1 Pita 5:9 - Kaa n Kəzə̀ n fəghə mə

⁹ Ghaa təmi taw tsu n bəghəm i fə̀ŋ i ghaa, kə ghaa nə bəghəm nə̀ tə taw tsəghə ghaa, n təŋkey ghaa khənu nə̀ a wey bɔɔmə loʼ jìi zey waazə a ghaa a fəʼlənə tii n badla tə mbi tədzəm.

1 Pita 5:9 Mawu Ofanana

Lukas 22:32

“À kee lòʼnə mə̀ n gɔŋŋə tə wɔ a Shimun, nə khə bəghəm i fə̀ŋ zə i nə buu doʼonə, abə wə̀ i təmi dzəŋŋə bənə, wə̀ i gàamə̀ soʼo waazə ghə.”

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

1 Kɔrint 10:13

Keeli tsu na nə̀ ghə i loʼ i way zə i bə mɔm koʼonə ghaa nə̀ i ka kam mɔm koʼ tsə ghə̂ a nuu ghə. A kee loʼ nə̀ Zə̀ kə naŋŋənu ghɔɔmə i wi zə. Sey tə î way dzə ni bəghəm nə̀ ghə i loʼ i mɔm koʼ ghaa nə̀ ghaa i taw tsəghə way ghə i tii zə. Abə ghə i loʼ i kee mɔm koʼnə ghaa, tə i diinu ghaa n jìi tə̀ ghaa loʼ tyi shi tii, sey nə̀ ghaa loʼ ni kow fə̀ŋ n ghə i tii zə.

Efesus 4:27

Kə̂ wə nə̂ fuunə buʼ kə tə̀ vəətsəə ghə nə̀ a chimmə wɔ nə̀ wə ghəŋə bəb.

Efesus 6:16

Ghaa khə ni khə tən bəghəm i fə̀ŋ i ghaa tə a loʼ baʼa kə tsam, sey nə̀ ghaa i loʼ ni baʼ maʼa ghɔŋ ghən vəətsəə a təmə bənə ghaa tii.

Kolose 2:5

Nghee n buʼ lɔʼlə loʼ kə fa, moʼlə tuŋ tədzəm tə loʼ fey ghi ghaa, fə̀ŋ zuŋ u duʼlənə ni koʼ nə̀ ghaa muunu muu i dzuŋu zə, taw soʼo n bəghəm i fə̀ŋ i ghaa ghi Klisto.

1 Tesalonika 3:3

Ghey ləghə nə̀ kə wù ghaa u loʼ u nə keelinə tsəŋ zə n chɔd mən ghaa koʼonə n təŋkey, ghaa khənu nə̀ saa adzəm khə ni keeli ndzoʼo chɔd mən boʼo Kəzə̀.

1 Timoti 6:12

Kwu keeli taw tsu bəghəm i fə̀ŋ zə zə̀. Abə wə ghəŋənə sey, wə i keeli muu zə itsali tə a loʼ naamə kə. Zə̀ kə â sày wɔ nə wə keeli ndzoʼo muu i tii zə n nəŋə zey wə â dzanə nə wə bəghəm tə Klisto n sə kə ndəmə aghə̂.

2 Timoti 3:12

Isəŋə loʼ nə̀, wù wey tə ləghə ni muu muu i Kəzə̀ zən i loʼnə nə kəfə kəmɔʼ ghi Yeso Klisto, ghə i chɔdlɔnu wi.

2 Timoti 4:7

Mə n təm zə̂ ngəd kuŋ kə, mə u nyəŋ ndow kuum n luʼu key ghə ndow kuumnə tii nə n ka bwu n bəghəm i fə̀ŋ zuŋ.

Hibru 11:33

À loʼ bəghəm i fə̀ŋ zən ghə̂ ghən â khənə n kow Zə̀ kə, zə â ghəŋənə nə̀ wù umɔʼ n ghə̂ ghən təm zə̂ tənaʼa n tsam. Ghə â ghəŋə ghəə ghey ghə â kpiilənə n sə K-a-zə̀, Zə̀ kə n fuu tsu ghə n fə key tə â təb naŋanə tə̀ ghə. À loʼ soʼo bəghəm i fə̀ŋ zən ghə â khənə n kow Zə̀ kə, zə â ghəŋənə nə̀ ghə̂ a ghə a loʼ a fìi naŋa dzuu a tədəmow,

Hibru 12:8

Abə tə ka fɔɔlə soʼo ghaa tə̀ tə fɔɔlənə waa a wi ghə adzəm, i sey dii nə̀ ghaa ndzəm way dzə waa a wi a jiə ghə, ghaa loʼ waa a kəmbay.

Jems 4:7

À sey loʼ nə̀, ghaa khə ni zuŋu tsu wû i ghaa zə n tənə Kəzə̀. Kə ghaa nə̂ bəghəm nə̀ vəətsəə a taw tsəghə ghaa, sey, vəətsəə a tii ghə i tyi zəghə tsu ghaa.

1 Pita 1:6

À wən loʼ ghəə ghən a khə ni ghəŋə nə̀ ghaa i ngii duʼlə nghee i tsəm loʼ kə nə̀ ghaa i dzəə mow kəŋŋə ndownu bòʼ ndəmə chɔd mən ghaa i keelinə.

1 Pita 2:21

À wən loʼ ghəə zey Zə̀ kə â tɔŋɔnə ghaa tii n təŋkey, Klisto n wû u wi wə mâ fəghə soʼo n tow u ghaa, dii naŋa tsu ghaa n jìi zey ghaa khə ni ghəŋŋə ghəə ghə tii, sey nə̀ ghaa loʼ ni ney ghow kə ibwey kə wi.

1 Pita 3:14

Abə i buʼ kee loʼ kə nə̀ ghaa khə ni fəghə a dza ghaa ghəŋŋə ghəə ghey a kpiilənə, Zə̀ kə i buulə ghaa. Kə ghaa nə tsəŋənə wù loʼ, kə wù loʼ nə bəmi soʼonə ghaa.

1 Pita 4:13

Ghaa khə ni fədlə duʼlə nə̀ ghaa fəʼlə soʼo ndzoʼo fəghə zey Klisto â fəghənə, sey nə̀, ghaa i loʼ ni ngii duʼlə abə tə i kəm bənə n daʼa kə wi kə səŋi kə.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.

Chi dii 6:11

Ghə n daŋŋə fuu ndow kay wù ghə n ndzə̂ tə fəmə tə, dza tə ghə nə ghə dzə ləmə tsu tə taŋ ə ghə̂ a kəfwaʼ ghən ghə loʼ dzəŋi ghi ghə n kɔʼ kpii tsu, ghə weyyə tsu soʼo dzûmə tə Klisto tey ghə â dzəŋi loʼnə ghi ghə tə̀ ghə â weynə ghə.

Chi dii 7:14

Mə n beeli ndow wi dza “Mûkəbii, wə khənu.” Tə n dza, “À wən loʼ ghə̂ ghən ghə nɔb shi bənə n ngoʼ i nii zə. Ghə n ney kɔʼ kaŋ tə Waa Nji tən tə â fəələnə, sow kɔʼ ndzə̂ tə ghə tii nə̀ tə i fəmə.