1 Jɔn 5:19 - Kaa n Kəzə̀ n fəghə mə

¹⁹ Ghey khənu nə̀ ghey loʼ waa a Kəzə̀, ghey khə soʼonu nə̀ mbi idzəm loʼ n tənə wù təngəmə ə Klisto tɔŋɔ Satan.

1 Jɔn 5:19 Mawu Ofanana

Lukas 4:6

Vəətsəə ghey n dza ndòw tə̀ wi nə̀, “Ghə n fu mə n daʼa kə tii kə ni saʼ fə wən udzəm, n loʼ ni fuu tə̀ wù wey n ləghənə. Mə i fuunu daʼa kə tii kə nsə kûm i tii zə tə̀ wɔ.

Tùm i dzuŋu zə kuum Yeso Klisto tə Jɔn â tɔɔnə 12:31

Nəŋə zə n kpii tə̀ Zə̀ kə ni saʼ ghə̂ a mbi. À loʼ nya ghə i dzum maʼa shiənə Satan, tə loʼnə də̀ŋ kə mbi kə.

Tùm i dzuŋu zə kuum Yeso Klisto tə Jɔn â tɔɔnə 14:30

N kəm khə way ndəmə aghəə ni dza tə̀ ghaa, boʼ nə̀ də̀ŋ kə mbi kən nya bəghənu. Tə khə way daʼa kə loʼ kə n kow mə.

Tùm i dzuŋu zə kuum Yeso Klisto tə Jɔn â tɔɔnə 16:11

Abə n buʼ kə saʼa key, tə nə dii ndow tə ghə nə̀, Zə̀ kə nə saʼanu mbi i zən, n təŋkey, ghə n saʼ tsəghə Satan də̀ŋ kə mbi, tûm wi n bad kə ghə̂ a bəbə kə.

Tùm i dzuŋu zə kuum Yeso Klisto tə Jɔn â tɔɔnə 17:15

N gɔŋŋə dzə way nə wə ney nuu shi kɔʼ ghə n mbi, n kee gɔŋŋə nə̀ wə tsəd naŋa tsu ghə, kə̂ Satan nə mɔmnə ghə.

Roma 8:16

Zay kə Zow kə diinu tə̀ fə̀ŋ tə saa tə nə̀ saa loʼ waa a Kəzə̀.

2 Kɔrint 1:12

Fə̀ŋ tə ghey tə zownu, ghey u loʼnə ni kɔʼlə iwû nə̀ muu i ghey fa mbi â loʼ tsətsəghə loʼ soʼo nə̀ isəŋə. A wey bɔɔmə loʼ nghee ghey muunə ghi ghaa. Ghey ghəŋŋə dzə way ghəə ghə n tɔb u mbi, ghey ghəŋŋə aghəə adzəm n ndzuŋ zey Zə̀ kə diinə tə ghey.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

2 Kɔrint 5:1

Saa khənu nə̀ abə ghə saʼ maʼa tsunə fəə fə saa fən saa muunə tii tɔŋŋə vən fə uwû fə saa fən, saa khənu ndaw Zə̀ kə naŋanə tə̀ saa i doʼo tənə idəŋ. Ndaw tii, a ka bɔm dzə wù sɔŋtsuʼ.

Galeshia 1:4

Yeso Klisto â bəghəm ni kpu bòʼ bəb i saa, nghee tə Zə̀ kə, tə loʼnə Bày, â bayyə naŋa nə̀, ni bəghəshi saa n mbi i bəbə zən a muunə tii nya.

Efesus 2:2

Ghaa â muu tsə nə̀ ghaa dzûmə ndow ghəə a mbi a bəbə ghə, zow laŋ u Satan, Zay kə bəbə kən kə saʼanə zay u bəbə wən u loʼnə idəŋ. À loʼ wi tə fwaʼanə n kow ghə̂ ghən ghə naŋŋə way laŋ u Kəzə̀ wə.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.

Jems 4:4

Ghə nəb ityim tə a loʼ ghaa! Ghaa khə way nə̀ abə ghaa ngii gaʼnə fə̀ŋ n fə u mbi, i sey dii nə̀ ghaa loʼ ghə̂ a təngəmə tə Zə̀ kə ə? Keeli tsu na nə̀, ghə̂ ghey ghə ləghənə fə u mbi wə, ghəŋŋə wû i ghə nə̀ ghə doʼo ghə̂ a təngəmə ghi Zə̀ kə.

1 Jɔn 3:14

Saa khənu nə̀ və i kəm khə way daʼa kə n kow saa, saa nya khə muu zən i may way, n təŋkey, saa ləghə tiilə waazə a saa. Wù wey tə khə way ləghə zə, və i sey nam khənu daʼa kə n kow wi.

1 Jɔn 3:24

Ghə̂ ghey ghə naŋŋənə laŋ K-a-zə̀ kə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə. À loʼ Zay kə Zow kə, kə ghəŋənə nə̀ saa keeli nə̀ Zə̀ kə muu n kow saa.

1 Jɔn 5:10

Wù wey tə bəghəmnə nə̀ tə loʼ Waa Kəzə̀, sey khənu n fə̀ŋ ə wi nə̀ ghəə ghən Zə̀ kə tiilə dza bənə kuum waa wi loʼ isəŋə. Wù wey tə ka bəghəm tə Zə̀ kə, loʼ wù badla wə aghəə wə, bòʼ nə̀, tə ka bəghəm dzə ghəə ghən Zə̀ kə tiilə dza bənə kuum waa wi.

1 Jɔn 5:13

N tɔ̀ɔ bə ghəə ghən tə ghaa ghən ghaa bəghəmnə zəd i waa Kəzə̀ nə̀ ghaa keeli tsu nə̀ ghaa i keelinu muu zə itsali zə.

1 Jɔn 5:15

Nghee saa khənə nə̀ tə i zownu saa abə saa nɔɔ kə kee kə n wɔ wi, saa khə tən n fə̀ŋ tə saa nə̀ tə i fuunu fə key saa nɔɔnə n wɔ wi.

1 Jɔn 5:18

Ghey khənu nə̀ waa Kəzə̀ u loʼ u way dzə ni tsəghə ndow n sə kə ni ghəŋŋə ghəə a bəbə ghə, n təŋkey, waa Kəzə̀ keyyə wi, vəətsəə ghə way soʼo ni mɔm wi.

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.

Chi dii 20:3

Tsəndəghə Kəzə̀ zey n ney maʼa nyi tsu ndow wi n fɔŋŋə k-a-bùʼ key kə kuʼu way fii naŋa kɔʼ dzuu i tii zə, nɔmi naŋa tən tsu soʼo, sey nə̀, kə tə nə kəm sìi ndəŋŋənə naʼa tə ni ndow kuum n nəŋə zey num tən kam i tsəghə tsunə. Abə num tə i tsəghə tsunə kam, ghə i teeli zìi zəghə tsu wi n kəmə fə inəŋə.