1 Jɔn 5:6 - Kaa n Kəzə̀ n fəghə mə

⁶ Yeso Klisto wən tə â dii bənə wû u wi wə nə̀ tə loʼ waa Kəzə̀, tə â ney mmuu n Kəzə̀ nə mmuu, fəələ soʼo kaŋ tə wi n tow u saa. Â way dzə kə n mmuu n Kəzə̀ mən tə â neynə nə mmuu, tə â fəələ soʼo kaŋ tə wi n tow u saa. Zay kə Zow kə n tiilə dza bə nə̀ a loʼ isəŋə, n təŋkey, Zay kə Zow kə taw dza tsə isəŋə.

1 Jɔn 5:6 Mawu Ofanana

Matyo 26:28

a wən loʼ kaŋ tuŋ, kaŋ tə kaa mey Zə̀ kə zə̂nə ghi ghə̂ a wi ghə, tə fəələnə nə̀ Zə̀ kə neyzəə bəb i ndəmə aghə̂.

Matyo 3:16

Nghee tə Yeso ney kɔʼnə mmuu n Kəzə̀ mə, shiə kɔʼɔ bə n dzuu, bikighow kə n nuu chi i tsu, tə n kòʼ Zay K-a-zə̀ kə tsuu bənə n wû u kəfə̀, tsu mwaa tsu n kow wi.

Malakus 14:24

Yeso n dza tə̀ ghə nə̀, “À wən loʼ kaŋ tuŋ, n fəələnə bòʼ ndəmə aghə̂, ni zɔ̀ʼ nkaa n Kəzə̀ ghi ghə̂ ghə.

Lukas 22:20

Ambə ghə zə̂ may kɔʼnə, tə n ney pkiʼi kɔʼ wɔɔ nlə, fu ndow tə ghə dza, “Wɔɔ nlə zən loʼ nkaa n fəghə mə ghaa zəə ghi Zə̀ kə n kaŋ tuŋ n fəələnə bòʼ ghaa.

Tùm i dzuŋu zə kuum Yeso Klisto tə Jɔn â tɔɔnə 14:17

Wù wən n dzanə loʼ Zay kə Zow kə. A loʼ wi tə i bə chiə diinə isəŋə kùm Kəzə̀. Ghə̂ a mbi a way dzə ni kpiney wi, n təŋkey, ghə khə way wi, ghə koʼo keeli soʼo way wi. Abə ghaa, ghaa khənu wi, n təŋkey, tə loʼ ghi ghaa, tə i muulə soʼo n fə̀ŋ tə ghaa.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Tùm i dzuŋu zə kuum Yeso Klisto tə Jɔn â tɔɔnə 15:26

Abə wù wey tə tsə̀ənə ghə̂ ghə i bənə, tə wey Mə i ney kɔʼɔ n wɔ Bày wuŋ, n tûm bə tə̀ ghaa, tɔŋŋə Zay kən kə dìi bənə isəŋə bòʼ Kəzə̀, à loʼ wi tə i tiilə dza bənə ndzoʼo wù wey n loʼnə ghii wə.

Tùm i dzuŋu zə kuum Yeso Klisto tə Jɔn â tɔɔnə 16:13

Abə Zay kən kə dìi bənə isəŋə bòʼ Kəzə̀ nə bənə, tə nə dìi bə ghaa nə isəŋə kuum Kəzə̀. Zay kə Zow kə nə ghɔɔmə way ghəə ghə n daʼa kə wi, tə nə teeli ghɔɔmə kə ghəə zey tə zow ghii zə, tə nə dza zey bə tə̀ ghaa ghəə zey i khə ni bə shi.

Tùm i dzuŋu zə kuum Yeso Klisto tə Jɔn â tɔɔnə 3:5

Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way dzə ni nyi n Fɔɔ u Kəzə̀ nə̀ ghə ka wi ji nə mmuu nsə n Zay kə Zow kə.

Tùm i dzuŋu zə kuum Yeso Klisto tə Jɔn â tɔɔnə 4:10

Yeso n beeli ndow wi dza nə̀, “Abə wə mə khənə ndzoʼo naamə key Zə̀ kə fuunə nsə ndzoʼo wù wey tə nɔɔnə wɔ n mmuu mə, wə mə fəd buʼ wi n wɔɔ kə nə̀ tə fu wɔ n mmuu mey n fuunə muu zə.”

Tùm i dzuŋu zə kuum Yeso Klisto tə Jɔn â tɔɔnə 4:14

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Tùm i dzuŋu zə kuum Yeso Klisto tə Jɔn â tɔɔnə 6:55

I loʼ nə wû wuŋ u loʼ fəzəə u səŋi wə, kaŋ tuŋ tən n fəələnə, baa ndzəm loʼ soʼo nlə n səŋi mə.

Kəfwaʼ 8:36

Nghee ghə ndownə n jii, ghə ndow koʼ tsu mmuu, wù wey tə â loʼ nə ghə n kàa n dza nə̀, “Koʼo mmuu n mən ə, à loʼ kee wə way ni fuu mə fa n mmuu n Kəzə̀ mə ə?”

Roma 3:25

Zə̀ kə â fuu bə Klisto tə aloʼ umaʼlə ni kàa maʼa ghəə a saa a bəbə ghə, seynə abə saa gaʼnə fə̀ŋ kow Yeso Klisto wən â kpuunə n zad kə fəkaʼ, Zə̀ kə i neyzəə saa n ghəə saa a bəbə ghə boʼ və i Yeso n tow u ghey. Zə̀ kə â ghəŋə sey ni dii bə nə̀ tə loʼ tsətsəghə n ghəə a wi. N num tə ibam tə, Zə̀ kə â koʼonu ghəə a bəbə ghən ghə̂ ghə â ghəŋŋənə, tə n kee kow kə fə̀ŋ. Sey, tə n ka chɔd aghə̂ n ghəə a bəbə ghey ghə â ghəŋŋənə n nəŋə i tii zə.

Efesus 1:7

A loʼ Klisto tə kùmshinə saa n kàŋ tə wi tən tə â fəələnə n zat kə fəkaʼ, neyzəə ghəə a saa a bəbə ghə. Zə̀ kə ghəə ghən ghəŋŋə bòʼ ndzuŋ ə wi zən i downə naʼ idzəm.

Kolose 1:4

Ghey fuu kəzɔŋŋə tə Zə̀ kə n təŋkey, ghey n zow bəghəm i fə̀ŋ i ghaa zə n kow Yeso Klisto nsə nə ghaa khə iləghə tə ghə̂ a Kəzə̀ ghə adzəm.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Taytus 3:5

tə n bəghəshi tsu saa. Tə â ka bəghəshi dzə saa a dza saa ghəŋə ghə i dzuŋu i loʼ zə, tə â fəd bəghəshi saa bòʼ sî i kwɔɔlə zey tə khənə n kow saa. Tə â bəghəshi saa n bam i Zay kə Zow key tə â tûm bənə nə̀ kə bə sow maʼa saa n ghəə a saa a bəbə ghə, tə ghəŋə soʼo nə̀ saa kweyyə kɔʼ mwam u saa, saa keeli bə muu i fəghə zə.

Hibru 10:29

ghaa moʼlə nə̀ Zə̀ kə i boʼo chɔdlɔ ngee wù wey tə koʼo kiinə waa Kəzə̀, ngɔɔmə way kaŋ tən tə â fəələnə n kaa mən mə â sow maʼanə ghəə a wi a bəbə ghə, kpaalə soʼo Zay kə Zow kən kə ney bənə ndzuŋ ə?

Hibru 12:24

Ghaa n bə n səə Yeso wən tə bayyənə nkaa n fəghə mə nsə n səə kaŋ tə wi tən tə â fəələnə ni sow maʼa ibəb i dzɔb tsəghəshi kaŋ tə Ebel tey tə loʼnə ni dey təngəmə.

Hibru 13:20

N gɔŋŋə nə̀ Zə̀ kən kə fuunə buulə zə, tə wən tə â zhəm dzəŋŋə bənə Mûkəbii saa Yeso nə ivə, wù baʼa u tənjì u səŋi wə, tə wən tə â ney kɔʼnə kaŋ tə wi tə, zə̂ kɔʼ kaa mən n nə may koʼ way,

Hibru 9:14

Abə ghə â loʼ ni sow maʼa ghəə a ghə̂ a bəbə ghə n ghəə ghən ghə â ghəŋŋənə, zə i boʼo doʼlə ngee ghi Klisto wən tə â fuunə wû u wi wə tə̀ a loʼ umaʼlə tə̀ Zə̀ kə n tow u saa. Tə â ghəŋə ghəə ghən n bam i Zay kə Zow kən kə loʼnə nəŋə tədzəm. Kaŋ tə wi tə sow maʼa fə̀ŋ tə saa n ghəə a bəbə ghən saa ghəŋŋənə nə̀ a ney bə ivə n kôw saa. Sey, saa khə ni fwaʼa kə tə̀ Zə̀ kən kə fuunə muu zə.

Hibru 9:7

À kee may kə fɔɔngili u nii nii wə tə â nyiə tsənə n dzuu i kəfəə i fə̀ŋ zey nəŋə imɔʼ nə kənum. Tə n ney kɔʼ təkaŋ ni ndow fəələ tə̀ Zə̀ kə n tow kə wi nsə n ghəə a bəbə ghən ghə̂ a ghəŋŋə nə̀ ghə khə way nə̀ ghə sey ghəŋŋə bəəbənu.

1 Pita 1:2

Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

1 Jɔn 4:10

Ndzəm ndzəm kə iləghə kə way dzə nə̀ saa â ləghə ndow Kəzə̀, a fəd loʼ wi tə ləghə bənə saa isə, tûm bə waa wi tə a loʼ umaʼlə nə̀ tə bə ney nuu ghəə a saa a bəbə ghə.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.

Chi dii 5:9

Ghə n zhim ndzaŋ i fəghə zə nə̀, “Wə kɔʼ kpiinu ni ney màʼlə kə nəmi kən, nsə ni zhweyyə nuu kɔʼ mə̀ŋ tən tii, n təŋkey, ghə mâ wɔ wey, wə n ney kaŋ tə, kuum shi tsu tow wə aghə̂ tii fuu bə tə̀ Zə̀ kə. Wə â kuum nuu shi bə aghə̂ n sali ndaw tədzəm, təghɔɔmə tədzəm, təluʼu tədzəm nsə naʼa tə tədzəm.

Chi dii 7:14

Mə n beeli ndow wi dza “Mûkəbii, wə khənu.” Tə n dza, “À wən loʼ ghə̂ ghən ghə nɔb shi bənə n ngoʼ i nii zə. Ghə n ney kɔʼ kaŋ tə Waa Nji tən tə â fəələnə, sow kɔʼ ndzə̂ tə ghə tii nə̀ tə i fəmə.