1 Pita 1:3 - Kaa n Kəzə̀ n fəghə mə

³ Saa fuu kəzɔŋŋə tə̀ Zə̀ kə tə loʼnə Bày tə Mûkəbii saa Yeso Klisto! Nghee tə ngii khənə sî i kwɔɔlə zə, tə n ghəŋə nə̀ saa i khə muu i fəghə zə nghee tə zhəm dzəŋŋə bənə Yeso Klisto nə ivə. À wən loʼ ghə i tii zə, saa muunə, ləmmə tənə nə̀ Zə̀ kə i fuunu saa n fə key tə â təb naŋanə tə̀ saa.

1 Pita 1:3 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 1:13

Ghə ka doʼo bə dzə waa a Kəzə̀ ghə, nə̀ Zə̀ kə ji bə ghə tə wù sɔŋtsuʼ nə jiənə waa, â ləghə tsu Kəzə̀ ni fuu ghə n muu i fəghə zə nə̀ ghə doʼo waa a wi.

Roma 12:12

Ghaa khə ni duʼlə ni ləmə ghəə ghən Zə̀ kə təb naŋanə tə ghaa. Ghaa i kow fə̀ŋ abə ghaa loʼnə nə uchɔd, gɔŋŋə nəŋə tədzəm.

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

Roma 4:25

Yeso wən Zə̀ kə â fuu tsəghə ndownə nə̀ ghə wey bòʼ ghəə a saa a bəbə ghə, Zə̀ kə n zhəm dzəŋŋə bə wi nə ivə ni ghəŋə nə̀ saa doʼo bə tsətsəghə n sə K-a-zə̀.

Roma 5:10

N sey dza n təŋkey, abə və i waa wi zə â loʼ ni ghəŋə nə̀ saa ghə̂ a təngəmə a Kəzə̀ a doʼo bə nə kəfə kəmɔʼ ghi Zə̀ kə. Nya wən saa loʼnə nə kəfə kəmɔʼ ghi Zə̀ kə, i sey dii nə̀ Klisto i bəghəshiənu saa n təŋkey tə loʼ utaw.

Roma 8:11

Abə i loʼ nə̀ Zay K-a-zə̀ kən kə â zhəm dzəŋŋə bənə Yeso nə ivə loʼnu n kow wɔ, wi wən tə â zhəm dzəŋŋə bənə Klisto nə ivə, i ghəŋŋənu nə̀ wû i ghaa zən i kpunə, i kəm keeli imuu. I loʼ sey bòʼ Zay kə Zow key kə loʼnə n kow ghaa.

Roma 8:24

Nghee Zə̀ kə â bəghəshinə saa, tə n ghəŋə nə̀ saa i ləmmə ni keeli kɔʼlə n wi. Abə saa kee khə dzənə fə kə, saa way ni kəm ngii khə zay ni ləmmə fə kə tii kə. I loʼ sey n təŋkey, wù wey tə khənə fə kə, tə kəm ngii khə dzə way zay ni ləmmə fə kə tii kə.

1 Kɔrint 13:13

N ghəə ghən saa adzəm, ghəə a təmi shi bə atəghə, a doʼlə tənə nə̀, bəghəm i fə̀ŋ, moʼlə tə dzuŋu tə nsə ləghə zə. A kee loʼ nə̀, ləghə i bə isə̂ n ghəə ghən adzəm.

1 Kɔrint 15:20

Isəŋə kee loʼ nə̀, Zə̀ kə mâ zhəm dzəŋŋə bə Klisto nə ivə, dii tsu nə̀ ghə̂ a kpu ghə i zhəm dzəŋŋə bə soʼonu nə ivə.

2 Kɔrint 1:3

Saa fuu kəzɔŋŋə tə̀ Zə̀ kə tə loʼnə Bày Mûkəbii saa Yeso Klisto. Tə loʼ Bày wən tə khənə sî i kwɔɔlə zə, loʼ soʼo Zə̀ kən kə tsəmmənə fə̀ŋ tə aghə̂ tə tədzəm.

Galeshia 6:16

Abə tə ghə̂ ghən ghə bweynə n jii zən, n gɔŋŋə nə̀ buulə i Kəzə̀ nsə sî i kwɔɔlə i wi zə i loʼ ghi ghə nsə n kow ghə̂ a Kəzə̀ ghə adzəm.

Efesus 1:17

N gɔŋŋə nə̀ Zə̀ kə, tə khənə ghaʼ zə idzəm, tɔŋŋə bày Mûkəbii saa Yeso Klisto fuu ghaa n zay kən kə fuu tɔb wə nsə zay kən kə chiə diinə ghəə a Kəzə̀ ghə sey nə̀, ghaa tɔʼ keeli tsu wi.

Efesus 1:3

Kɔʼlə n loʼ tə Zə̀ kə, Bày Mûkəbii saa Yeso Klisto. Tə n fuu saa n buulə i Zay kə Zow kən kə nuu bə idəŋ nghee saa loʼnə nə kəfə kəmɔʼ ghi Klisto.

Efesus 1:7

A loʼ Klisto tə kùmshinə saa n kàŋ tə wi tən tə â fəələnə n zat kə fəkaʼ, neyzəə ghəə a saa a bəbə ghə. Zə̀ kə ghəə ghən ghəŋŋə bòʼ ndzuŋ ə wi zən i downə naʼ idzəm.

Efesus 2:4

À kee loʼ kə nə̀ Zə̀ kə ngii khə sî i kwɔɔlə zə, tə ngii ləghə saa naʼ idzəm.

Efesus 3:20

Kɔʼlə n ndzəm n loʼ tə̀ Zə̀ kə, Zə̀ kən kə loʼnə ni ghəŋə aghəə adzəm n bam i Zay kə Zow kən kə muunə n fə̀ŋ, tə buʼ ghəŋə tsəghəshinə ghəə ghey adzəm saa â bəbnə nkee saa â moʼlənə.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

1 Tesalonika 1:3

Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

1 Tesalonika 4:13

Waazə ghə, ghey ləghə nə̀ ghaa keeli tsu isəŋə bòʼ dzûmə tə̀ Klisto tən tə kpu dzənə, sey nə̀ kə ghaa i mow, tə a loʼ ghə̂ ghey ghə ləmmə way fə kə n wɔ Zə̀ kə.

2 Tesalonika 2:16

Ghey gɔŋŋə ndow tə̀ Mûkəbii saa Yeso Klisto nsə tə̀ Zə̀ kə tə loʼnə Bày saa. Zə̂ kən kə ləghənə saa, tə tsəmmənə fəŋ tə saa nəŋə tədzəm, ghəŋə nə̀ saa i ləmə tənnə tə wi n bam i ndzuŋ ə wi.

1 Timoti 1:14

Mûkəbii ə saa n dii bə ndzuŋ ə wi tə mə naʼ idzəm. Tə n ghəŋə soʼo nə̀ n keeli bəghəm i fə̀ŋ nsə ləghə zən i loʼnə i saa zə abə saa loʼnə nə kəfə kəmɔʼ ghi Yeso Klisto.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Hibru 3:6

Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

Jems 1:18

 tsəm kɔʼ Kəzə̀ nə saa doʼo bə waa a wi n bam i ghɔɔmə i wi zən i loʼnə isəŋə, sey nə̀, saa loʼ ni doʼo ghə̂ ghey ghə tsəghəshinə fə wən tə bɔmnə fa n mbi udzəm.

1 Pita 1:13

Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.

1 Pita 1:21

À loʼ n bam i Klisto i ghəŋənə nə̀ ghaa bəghəm tə̀ Zə̀ kən kə â zhəm dzəŋŋə bənə wi nə ivə, kɔʼlə naŋa kɔʼ wi idəŋ. À wey loʼ ghə i tii zə ghaa khənə bəghəm i fə̀ŋ zə, ləmmə tənə soʼo nə̀ Zə̀ kə i ghəŋə ghəə a səŋi ghə tə̀ ghaa.

1 Pita 1:23

N dza sey n təŋkey n bam i ghɔɔmə i Kəzə̀ zən i fuunə muu zə, i loʼ soʼonə nəŋə tədzəm, ghə n ji kuulə ghaa tə a loʼ waa a wù wey tə kpuu way, nə̀ à way dzə tə a loʼ waa a wù sɔŋtsuʼ wey tə loʼ nə̀ tə kpuunu.

1 Pita 2:2

Ghaa i mbuŋŋə ni nyɔŋ ghii n Zay kə Zow kə n loʼnə ghɔɔmə i Kəzə̀ zə tə̀ waa nə mbuŋŋənə ni nyɔŋ ghii n nay wi, sey nə̀, abə ghaa məənə ghii n tii mə, ghaa i loʼ ni tɔʼ beyyə taw tsu n bəghəm i fə̀ŋ i ghaa, Zə̀ kə i bəghəshi soʼo ghaa.

1 Pita 3:15

Ghaa i kee fuu kə kɔʼlə mə tə Klisto n fə̀ŋ tə ghaa, ngɔɔmə soʼo wi tə a loʼ Mûkəbii. Tey tən nəŋə tədzəm ni beeli wù wey tə ləghənə ni keeli fə key wə ləmmənə nə̀ Zə̀ kə ghəŋə tə ghaa.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.

1 Pita 3:5

N dza sey n təŋkey à wən loʼ mwam wən gheyzən a wey wey ghey ghə â gaʼnə fə̀ŋ ə ghə n kow Zə̀ kə â khə tsənə tə̀ ghə ni dzɔbə. Ghə n zow tsə soʼo tə̀ num a ghə ghə.

1 Jɔn 2:29

Saa khə Klisto tə a loʼ wù wey tə loʼnə tsətsəghə, saa a khə soʼonə nə̀ wù wən tə ghəŋənə ghəə a wi ghə tsətsəghə, à loʼ waa Kəzə̀.

1 Jɔn 3:3

Wù wən tə khə ndzoʼo moʼlə zən n kow Klisto, sey sow zowwə naŋa wû u wi nə̀ tə i zow ighələ tə Klisto zownə.

1 Jɔn 3:9

Ghə̂ ghən ghə loʼnə waa a Kəzə̀ ghə, kəm way ni ghəŋŋə ghəə a bəbə ghə bòʼ nə̀ mwam u Kəzə̀ a loʼ n kow ghə, nsə təŋkey, Zə̀ kə loʼ Bày ghə, sey, ghə kəm way ni tsəghə ndow n sə kə ni ghəŋŋə ghəə a bəbə ghə.

1 Jɔn 4:7

Fə̂ ghuŋ a dzuŋu ghə, saa ndow kə n sə kə ni ləghə tiilə wû zə, boʼnə ləghə i nuu bə n wɔ Zə̀ kə. Wù wən tə khə ləghə zə loʼ waa Kəzə̀, tə u khə soʼo nə Zə̀ kə.

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.

1 Jɔn 5:18

Ghey khənu nə̀ waa Kəzə̀ u loʼ u way dzə ni tsəghə ndow n sə kə ni ghəŋŋə ghəə a bəbə ghə, n təŋkey, waa Kəzə̀ keyyə wi, vəətsəə ghə way soʼo ni mɔm wi.

1 Jɔn 5:4

Wù ghaa wə tə loʼnə waa Zə̀ kə, tə təmə zəənu ghə̂ a mbi ghə. Jìi zey saa təmə zəənə ghə̂ a mbi ghən tii loʼ n bam i bəghəm i fə̀ŋ i saa.