1 Pita 1:2 - Kaa n Kəzə̀ n fəghə mə

² Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.

1 Pita 1:2 Mawu Ofanana

Matyo 24:22

Abə Zə̀ kə ka gboo khəə tsuʼu n tii mə, tə wù umɔ̀ʼ i ka nɔb shi. À kee loʼ nə̀, Zə̀ kə î gboo khəə tsuʼu mən bòʼ ghə̂ a wi ghən tə sày naŋanə.

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Matyo 24:31

Ghə i daŋŋə zow mbwule i fuŋunə, tə i tûm shi ndòw tsətəndəghə tə Kəzə̀ n badla tə mbi tən n təkaykə, ghə i zuŋŋə naŋa bə ghə̂ a wi ghən tə sàynə n luʼu tədzəm fa mbi.”

Malakus 13:20

À kee loʼ nə̀, Mûkəbii n tsuulə taŋ a tsuʼu n tii mə, abə a mə way sey tə wù sɔŋtsuʼ umɔʼ i way ni nɔb shi. Tə tsuulə taŋa tsuʼu n tii mə bòʼ ghə̂ ghey tə sày naŋanə nə̀ a loʼ ghə̂ a wi.

Malakus 13:22

N təŋkey ghə̂ a tsɔŋɔ ghə i bəghənu n zəd i wù wey Zə̀ kə â dza naŋa nə̀ i tûm bənu nsə tûm tə Kəzə̀ tə tsɔŋɔ tə, ghə nə dii tsəə tə tsɔŋɔ tə nsə faalə n tsɔŋɔ mə ni sìi laʼ aghə̂ nsə ni buʼ sìi laʼ daŋŋə soʼo ghə̂ ghey Zə̀ kə sày naŋanə abə ghə khənə jìi tii.

Malakus 13:27

Tə i tûm shi ndòw tsətəndəghə tə Kəzə̀, nə̀ ghə zuŋŋə kaabə bə ghə̂ wi ghey tə sày naŋanə adzəm n bow tə mbi tən təkaykə idəŋ nsə aghəd.

Lukas 18:7

Abə wù tə a loʼ tə wən loʼ ni ghəŋə ighəə tə a loʼ i zey, ghaa moʼlə nə̀ Zə̀ kə i saʼ fuu way tə ghə̂ a wi ghey ghə dey zeelinə n səə wi tsuʼu ntsuʼu ə?

Kəfwaʼ 15:18

À wən loʼ ghəə ghən Mûkəbii a ghəŋŋə nə̀ ghə̂ a keeli n num tə ibam tə.’”

Kəfwaʼ 2:23

Zə̀ kə mâ khə bayyə naŋa zey nə̀ ghə i fuu tsəʼlə bə Yeso n wɔ ghaa, zə n bɔɔmə bə shi kɔʼ sey. Ghaa n ney kɔʼ wi, fuu ndow tə ghə̂ a bəbə ghə nə ghə wey wi nə ghə baa n zat kə fəkaʼ.

Kəfwaʼ 20:32

Nya, n fuu naŋŋə ndow ghaa n wɔɔ K-a-zə̀ nsə tə tûm zən bòʼ ndzuŋ ə Kəzə̀. À loʼ wi tə i loʼ ni bɔɔ teyyə bə ghaa, tə ghəŋŋə soʼo nə̀ ghaa zə̂ fə wey u loʼ n wɔ ghə̂ a wi ghey adzəm tə sày naŋanə.

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 1:7

N màʼlə kən tɔ̀ɔ bə tə ghaa ghə̂ a Roma ghən Zə̀ kə ngii ləghənə, sày kɔʼ soʼo ghaa nə̀ ghaa doʼo ghə̂ a wi. N gɔŋŋə nə̀ Zə̀ kə tə loʼnə Bày saa ghi Mûkəbii Yeso Klisto dii ghaa n ndzuŋ ə wi tə ghəŋə soʼo nə̀ ghaa i loʼ nə ibuulə.

Roma 11:2

I loʼ nə̀ Zə̀ kə ka tuu maʼa dzə ghə̂ ghən tə â sày naŋa kɔʼnə nə̀ a loʼ ghə̂ a wi nə nzeyyə. Ghaa məghənu ghəə zey i tɔ̀ɔ doʼonə n màʼlə K-a-zə̀ kuum Elayja ə? Ghə məghənu nghee Elayja â buʼnə wɔɔ kə tii tə̀ Zə̀ kə n tow u ghə̂ ghə Izree? Tə â buʼ kəwɔɔ nə̀,

Roma 11:28

Nghee ghə̂ ghə Izree ghə â tuu maʼanə tûm i dzuŋu zə, ghə n doʼo bə ghə̂ a təngəmə ghi Zə̀ kə. À wey loʼ ghə i tii zə ghaa ghən ghaa way ghə̂ Təjuu ghə â keelinə bùʼ kə ni bəghəm tə̀ Klisto. À kee loʼ nə̀ Zə̀ kə nam ləghə kənu ghə n təŋkey, tə â sày kɔʼnu ghə bòʼ ləghə zey tə â khənə ghi ghə bày bày a ghə ghə.

Roma 15:16

Zə̀ kə n fuu mə n ndzuŋ nə̀ mə i loʼ wù kəfwaʼ ə Yeso Klisto tə ghə̂ ghən ghə way ghə̂ a Təjuu ghə. N fwaʼa tə a loʼ fɔɔngili ni naʼlə tûm i dzuŋu zən Zə̀ kə fuu bənə ni ghəŋə nə̀ ghə̂ ghən ghə way ghə̂ a Təjuu ghə, a doʼo bə maʼlə wən Zə̀ kə bəghəmnə, nə̀ a ghə sow naŋa kɔʼ Zay kə Zow kə tə̀ wi.

Roma 16:19

Ghə̂ adzəm keeli may nə̀ ghaa dzûmə i dzuŋu zən ghə diinə ghaa tii. Ghə i tii zə n ghəŋə nə̀ mə i duʼlə. N ləghə nə̀ ghaa tɔʼ chi kɔʼ sə̂ a ghaa ni keeli ghəə zey i dzɔbənə, khə soʼo way wɔɔ kə n ghəə zey i bəbənə.

Roma 16:26

Zə̀ kə n chi dii bə ghə i tii zə tə saa nya, saa u loʼ soʼo ni koʼ aghəə nghee tə tûm tə Kəzə̀ tə â tɔɔ naŋa zeynə. Zə̀ kən kə loʼnə nəŋə tədzəm n ghəŋə nə̀ ghə̂ a naʼa tə mbi tədzəm a keeli ghə i tii zə, sey nə̀, ghə i loʼ ni bəghəm tə̀ Klisto, ghə i zow soʼo tə wi.

Roma 8:13

N dza sey n təŋkey, abə ghaa muunə nghee tə̀ gow uwû ləghənə, ghaa i kpuunu. Nə̀ ghaa kee muu nghee tə̀ Zay kə Zow kə ləghənə, ghaa i wey maʼa ghəə a bəbə ghey a loʼnə n kow ghaa, ghaa i keeli imuu.

Roma 8:33

À loʼ ndee tə loʼ ni ney bə saʼ n kow ghə̂ ghən Zə̀ kə sày naŋanə ə? Wù umɔʼ tsəm way, à may kə Kəzə̀ kə ghəŋŋənə nə̀ ghə doʼo tsətsəghə n sə kə wi.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

1 Kɔrint 6:11

À wən bɔɔmə loʼ ndzoʼo ghəə ghey ghaa a loʼ ghə â buʼu ghəŋŋə tsənə. Mûkəbii Yeso Klisto nsə Zay kə Zow kə n kee sow maʼa tsu ghaa n ghəə a ghaa a bəbə ghə, ghəŋə nə̀ ghaa i zow n sə K-a-zə̀, ghəŋə soʼo nə̀ ghaa i loʼ tsətsəghə n sə̂ K-a-zə̀.

2 Kɔrint 10:5

Ghey saʼa maʼlə bə ghə̂ ghey adzəm ghə maŋa buʼunə dzuu zə, sìi ndzəŋŋə soʼo aghə̂ nə̀ kə ghə nə keelinə Zə̀ kə. Ghey kwɔɔ naŋŋə bə moʼlə tə ghə̂ ghey adzəm ghə ləghə way ni zow ghɔɔmə i Kəzə̀, ghey n ghəŋə nə̀ ghə̂ a tii ghə i zow tə̀ Klisto.

2 Kɔrint 13:14

N gɔŋŋə nə̀ Mûkəbii Yeso Klisto fuu ghaa n ndzuŋ ə wi, nə̀ Zə̀ kə dii ghaa n ləghə i wi zə, Zay kə Zow kə i loʼ soʼo ghi ghaa adzəm.

Kolose 3:12

Zə̀ kə n sày ghaa nə ghaa doʼo ghə̂ a wi a zow ghən tə ngii ləghənə, sey, ghaa khə teeli khə sî i kwɔɔlə zə, fə̀ŋ i dzuŋu zə, zuŋ kə umwam, ni buulə nsə ni kow fə̀ŋ.

2 Tesalonika 2:13

Waazə ghə, ghey khə ni fuu zɔŋŋə kə nəŋə tədzəm tə̀ Zə̀ kə bòʼ ghaa ghən Mûkəbii ləghənə n təŋkey Zə̀ kə â sày ghaa nə nzeyyə nə̀ ghaa keeli ibəghəshi n daʼa kə Zay kə Zow kə ni ghəŋə nə̀ ghaa doʼo ghə̂ wi a zow ghə. Ghəə ghən ghə a shi nghee tə̀ ghaa bəghəmnə tûm Kəzə̀ zən i loʼnə isəŋə.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

Taytus 1:1

À màʼlə kən tɔ̀ɔ bə mə Pɔl. N loʼ wù kəfwaʼ ə Kəzə̀, lòʼ soʼo ngəd ə Yeso Klisto. Zə̀ kə â say kɔʼ mə, tûm bə nə̀ n bə gaamə ni ghəŋə nə̀ bəghəm i fə̀ŋ i ghə̂ ghən Zə̀ kə sày naŋa nə̀ ghə doʼo ghə̂ a wi, zə i nyîmmə, n ghəŋə soʼo nə̀ ghə keeli isəŋə zey i loʼ ni gaamə ghə nə̀ ghə i muu n jìi zey Zə̀ kə ləghənə.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

Hibru 11:28

À loʼ bəghəm i fə̀ŋ i Mushi zə â ghəŋənə nə̀ ghə̂ ghə Izree a naŋa Zə̂ kə taa zaʼa kə nsə nə̀ ghə tsoʼlə kaabə ndow təkaŋ n fuʼu n təndaw n ghə, sey nə̀ kə tsəndəghə ə ivə nə wey maʼanə waa a num a ghə̂ ghə Izree a sə̂ isə ghə.

Hibru 12:24

Ghaa n bə n səə Yeso wən tə bayyənə nkaa n fəghə mə nsə n səə kaŋ tə wi tən tə â fəələnə ni sow maʼa ibəb i dzɔb tsəghəshi kaŋ tə Ebel tey tə loʼnə ni dey təngəmə.

Hibru 5:9

Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

1 Pita 1:14

Tə̀ a loʼ waa ghey ghə zownə laŋ K-a-zə̀ kə, kə ghaa nə kəm ghəŋŋə ghəə a bəbə ghey ghaa â khənə zay ni ghəŋŋə n nəŋə zey ghaa â kam khə way Zə̀ kə.

1 Pita 1:19

Ghə â fəd kuum nuu shi bə tow u ghaa n kɔb kə kaŋ tə Klisto tən ghə fəələnə n zat kə fəkaʼ, tə a loʼ kaŋ tə waa njì zən ghə fəələnə nə̀ i khə way fəmmə kə loʼ kə khə soʼo way dzə u loʼ wə n kow wi.

1 Pita 1:20

Zə̀ kə â sày wi nə̀ mbi ka kam doʼo zey, ghə n ney dii shi bə wi n tsuʼu mən mbi may kəŋŋə bənə tii bòʼ ghaa.

1 Pita 1:22

Nya wən ghaa sow maʼa dzənə wû i ghaa zə nghee ghaa naŋŋənə isəŋə, sey nə̀, ghaa i ndzəmə ləghə wû i ghaa zə tə a loʼ a awaazə, i ndzəmə ləghə na wû i ghaa zə n fə̀ŋ tə ghaa tə tədzəm.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

2 Pita 1:2

N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, kə ghəŋə soʼo nə̀ ghaa i loʼ nə ibuulə naʼ idzəm n təŋkey ghaa ndzəm khənu Zə̀ kə nsə Yeso tə loʼnə Mûkəbii saa.

2 Jɔn 1:1

À màʼlə kən tɔ̀ɔ bə mə Jɔn wən n loʼnə ngəd. N tɔ̀ɔ bə tə weyzən wən Zə̀ kə sày naŋa kɔʼnə nsə waa a wi ghə. N tɔ̀ɔ bə boʼnə n ngii ləghə wi. A way kə mə n ləghənə wi, ghə̂ ghey adzəm ghə khənə isəŋə, ləghə soʼonu wi.

2 Jɔn 1:13

Waa a waazu ghən Zə̀ kə sàynə, tûm bə ghaa n tɔŋɔ zow zə.

Màʼlə kə Jud tə̀ ghə̂ a Kəzə̀ ghə 1:2

N gɔŋŋə nə̀ Zə̀ kə i khə sî i kwɔɔlə zə n kow ghaa, tə fuu ghaa n buulə zə, tə dii soʼo ghaa n ləghə i wi zə naʼ idzəm.