1 Timoti 1:12 - Kaa n Kəzə̀ n fəghə mə

¹² N fuu kəzɔŋŋə tə Yeso Klisto Mûkəbii saa, tə fuunə mə n daʼa kə nə n fwaʼ fwàʼ kuŋ. N fuu zɔŋŋə kə wi nghee tə koʼ tsu nə̀ n loʼnu tsətsəghə, tə u say kɔʼnə mə nə̀ n fwaʼ tə wi.

1 Timoti 1:12 Mawu Ofanana

Matyo 20:4

tə n dza tə̀ ghə nə̀, ‘Ndòw fwaʼa na n sum wuŋ, mə i tsəə ghaa n fə key kə kpiinə ni tsə n fwaʼ key ghaa i fwaʼanə.’

Tùm i dzuŋu zə kuum Yeso Klisto tə Jɔn â tɔɔnə 5:23

Tə ghəŋə sey nə̀ ghə̂ adzəm ghə i ngɔɔmə Waa, ighələ tə̀ ghə ngɔɔmənə Bày. Wù wey tə ngɔɔmə way Waa sey ngɔɔmə soʼo way Bày wey tə tûmnə wi.

Kəfwaʼ 16:15

Ambə tə ney kɔʼnə mmuu n Kəzə̀ mə ghi ghə ghey n ndaw wi adzəm, tə n dza tə ghey nə̀, “Abə ghaa koʼnə nə̀ n loʼ wù wey n ndzəm bəghəmnə tə Mûkəbii, ghaa n bə muu bə fa n ndaw zuŋ.” Tə n ghəŋŋə kə sey, kɔŋŋə nuu ndow ghey.

Kəfwaʼ 9:15

Mûkəbii n fəd beeli ndow wi nə̀, “Ndow kənu! N təŋkey mə n wi sày nə tə fwaʼ tə mə, tə ghəŋŋə nə̀ ghə̂ ghey ghə way ghə̂ a Təjuu ghə, də̀ŋ u ghə, nsə ghə̂ ghə Izree ghə nə̀ ghə keeli wù wey n loʼnə ghii wə.

Kəfwaʼ 9:22

Sɔl n fəd ndəmi nyi ndow uwû ni naʼa tûm i dzuŋu zə. Tə n dii nə təjìi tədzəm nə̀ Yeso ndzəm loʼ wù wey Zə̀ kə â dza naŋa nə̀ i tûm bənu. Tə n dii n jìi zey ghə̂ a Təjuu ghey n Damaskus n laʼ kii kɔʼ ghə i dza zə.

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

1 Kɔrint 3:5

Apolos ghi Pɔl buʼ loʼ ghə ndee? Ghə maŋ loʼ ghə̂ a kəfwaʼ a Kəzə̀, Zə̀ kə ghəŋənə ghə nə̀ ghə ghəŋə nə̀ ghaa keeli bəghəm i fə̀ŋ n kow Klisto. Kay wù fwaʼa ndòw kə fwaʼ key Mûkəbii fuu naŋanə tə̀ wi nə̀ tə fwaʼ.

1 Kɔrint 7:25

N ghəə ghən ghaa a tɔ̀ɔ bəb bənə kuum ghə̂ ghən ghə ka kam ney iwû, n khə way laŋ kə loʼ kə Mûkəbii fuu bənə. Nghee Mûkəbii kwɔɔlənə sî zə n kow mə, ghəŋə nə̀ ghə̂ a loʼ ni gaʼ fə̀ŋ n kow mə, n kee fuu bənu saalə kuŋ kə.

2 Kɔrint 4:1

Nghee tə Zə̀ kə kwɔɔlənə sî zə n kow ghey, fuu ghey n fwaʼ kə kən, fə̂ kə loʼ kə way kə loʼ ni ghəŋə nə̀ ghey buu səə.

Galeshia 3:26

Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Galeshia 3:28

Ghaa ghən ghaa bəghəm nə tə Yeso Klisto, ghaa nya loʼ kəfə kəmɔʼ ghi Yeso Klisto. Kweyyə kə loʼ kə way dzə a dza nə̀ u loʼ wù Juu nkee u way wù Juu, u loʼ kəkɔd nkee wù ngəŋ, u loʼ weyzən nkee weynum.

Filipi 2:11

Nsə nə̀, aghə̂ adzəm ghə i dza shiə bə mgbaŋ nə̀ Yeso Klisto loʼ Mûkəbii, Ni fuu ndow nkɔʼlə tə̀ Zə̀ kə tə loʼnə Bày saa.

Filipi 4:13

N loʼnu ni ghəŋə aghəə adzəm n daʼa key Klisto fuunə tə̀ mə.

Kolose 1:25

À loʼ Kəzə̀ tə sàynə mə nə̀ n doʼo wù kəfwaʼ a wi n dzəŋi kə dzûmə tə Klisto. Fwaʼ kən tə funə tə mə loʼ ni tiilə dza ghɔɔmə i Kəzə̀ tə ghə̂ ghə.

1 Timoti 1:1

A màʼlə kən tɔ̀ɔ bə mə Pɔl, n loʼnə ngəd ə Yeso Klisto. N doʼonə tsəndəghə ə wi nə̀ a mə sày Zə̀ kən kə loʼnə bəghəshi ə saa nsə Yeso Klisto wən saa gaʼnə fə̀ŋ n kow wi.

1 Timoti 1:11

Dii zən bəghəm dzəŋi ghi tûm i dzuŋu zən Zə̀ kə â fuu naŋa tə mə nə̀ n naʼa. À wən loʼ tûm i dzuŋu zən, i nuu bənə n wɔ Zə̀ kən kə khənə daʼa kə, ghə̂ fuunə wi n kɔʼləmə.

1 Timoti 1:2

N màʼlə kən tɔ̀ɔ bə tə wɔ a Timoti, wə ndzəm loʼnə tə a loʼ waa wuŋ n təŋkey saa dzəŋi bəghəm tə Klisto. N gɔŋŋə nə̀ Zə̀ kə, tə loʼnə Bày saa nsə Yeso Klisto tə loʼnə mûkəbii saa, dii wɔ n ndzuŋ, tə dii wɔ n sî i kwɔɔlə zə, tə ghəŋə soʼo nə̀ wə i muu nə ibuulə.

1 Timoti 6:13

N dza bə tə wɔ n sə kə Zə̀ kən kə fuunə muu zə tə fə wə udzəm, nsə n sə kə Yeso Klisto wən tə â tɔʼ dzanə isəŋə n nəŋə zey Pontus Pilato â saʼanə wi,

2 Timoti 2:2

Ney kɔʼ ghəə ghən wə â zownə mə n diinə n sə kə ndəmə aghə̂, wə fuu naŋa tsu ghəə a tii ghə n wɔ ghə̂ ghən ghə loʼ nə wə loʼ ni gaʼ fə̀ŋ zə n kow ghə, sey nə̀, ghə i loʼ ni dii nduŋŋə ndow tə ghə̂ ghə.

2 Timoti 4:17

A kee loʼ nə̀ Mûkəbii â loʼ ghi mə, tə n fuu mə n daʼa kə nə̀ mə i loʼ ni naʼa may tûm i dzuŋu zə tə ghə̂ ghən adzəm ghə way ghə̂ a Təjuu ghə. Zə̀ kə sey bəghəshinu mə n wɔɔ kə ivə.

Taytus 1:4

N tɔ̀ɔ bə màʼlə kən tə̀ wɔ a Taytus, wə ndzəm loʼnə tə̀ a loʼ waa wuŋ u səŋi wə n təŋkey saa dzəŋi bəghəm tə̀ Klisto. N gɔŋŋə nə̀ Zə̀ kə, tə loʼ Bày nsə Yeso Klisto, tə loʼ Bəghəshi saa, dii wɔ n fə̀ŋ i dzuŋu zə, ghə fuu soʼo wɔ n buulə zə.

Filemun 1:9

Nghee n sə ləghənə wɔ, a wey loʼ i ghii n buʼu bənə wɔ n wɔɔ kə. N tsəmə ney dzə way n taŋ nə̀ mə Pɔl, n loʼ nyim kə wù, loʼ soʼo n ndaw tsaʼ bòʼ Klisto.