1 Timoti 1:10 - Kaa n Kəzə̀ n fəghə mə

¹⁰ Laŋ kə loʼ tə ghə̂ ghən ghə laŋŋənə, gheynum ghən ghə nyəŋinə n wû i ghə, ghə̂ ghən ghə kwɔɔ fìilənə ghə̂ ghə tə a loʼ ukɔd, ghə̂ ghən ghə badla ghəə ghə nsə ghə̂ ghən ghə kàanə zəd i Kəzə̀ zə nə kənunu nsə ghə̂ ghən ghə ghəŋŋənə ghəə ghən a kpiilə way ghi ghəə a Kəzə̀ ghə.

1 Timoti 1:10 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Roma 1:26

À wən loʼ ghəə zey i ghəŋənə nə̀ Zə̀ kə zəghə maʼa ndow ghə nə̀ ghə i ghəŋŋə ndow dzəə dzəə tə aghəə tey fə̀ŋ tə ghə tə ləghənə. Gheyzən a ghə a nyəŋi n wû i ghə, loʼ sey nə̀ i mə khə way ni doʼo sey.

1 Timoti 4:6

Abə wə tiillə dza ndownə ghəə ghən n dii kɔʼ bənə tə wɔ tə̀ dzûmə tə Klisto tə, ney soʼo fə̀ŋ zə n ghɔɔmə i Kəzə̀ zən wə bəghəmnə tii nsə isəŋə zən wə bweynə tii, wə i doʼo wù kəfwaʼ a Yeso Klisto u dzuŋu wə.

1 Timoti 6:3

Abə wù loʼ diinə ghəə a nuu ghə, nə̀ a bəghəm dzəŋi way ghi tûm i dzuŋu zən bòʼ Mûkəbii Yeso Klisto, nə̀ a bəghəm dzəŋi soʼo way ghi muu i dzûmə tə Klisto tə,

2 Timoti 1:13

Tɔʼɔ kwu keeli dzɔb tsu ghəə ghən adzəm mə â dii bənə tə wɔ, tə a loʼ jìi zey i kpiinə tə wɔ ni dzûmə. Nghee wə bəghəmnə tə Klisto, khə soʼo iləghə n kow ghə̂ ghə, wə i loʼnu ni dzûmə jii zən n təŋkey wə loʼ nə kəfə kəmɔʼ ghi Yeso Klisto.

2 Timoti 4:3

N dza sey n təŋkey nəŋə zə i bəghənu ghə̂ ghə i ləghə way ni zəllə ghɔɔmə i Kəzə̀ zən i loʼnə isəŋə, ghə i fədlə dzûmə ndow ghəə ghən fə̀ŋ tə ghə tə ləghənə. Ghə i tɔŋɔ zuŋŋə bə n səə ghə, ghə̂ a dii ghey ghə diinə ghəə ghey tuŋŋə u ghə u ləghənə ni zow.

Taytus 1:13

Ghəə ghən wù tûm Kəzə̀ wən â dzanə bòʼ ghə̂ a Krit loʼ isəŋə. À wey loʼ ghə i tii zə wə khə ni kpaa tənə tsu ghə n sə kə ghə, sey nə̀ ghə loʼ ni təmi taw tsu n bəghəm i fə̀ŋ i ghə.

Taytus 1:9

Tə khə ni loʼ wù tə ndzəm bəghəmnə naŋanə tûm i dzuŋu zə bòʼ Yeso Klisto ighələ tə̀ tə â zoʼlə neynə, sey nə̀, tə i loʼ ni kuu nduŋŋə ndow fə̀ŋ tə ghə̂ a loʼ ghə nə̀ isəŋə i tii zə, tə i loʼ soʼo ni faalə tiilə ndow aghəə tə̀ ghə̂ ghey ghə tuu maʼanə tûm i dzuŋu i tii zə.

Hibru 13:4

Tɔʼɔ kwu keeli n na ney zə iwû zə. Kə wù loʼ n ghə̂ ghey ghə ney dzənə wû zə nə shiə nyəŋinə ghi wù nuu a bii n təŋkey, Zə̀ kə i chɔdlɔnu ghə̂ ghey ghə shiə nyəŋinə ghi ghə̂ ghə a bii nsə ghə̂ ghey adzəm ghə ghəŋŋənə ghəə a laŋŋə ghə.

Màʼlə kə Jud tə̀ ghə̂ a Kəzə̀ ghə 1:7

N jii i mɔʼɔ zə, kə ghaa nə neyzəənə nghee naʼ i Sodom, naʼ i Gomora nsə naʼa tən tə â dzəŋ ngəə bənə ghə, â fuu may ndownə wû i ghə zə ni ghəŋŋə ghəə a laŋŋə ghə nsə dzəə dzəə tə aghəə tə. Ghə loʼ tə a loʼ tsəə tə ghə̂ ghey ghə i fəʼlənə n vəllə wən u nəmmə koʼo tsə way.

Chi dii 18:13

Wù i way ni kəm zuu shəshiə fən ghə tɔŋŋə nə̀ a loʼ sinamon, nsə fəghə n ləmmə mə. Wù i way ni zuu inəŋ, nəŋ zən ghə tɔŋŋə nə̀ a loʼ məə nsə frankənsəns. Wù i way ni zuu nlə nsə mbvə n zəə mə. Wù i way ni zuu nfuŋ nsə səb ghə. Wù i way ni zuu təmbɔŋɔlɔʼ nsə njì tə. Wù i way ni zuu ukhinyam nsə kaya tə kəkhinyam tə. Wù i kəm way ni zuu ukɔd nsə ghə̂ ghə.

Chi dii 21:27

Fə kə dzəə kə loʼ kə nə nyi koʼ way n naʼ i tii zə, nkee wù wən tə ghəŋŋə ləbi tə aghəə nkee ghəə tow kə dədlə kə nkee ghə̂ a badla ghə aghəə ghə. A fəd loʼ ghə̂ ghən zəd a ghə tɔ̀ɔ doʼo n màʼlə kə Waa Nji key, ghə̂ ghey ghə i keelinə muu zə itsali zə loʼnə tii, ghə i nyiənə fu n naʼ i tii zə.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.