a keeli imuu, ghə̂ adzəm a mə ndzəmə naŋŋə laŋ u tii wə, sey nə̀, ghə loʼ ni loʼ tsətsəghə n sə K-a-zə̀.

2 Timoti 2:5

Wù wən tə nyəŋə ballənə, way dzə ni nyəŋ zə̂ kəfə abə tə nyəŋə way tə laŋ u nyəŋə u tii u diinə.