1 Timoti 1:1 - Kaa n Kəzə̀ n fəghə mə

¹ A màʼlə kən tɔ̀ɔ bə mə Pɔl, n loʼnə ngəd ə Yeso Klisto. N doʼonə tsəndəghə ə wi nə̀ a mə sày Zə̀ kən kə loʼnə bəghəshi ə saa nsə Yeso Klisto wən saa gaʼnə fə̀ŋ n kow wi.

1 Timoti 1:1 Mawu Ofanana

Lukas 1:47

zay kuŋ kə duʼlənu ghi Zə̀ kə, tə loʼ bəghəshi wùŋ.

Lukas 2:11

Koʼo na! N tsuʼ u na wən, ghə ji bəghəshi ə ghaa n naʼ i Fɔɔ Devid. Tə loʼ Wù wey Zə̀ kə Tsuʼ naŋanə tɔŋɔ Klisto tə loʼ Mûkəbii.

Kəfwaʼ 9:15

Mûkəbii n fəd beeli ndow wi nə̀, “Ndow kənu! N təŋkey mə n wi sày nə tə fwaʼ tə mə, tə ghəŋŋə nə̀ ghə̂ ghey ghə way ghə̂ a Təjuu ghə, də̀ŋ u ghə, nsə ghə̂ ghə Izree ghə nə̀ ghə keeli wù wey n loʼnə ghii wə.

Roma 1:1

À màʼlə kən tɔ̀ɔ bə mə Pɔl wù kəfwaʼ ə Yeso Klisto. Zə̀ kə mâ mə sày tə a loʼ ngəd ə Yeso, naŋa mə nə̀ mə i naʼlə tûm wi i dzuŋu zə.

1 Kɔrint 1:1

À màʼlə kən tɔ̀ɔ bə mə Pɔl wən Zə̀ kə say kɔʼnə n ləghə i wi nə̀ n doʼo ngəd ə Yeso Klisto. N loʼ fa ghi waazə saa, tɔŋŋə Sɔstenes.

1 Kɔrint 9:17

Abə à mə loʼ nə̀ a tsə̀m kɔʼ mə ni naʼlənə tûm i dzuŋu zən, tə n mə moʼlə nə̀ ghaa khə ni tsə mə n fwaʼ kə tii kə. À fa kee loʼ nə̀ a ka tsəm dzə mə ni fwaʼ fwaʼ kən, à loʼ Kəzə̀ kə sàynə mə nə̀ n fwaʼ fwaʼ kən tə fuu naŋanə tə̀ mə.

2 Kɔrint 1:1

À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.

Galeshia 1:1

À màʼlə kən tɔ̀ɔ bə mə Pɔl. N loʼ ngəd ə Yeso Klisto. À ka mə say dzə wù sɔŋtsuʼ, à way soʼo wù sɔŋtsuʼ tə tûmnə mə nə n doʼo tsəndəghə. À fəd loʼ Yeso Klisto nsə Zə̀ kə, tə loʼ Bày wən tə â zhəm dzəŋŋə bənə Yeso nə ivə.

Galeshia 1:11

Waazə ghə, n ləghə nə̀ ghaa keeli tsu nə̀, tûm i dzuŋu zən n naʼlənə ka nuu bə dzə n wɔ wù sɔŋtsuʼ.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

2 Tesalonika 2:16

Ghey gɔŋŋə ndow tə̀ Mûkəbii saa Yeso Klisto nsə tə̀ Zə̀ kə tə loʼnə Bày saa. Zə̂ kən kə ləghənə saa, tə tsəmmənə fəŋ tə saa nəŋə tədzəm, ghəŋə nə̀ saa i ləmə tənnə tə wi n bam i ndzuŋ ə wi.

1 Timoti 1:12

N fuu kəzɔŋŋə tə Yeso Klisto Mûkəbii saa, tə fuunə mə n daʼa kə nə n fwaʼ fwàʼ kuŋ. N fuu zɔŋŋə kə wi nghee tə koʼ tsu nə̀ n loʼnu tsətsəghə, tə u say kɔʼnə mə nə̀ n fwaʼ tə wi.

1 Timoti 2:3

I dzɔbənu ni gɔŋŋə tə ghə̂ ghə adzəm n ndzoʼo jii zən, à loʼ soʼo ghəə zey Zə̀ kə, tə loʼnə bəghəshi ə saa ləghənə.

1 Timoti 2:7

À wən loʼ zuŋ key Zə̀ kə â sàynə mə tə a loʼ ngəd tə Yeso Klisto, tûm ndow soʼo mə tə̀ a loʼ wù dii nə̀ n ndow naʼa tûm i dzuŋu zə tə ghə̂ ghən ghə way ghə̂ a Təjuu ghə bòʼ bəghəm i fə̀ŋ nsə isəŋə kuum Yeso. Ghəə ghən n dzanə, loʼ isəŋə, n badla dzə way ghəə ghə.

1 Timoti 4:10

À wən loʼ zuŋ key saa fwaʼanə, dəmə soʼo ni keeli ghəə ghən, n təŋkey, saa gaʼ fə̀ŋ tə saa n kow Zə̀ kən kə loʼnə utaw, tə loʼnə bəghəshi tə ghə̂ ghə adzəm, a ka tsəm dza ghə̂ ghən ghə bəghəm fuunə tə wi.

Taytus 1:3

Ambə nəŋə i kpi tsunə, Zə̀ kə n ghəŋə nə̀ ghə̂ a keeli ghəə a tii ghə n bam i tûm ə wi i dzuŋu zən n naʼlənə. À loʼ Zə̀ kən kə bəghəshiənə saa, kə fuu naŋanə mə n fwaʼ kən nə̀ n fwaʼ.

Taytus 2:10

Kə ghə nə tsɔŋɔnə n wɔ ghə mûkəbii a ghə ghə. Ghə fəd khə ni dii ndow tə̀ ghə mûkəbii a ghə ghə nə̀ ghə khə mwam u dzuŋu wə nəŋə tədzəm n jìi zey ghə loʼ ni gaʼ fə̀ŋ n kow ghə. Ghə keeli tsu ndzoʼo mwam wən ni ghəŋə nə̀ ghə̂ ghə i koʼo bə nə̀ ghəə ghey adzəm ghə zoʼlənə bòʼ Zə̀ kən kə loʼnə bəghəshi ə saa, a ndzəmə dzɔbənu.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Taytus 3:4

Zə̀ kən kə loʼnə bəghəshi ə saa n kee dii bə fə̀ŋ ə wi i dzuŋu zə nsə ləghə i wi zə tə̀ saa,

Taytus 3:6

Zə̀ kə â fuu bə saa n Zay kə Zow kə naʼ idzəm n bam i Yeso Klisto tə loʼ bəghəshi saa,

1 Pita 1:21

À loʼ n bam i Klisto i ghəŋənə nə̀ ghaa bəghəm tə̀ Zə̀ kən kə â zhəm dzəŋŋə bənə wi nə ivə, kɔʼlə naŋa kɔʼ wi idəŋ. À wey loʼ ghə i tii zə ghaa khənə bəghəm i fə̀ŋ zə, ləmmə tənə soʼo nə̀ Zə̀ kə i ghəŋə ghəə a səŋi ghə tə̀ ghaa.

1 Pita 1:3

Saa fuu kəzɔŋŋə tə̀ Zə̀ kə tə loʼnə Bày tə Mûkəbii saa Yeso Klisto! Nghee tə ngii khənə sî i kwɔɔlə zə, tə n ghəŋə nə̀ saa i khə muu i fəghə zə nghee tə zhəm dzəŋŋə bənə Yeso Klisto nə ivə. À wən loʼ ghə i tii zə, saa muunə, ləmmə tənə nə̀ Zə̀ kə i fuunu saa n fə key tə â təb naŋanə tə̀ saa.

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

1 Jɔn 4:14

Saa n koʼ, tiilə dza soʼo nə Bày a tûm bə waa wi nə̀ tə bə bəghəshi ghə̂ a mbi.

Màʼlə kə Jud tə̀ ghə̂ a Kəzə̀ ghə 1:25

Saa i fuu kɔʼlə mə tə Zə̀ kə, à loʼ kənə wi Zə̀ kə. À loʼ wi bəghəshi ə saa n bam i Yeso Klisto Mûkəbii saa. Nkɔʼlə n dzəm, udaʼa udzəm nsə fɔ̀ɔ wə udəŋ wən udzəm wə â loʼnə tə̀ mbi ni kaʼ, u wən u loʼnə nya nsə u wey wə i bə doʼlənə tə̀ mbi nə bə may, loʼ tə wi. Zə i loʼ kə sey.