1 Pita 4:3 - Kaa n Kəzə̀ n fəghə mə

³ Ghaa n ngii bəəbə kɔʼ bə nəŋə zə ni ghəŋŋə ghey ghə̂ ghən ghə khə way Zə̀ kə ləghənə ni ghəŋŋə. Ghaa muu kɔʼ bə muu i ghaa ni ghəŋŋə dzəə dzəə tə aghəə tə, shiə n sə ghə n kow gheyzən ghə, məə khəə kaabə tsə nlə, ngii zəə kaabə tsə uzə̂, məə kɔʼɔ nlə bwey buʼlə kaabə tsə nbɔŋ, ngɔɔmə soʼo mmuʼu nə̀ Zə̀ kə n bàa tən.

1 Pita 4:3 Mawu Ofanana

Malakus 7:22

Ghəə a bəbə a loʼ a loʼ soʼonu tə̀ à loʼ ni tsìi ney wey wù, umə̂, ghəə a tsìi ghə, kəghoʼ, imbvəi, ghəə a tsayyə a wù ghə, wû u ghaŋŋə wə, ghəə a laʼlə ghə.

Kəfwaʼ 17:30

Zə̀ kə ka sə̂ i naŋa n ghəə a bəbə ghey ghə̂ ghə â ghəŋŋə tsənə wɔkey ghə â khə tsə way wi, a sə bə nya, tə tsəʼlə kəlaŋ nə aghə̂ adzəm nə təluʼu tədzəm nə̀ ghə kwey nuu bə fə̀ŋ tə ghə n ghəə a bəbə ghə.

Roma 13:13

Sa khə ni ghəŋŋə ndow ghəə ghey a kpiilənə tə a loʼ ghə̂ ghey ghə muunə n mgbaŋ. Saa khə way ni mə̂ə khəə kaabə tsə lə mə. Saa khə way ni ghəŋŋə ghəə a laŋŋə ghə, nkee ghəə a dzəə ghə. Saa khə way ni zuulə ballə n wû i saa nkee ni ghoʼo wû i saa zə.

1 Kɔrint 12:2

Ghaa mgbaŋ khənu nə̀ n nəŋə zey ghaa â loʼnə nə̀ ghaa kam bəghəm way tə̀ Zə̀ kə, ghə mâ ghaa sìi ndzəŋŋə n ndəmə tə təjìi, nə̀ ghaa i ngɔɔmə muʼu mə nə̀ n ghɔɔmə way.

1 Kɔrint 6:11

À wən bɔɔmə loʼ ndzoʼo ghəə ghey ghaa a loʼ ghə â buʼu ghəŋŋə tsənə. Mûkəbii Yeso Klisto nsə Zay kə Zow kə n kee sow maʼa tsu ghaa n ghəə a ghaa a bəbə ghə, ghəŋə nə̀ ghaa i zow n sə K-a-zə̀, ghəŋə soʼo nə̀ ghaa i loʼ tsətsəghə n sə̂ K-a-zə̀.

2 Kɔrint 12:21

N tsəŋə nə̀ abə mə i kəm bənə, tow kə i ngii dəd mə n sə kə Zə̀ kuŋ bòʼ ghaa. Mə i kaʼ ni mow bòʼ ndəmə ghə̂ ghey ghə â ghəŋənə bəb zə, ghə a nam loʼ nə̀ ghə ka kam kweyyə nuu bə fə̀ŋ tə ghə tə n ghəə a ghə a dzəə ghə, ghəə a laŋŋə ghə nsə moʼlə tə dzəə tey ghə â khənə.

Galeshia 5:19

Ghəə ghən gow uwû saa ləghənə loʼ, ilaŋŋə, ghəə a dzəə ghə, ghəə a laʼlə ghə

Galeshia 5:21

wù wey tə ləghə way ni koʼ nə̀ wù loʼ shi kəfə, ni məə khəə nlə mə, dzəŋi u bəbə wə nsə ndəmə ghəə a bəbə a loʼ ghə tə a loʼ a ghən. Tə mə â buʼ kii naŋa dzənə tə ghaa, n nam kii naŋŋə bə ghaa nə̀, wù wey tə ghəŋŋənə ndzoʼo ghəə ghən nə nyi koʼ way n fɔɔ u Kəzə̀.

Efesus 5:18

Kə ghaa nə məə khəənə lə mə, n təŋkey, lə n ghəŋŋə wù tə n dzəŋsə ghəŋŋə aghəə. Ghaa fəd khə ni ghəŋə nə̀ Zay kə Zow kə i tali ghow kə ibwey kə ghaa kə.

1 Tesalonika 4:5

Kə ghaa nə̂ muunə ni zhwɔdlɔ kaabə tsə tə̀ a loʼ nghee ghə̂ ghey ghə ka bəghəm tə̀ Zə̀ kə a ghəŋənə.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.

1 Pita 1:14

Tə̀ a loʼ waa ghey ghə zownə laŋ K-a-zə̀ kə, kə ghaa nə kəm ghəŋŋə ghəə a bəbə ghey ghaa â khənə zay ni ghəŋŋə n nəŋə zey ghaa â kam khə way Zə̀ kə.

Màʼlə kə Jud tə̀ ghə̂ a Kəzə̀ ghə 1:4

N dza sey n təŋkey, ghə̂ a loʼ ghə n bə tsɔŋ tsəghə nyi fey n fəŋŋə kə ghaa nə̀ ghə khə way Zə̀ kə. Ghə ney kɔʼ ndzuŋ zən Zə̀ kə diinə tə saa fəd naŋa kɔʼ nə̀ a loʼ jii tə ghə ni ghəŋŋə ghəə a laŋŋə ghə. Ghə tuu maʼa soʼo Yeso Klisto wən à loʼ kənə wi Bày saa nsə Mûkəbii saa.