1 Jɔn 5:9 - Kaa n Kəzə̀ n fəghə mə

⁹ Saa bəghəmənu təmi tiilə i wù sɔŋtsuʼ zə loʼ sey nə̀ təmi tiilə i Kəzə̀ i kee tsəghəshinu i wù sɔŋtsuʼ zə. Ghəə ghey Zə̀ kə tiilə dza bənə bòʼ Waa wi loʼ isəŋə.

1 Jɔn 5:9 Mawu Ofanana

Matyo 17:5

Nghee tə̀ tə nam ghɔɔmənə, mbaʼ tə fəmə tə n tsəd bə ghə, dzə̀ i loʼ zə n shi bə fu tii nə təmbaʼ dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə. I zow na tə̀ wi.”

Tùm i dzuŋu zə kuum Yeso Klisto tə Jɔn â tɔɔnə 10:38

Abə a kee loʼ nə̀ n fwaʼanu fwaʼ key Bày tûmnə mə nə̀ n bə fwaʼ, nə ghaa ləghə kə way ni bəghəm tə̀ mə, labi bəghəm kɔʼ kə na nə̀ ghəə ghey n fwaʼanə, loʼ ghəə a dzuŋu ghə. Sey ghaa i zowkeeli tsu nə Bày nsə mə loʼ kəfə kəmɔʼ.”

Tùm i dzuŋu zə kuum Yeso Klisto tə Jɔn â tɔɔnə 5:39

Ghaa ndəmi iwû ni tɔŋɔ màʼlə K-a-zə̀ n təŋkey, ghaa moʼlə nə̀ abə ghaa ndəŋ tɔŋɔ kɔʼnə sey ghaa i keeli ghəə zey ghaa khə ni teeli ghəŋə ni keeli muu zə itsali zə, loʼ sey nə̀ màʼlə K-a-zə̀ kən ghaa tɔŋŋənə baa tiilə dza bə aghəə bòʼ mə.

Kəfwaʼ 17:31

Tə â fu laŋ kən təŋkey tə n naŋa tsuʼ fey wù wən tə sày naŋanə i saʼanə mbi idzəm n jìi zey i loʼnə tsətsəghə. Tə n dii tsəə tə ghə̂ ghə adzəm nə̀ ghəə ghən loʼ isəŋə nghee tə â zhəm dzəŋŋə bənə wi nə ivə.”

Kəfwaʼ 5:32

Ghey loʼ ghə təmi tiilə n ghəə ghən, ghey nsə Zay kə Zow kə, kə loʼnə naamə K-a-zə̀ kə tə ghə̂ ghey ghə zownə tə wi.”

Hibru 2:4

Zə̀ kə â dii ndəmə tətsəə nsə faalə mə ni dii bə nə̀ ghəə ghey ghə â dzanə loʼ isəŋə. Sey, Zay kə Zow kə n fuu soʼo aghə̂ n naamə kə nghee tə̀ Zə̀ kə ləghənə.

Hibru 6:18

Sey, Zə̀ kə n dzəŋi fuu bə aghəə abəghə, ghəə zən tə a dza nə̀ tə i ghəŋŋənu nsə kaa n wi mə. Sey, ghəə ghən abəghə a way ni kwey boʼnə Zə̀ kə badla way ghəə ghə. Nsə sey, saa ghən saa nyəŋə ndownə n səə wi nə̀ tə tsəd naŋa saa, khə way tsəŋ zə, abə saa təmi taw tsu dzənə ni ləmə fə kən kə i bəghənə tə̀ saa.

1 Jɔn 5:10

Wù wey tə bəghəmnə nə̀ tə loʼ Waa Kəzə̀, sey khənu n fə̀ŋ ə wi nə̀ ghəə ghən Zə̀ kə tiilə dza bənə kuum waa wi loʼ isəŋə. Wù wey tə ka bəghəm tə Zə̀ kə, loʼ wù badla wə aghəə wə, bòʼ nə̀, tə ka bəghəm dzə ghəə ghən Zə̀ kə tiilə dza bənə kuum waa wi.

1 Jɔn 5:8

Ghəə a tii ghə atəghə a loʼ, Zay kə Zow kə, mmuu n Kəzə̀ mən Yeso â neynə nə mmuu, nsə kaŋ tən tə â fəələnə n tow u saa. Ghəə a tii ghə atəghə, a loʼ kə nə kəfə kəmɔʼ.