1 Pita 5:3 - Kaa n Kəzə̀ n fəghə mə

³ Kə ghaa nə baŋŋə sə ghə n kow ghə̂ ghey ghə fuu naŋa nə̀ ghaa i laalə. Ghaa fəd khə ni dii ndow mwam u dzuŋu wə tə̀ ghə ni koʼ ney.

1 Pita 5:3 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 13:15

Fwaʼ kən n fwaʼnə n kow ghaa, n sey moʼ dii bə fwaʼ key ghaa khə ni fwaʼa ghii kə.

Kəfwaʼ 20:28

I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

1 Kɔrint 11:11

A kee bə n doʼo i saa ghi Mûkəbii, weyzən way ni doʼo n ngəŋ ə wi nə̀ weynum way, weynum u way soʼo ni muu n ngəŋ ə wi nə̀ weyzən way.

1 Kɔrint 3:5

Apolos ghi Pɔl buʼ loʼ ghə ndee? Ghə maŋ loʼ ghə̂ a kəfwaʼ a Kəzə̀, Zə̀ kə ghəŋənə ghə nə̀ ghə ghəŋə nə̀ ghaa keeli bəghəm i fə̀ŋ n kow Klisto. Kay wù fwaʼa ndòw kə fwaʼ key Mûkəbii fuu naŋanə tə̀ wi nə̀ tə fwaʼ.

1 Kɔrint 3:9

I loʼ sey n təŋkey ghey maŋ loʼ ghə̂ a kəfwaʼ, ghey dzəŋi fwaʼanə tə̀ Zə̀ kə. Ghaa a kee loʼnə tə a loʼ sum u Kəzə̀, ghaa u loʼ soʼonə ndaw zey Zə̀ kə fwaʼanə tii.

2 Kɔrint 1:24

Ghey ləghə dzə way ni tə̀mmə ghaa nə̀ ghaa bəghəm ghəə zey ghey dzanə, n təŋkey ghey khənu nə̀ ghaa tey tawnu n bəghəm i fə̀ŋ i ghaa. Ghey maŋ loʼ ghə̂ a kəfwaʼ, ghey fwaʼa dzəŋinə ghi ghaa nə̀ ghaa i loʼ nə iduʼlə.

2 Kɔrint 4:5

Ghey naʼlə way tûm bòʼ wû i ghey, ghey fədlə naʼlə tûm bòʼ Klisto tə loʼnə Mûkəbii. Wû i ghey, ghey loʼ ghə̂ a kəfwaʼ a ghaa bòʼ Yeso.

Filipi 3:17

Waazə ghuŋ ghə, ghaa khə ni dzəŋi dzûmə bə kə ghow kə ibwey kuŋ, koʼo ney soʼo aghəə n wɔ̂ ghə̂ ghey ghaa koʼnə nə̀ ghə dzûmənu muu zey ghey diinə tə̀ ghaa.

Filipi 4:9

Ghaa khə ni bɔɔmə fwaʼa ndow kə ghəə ghey ghaa zoʼlə neynə n wɔ mə, ghəə ghey ghaa zow neynə, koʼ ney soʼo n wɔ mə, sey nə̀ Zə̀ kən kə fuunə buulə zə, i loʼ ghi ghaa.

1 Tesalonika 1:7

À wey loʼ ghə i tii zə ghaa â doʼo bənə tə̀ a loʼ ghə̂ ghey ghə moʼo diinə ghəə ghə tə̀ ghə̂ ghey ghə bəghəmnə Zə̀ kə n naʼa tə Masedonya nsə Akaya.

2 Tesalonika 3:9

 loʼ buʼ kə ghaa ni laalə tə̀ ghey kənunu. À kee loʼ nə̀ ghey â ləghə ni moʼ dii bə ghaa n jìi zey ghaa khənə ni muu ti.

1 Timoti 4:12

I kə wə nə bəghəmnə nə̀ wù loʼ koʼ kìi wɔ a dza wə loʼ winətəghə. Wə khə ni fəd loʼ wù wey wə moʼo diinə ghəə ghə tə ghə̂ ghən ghə bəghəm tə Zə̀ kə, n ghɔɔmə zə, n mwam wə, n jìi zey wə ləghənə ghə̂ ghə tii, n bəghəm i fə̀ŋ zey wə khənə, nsə n jìi zey muu zə i zownə tii.

Taytus 2:7

Wɔ n wû wə wə̀ a Taytus, wə khə ni ghəŋŋə ghəə ghey a dzɔbənə nəŋə tədzəm sey nə̀ ghə loʼ ni koʼ ney kɔʼ mwam u dzuŋu wey wə khənə. Ghəə ghey wə diinə khə ni loʼ isəŋə, kə wə nə səə soʼonə.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.