1 Jɔn 5:20 - Kaa n Kəzə̀ n fəghə mə

²⁰ Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

1 Jɔn 5:20 Mawu Ofanana

Matyo 13:11

Yeso n beeli ndòw ghə dza nə̀, “Ghə n fu naŋa sad i ghəə a fɔ̀ɔ wə idəŋ wə tə̀ ghaa, a way dzə tə̀ ghə.

Lukas 21:15

Boʼnə n nə fuu ghaa n ghɔɔmə i tii zə nsə tɔb wə n jìi zey ghə̂ a təngəmə a ghaa a nə way ni buʼ khə̂mə ghaa.

Lukas 24:45

Tə n chi kɔʼ tɔb u ghə tə̀ ghə zowkeeli tsu ghɔɔmə i Kəzə̀.

Tùm i dzuŋu zə kuum Yeso Klisto tə Jɔn â tɔɔnə 1:18

Wù loʼ ka kam kòʼ koʼ Zə̀ kə, a loʼ kə sɔʼi fə Waa wi wən tə loʼnə n səə Bày, tə dii bənə wi tə̀ saa.

Tùm i dzuŋu zə kuum Yeso Klisto tə Jɔn â tɔɔnə 10:30

Mə ghi Bày a loʼ kəfə̂ kəmɔʼ.”

Tùm i dzuŋu zə kuum Yeso Klisto tə Jɔn â tɔɔnə 14:20

A i loʼ n nəŋə i tii zə, ghaa i keeli tsuu nə̀ n loʼ nə kəfə kəmɔʼ ghi Bày, Bày u loʼ nə kəfə kəmɔʼ ghi mə, ighələ tə̀ ghaa loʼnə nə kəfə kəmɔʼ ghi mə, mə n loʼnə nə kəfə kəmɔʼ ghi ghaa.

Tùm i dzuŋu zə kuum Yeso Klisto tə Jɔn â tɔɔnə 14:23

Yeso n beeli ndow wi nə̀, “Abə wù ləghənə mə, tə khə ni naŋŋə ghɔɔmə zuŋ zə, Bày wuŋ i ləghə soʼo wi, mə ghi Bày wuŋ i bə muu dzəŋi bə ghi wi.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Tùm i dzuŋu zə kuum Yeso Klisto tə Jɔn â tɔɔnə 14:9

Yeso n beeli ndow wi nə̀, “I sey dii nə̀ wɔɔ kə tìi tìi key n doʼo kəŋə bənə fa ghi ghaa a Filip, wə nam məʼlə kə wù wey n loʼnə ghii wə ə? Wù wey tə loʼ nə̀ tə n mə koʼ, tə n koʼ soʼo Bày. À loʼ kee ghaa sə nam dza kə nə̀, ‘Dii bə ghey n Bày ə?’

Tùm i dzuŋu zə kuum Yeso Klisto tə Jɔn â tɔɔnə 15:4

Ghaa khə ni doʼo bə ghi mə nə kəfə kəmɔʼ, n doʼo bə soʼo ghi ghaa nə kəfə kəmɔʼ. Kpìi kə way ni mə̂ utam n nəŋə ghii kə nə̀ kə ka zuŋ doʼo nə fəkaʼ, a loʼ soʼo ighələ tə̀ ghaa way ni ghəŋə ghə i loʼ zə nə̀ saa dzəŋi way nə kəfə kəmɔʼ.

Tùm i dzuŋu zə kuum Yeso Klisto tə Jɔn â tɔɔnə 17:14

N mâ ghɔɔmə zə i fuu tə̀ ghə, ghə̂ a mbi ghə a bàa ghə, n təŋkey, ghə way dzə tə a loʼ ghə̂ a mbi, ighələ tə̀ n nghee n way wù mbi.

Tùm i dzuŋu zə kuum Yeso Klisto tə Jɔn â tɔɔnə 17:25

Bày wuŋ u dzuŋu wə, wə loʼ tsətsəghə. Nghee ghə̂ a mbi ghən buʼ khə kə way wɔ, n kee khənu wɔ, ngəd tuŋ tə u khə soʼo nə̀ a loʼ wɔ wə tûmnə mə.

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

Tùm i dzuŋu zə kuum Yeso Klisto tə Jɔn â tɔɔnə 20:28

Tɔmɔs n beeli ndow wi nə̀, “Wə loʼ Mûkəbii wuŋ nsə Zə̀ kuŋ kə.”

Tùm i dzuŋu zə kuum Yeso Klisto tə Jɔn â tɔɔnə 8:42

Yeso n dza ndòw tə̀ ghə nə̀, “Abə Zə̀ kə mə ndzəm loʼnə bày ghaa, ghaa mə ləghə mə, n təŋkey, n nuu bə n səə Zə̀ kə, n ka bə dzə n ngəŋ zuŋ, a mə tûm bə Kəzə̀.

Kəfwaʼ 20:28

I keyyə na wû i ghaa zə nsə ghə̂ ghey adzəm Zay kə Zow kə fuu naŋanə n wɔ ghaa. Ghaa i laalə soʼo tə dzûmə tə Klisto tey Zə̀ kə â zuu nuu shi bənə n kaŋ tə waa wi.

Roma 9:5

Ghə loʼ waa a waa ghə Abraham Ayzik nsə Yakɔb. Ghə â ji bə Klisto wən Zə̀ kə â dza naŋa nə̀ i tûm bənu n naʼ zə Izree tə a loʼ wù sɔŋtsuʼ. Tə loʼ Kəzə̀, à saʼa wi fə wə udzəm, saa ndzəm khə soʼo ni fuu wi n kɔʼləmə nəŋə tədzəm. Zə i loʼ sey.

1 Kɔrint 1:30

À loʼ Kəzə̀ kə ghəŋənə nə̀ ghaa i loʼ nə kəfə kəmɔʼ ghi Yeso Klisto. Zə̀ kə n ghəŋə nə̀ saa i khə tɔb wə n bam i Klisto. Klisto n ghəŋə nə̀ saa i loʼ tsətsəghə n sə K-a-zə̀, ghəŋə soʼo nə̀ saa i loʼ ghə̂ a Kəzə̀ a zow ghə. À loʼ wi tə bəghəshinə saa n ghəə a saa a bəbə ghə.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.

2 Kɔrint 5:17

Sey, abə wù loʼnə nə kəfə kəmɔʼ ghi Klisto, tə loʼ wù fəghə wə. Ghəə a wey ghə n tsəghə nuu, a nya loʼ ghəə a fəghə ghə.

Efesus 3:18

N gɔŋŋə nə̀, ghaa ghi ghə̂ a Kəzə̀ ghə adzəm i loʼ ni zowkeeli ndzoʼo ləghə i nii nii zey Klisto khənə n kow ghaa.

Filipi 3:9

mə i ndzəm loʼ nə kəfə kəmɔʼ ghi wi. N kəm dəmə way ni loʼ tsətsəghə n ngəŋ zuŋ nə̀ a dza n mə̀ tɔʼ naŋa laŋ kə Təjuu. N nya loʼ tsətsəghə bòʼ bəghəm i fə̀ŋ zən n khənə n kow Klisto. N doʼo bə tsətsəghə n jìi zey Zə̀ kə ləghənə bòʼ bəghəm i fə̀ŋ zuŋ.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Hibru 1:8

Zə a tɔ̀ɔ doʼo kuum Waa wi nə̀ Zə̀ kə dza nə̀, “Zə̀ kə! Fɔɔ wə u nə̂ may koʼ way. Wə i kwɔɔ keeli ghə̂ ghə n jìi zey i loʼnə tsətsəghə.

1 Jɔn 2:23

Wù wey tə tuu maʼanə waa, sey tuu maʼa soʼo Bày. Wù wən tə bəghəm naŋanə waa sey bəghəm naŋa soʼonu Bày.

1 Jɔn 2:24

Sey, ghaa i tɔʼɔ naŋŋə tûm zən ghaa â zownə n nəŋə zey ghaa â bəghəmnə tii tə̀ Zə̀ kə. Abə ghaa naŋŋə dzɔbənə tûm tii n fə̀ŋ tə ghaa, ghaa i loʼ tən tsə kə nə kəfə kəmɔʼ ghi Waa nsə Bày.

1 Jɔn 2:6

wù wey tə dzanə nə̀ tə loʼ nə kəfə kəmɔʼ ghi Zə̀ kə, tə khə ni muu ighələ tə Yeso Klisto â muunə.

1 Jɔn 4:14

Saa n koʼ, tiilə dza soʼo nə Bày a tûm bə waa wi nə̀ tə bə bəghəshi ghə̂ a mbi.

1 Jɔn 4:16

Wû i saa, saa khənu, saa a bəghəm fuu ndow soʼonə n ləghə zən Zə̀ kə khənə n kôw saa. Ləghə i nuu bə n wɔ Zə̀ kə, sey nə̀ ghə̂ ghey ghə muunə nə iləghə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə.

1 Jɔn 4:2

Jii zey saa keelinə ghə̂ ghən ghə khənə Zay K-a-zə̀ kə loʼ nə, wù wən tə bəghəmnə nə̀ Klisto â bə fa n mbi n wû u wù sɔŋtsuʼ, tə sey khə zay key kə nuu bə n wɔ Zə̀ kə.

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.

1 Jɔn 5:15

Nghee saa khənə nə̀ tə i zownu saa abə saa nɔɔ kə kee kə n wɔ wi, saa khə tən n fə̀ŋ tə saa nə̀ tə i fuunu fə key saa nɔɔnə n wɔ wi.

1 Jɔn 5:18

Ghey khənu nə̀ waa Kəzə̀ u loʼ u way dzə ni tsəghə ndow n sə kə ni ghəŋŋə ghəə a bəbə ghə, n təŋkey, waa Kəzə̀ keyyə wi, vəətsəə ghə way soʼo ni mɔm wi.

1 Jɔn 5:5

A kəm loʼ ndee tə loʼ ni təm zə ghə̂ a mbi ghən, nə̀ a way wù wey tə bəghəmnə nə̀ Yeso loʼ waa Kəzə̀ ə?

Chi dii 15:3

Ghə n zhim dzaŋ ə Mushi wən tə loʼnə wù kəfwaʼ a Kəzə̀ nsə ndzaŋ ə Waa Nji zey. Ghə â zhim nə̀ “Mûkəbii Zə̀ kə, wə khə udaʼa udzəm, Ghəə ghey wə ghəŋŋənə loʼ ghəə a səŋi ngii dzɔbə soʼo! Wə loʼ də̀ŋ kə tənaʼa tədzəm, Wə ghəŋŋə ghəə ghey a kpiilənə, dza soʼo isəŋə nəŋə tədzəm!

Chi dii 19:11

Mə n koʼ ndow bikighow kə chi kɔʼnə, mə koʼ tsu soʼo khinyam kə fəmə kə, kə teynə n sə kuŋ. Zəd i wù wey tə â nyəŋənə khinyam kə tii kə n loʼ nə̀ a loʼ Wù wey tə naŋŋə dzuu i wi zə, nsə Wù wən tə dzanə isəŋə. Tə saʼa n jìi zey i kpiinə, zuulə soʼo tsam n jìi zey i kpiinə.

Chi dii 3:14

Yeso n dza kpiʼi bə tə̀ mə nə̀, “Tɔ̀ɔ ndow tə tsəndəghə ə Kəzə̀ zey i keyyənə dzəŋi kə dzûmə tə Klisto key n Lodishya nə̀, wù wey ghə tɔŋŋə nə̀ à loʼ Zə i loʼ sey, tə wey tə zownə tə̀ Zə̀ kə, dza soʼo isəŋə n ghəə a Kəzə̀, wù wey Zə̀ kə â dzəŋi kaʼ tsu ni bɔm ufə udzəm fa n mbi ghi wi, dza nə̀,

Chi dii 3:7

Yeso n dza bə tə̀ mə nə̀, “Tɔ̀ɔ ndow tə tsəndəghə zey i keyyənə dzəŋi kə dzûmə tə Klisto key n Filadefya nə̀, wù wey tə zow dza soʼo isəŋə, tə kwu keelinə chi kə fɔɔ Devid kə, wù wey abə tə chi naŋa kɔʼ fuʼ u ndaw wə, wù loʼ i way ni fìi, abə tə fìi naŋa tsunə, wù loʼ way ni chi, dza nə̀,

Chi dii 6:10

Ghə n naʼlə shiə kɔʼɔ n dzə̀ tə taw tə nə̀, “Mûkəbii u ngii taw wə, wə zownu, ghey a loʼ soʼo ni gaʼ fə̀ŋ n kow wɔ. À loʼ zeeli wə i saʼanə ghə̂ ghən fa a ghəlitsə ni dey fuu ngəmə tə ghey nghee ghə weyyə kaabənə ghey ə?”