1 Jɔn 5:10 - Kaa n Kəzə̀ n fəghə mə

¹⁰ Wù wey tə bəghəmnə nə̀ tə loʼ Waa Kəzə̀, sey khənu n fə̀ŋ ə wi nə̀ ghəə ghən Zə̀ kə tiilə dza bənə kuum waa wi loʼ isəŋə. Wù wey tə ka bəghəm tə Zə̀ kə, loʼ wù badla wə aghəə wə, bòʼ nə̀, tə ka bəghəm dzə ghəə ghən Zə̀ kə tiilə dza bənə kuum waa wi.

1 Jɔn 5:10 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 3:16

Kuumnə, Zə̀ kə â ngii ləghənu mbi ni ney fuu bə sɔʼi fə Waa wi, nə̀ wù wey tə bəghəmnə tə wi, tə i ka kpu, tə i fəd keeli muu zə itsali.

Tùm i dzuŋu zə kuum Yeso Klisto tə Jɔn â tɔɔnə 3:18

Wù wey tə bəghəmnə tə̀ wi, Zə̀ kə kəm saʼa way wi, wù wey tə ka kee bəghəm tə̀ wi, Zə̀ kə n saʼ a wi gboo khəə tən, tə u naŋa wi n ngoʼ, n təŋkey, tə ka bəghəm dzə n zəd i sɔʼi fə Waa wi.

Tùm i dzuŋu zə kuum Yeso Klisto tə Jɔn â tɔɔnə 3:33

Wù wey tə bəghəm naŋanə ghɔɔmə i wi zə, loʼ ni tiilə dza nə̀ ghɔɔmə i Kəzə̀ i loʼ isəŋə.

Tùm i dzuŋu zə kuum Yeso Klisto tə Jɔn â tɔɔnə 5:38

Ghaa ka ney naŋa dzə ghɔɔmə i wi zə n fə̀ŋ tə ghaa n təŋkey ghaa ka bəghəm dzə tə̀ wù wey tə tûm bənə.

Kəfwaʼ 8:37

[Filip n dza tə wi nə̀, “N loʼnu ni fuu wɔ n mmuu n Kəzə̀ mə abə wə bəghəmnə n fə̀ŋ zə idzəm.” Wù wey n dza ndow tə wi nə̀, “N bəghəmnu, mə n bəghəm nə̀ Yeso Klisto loʼ waa Kəzə̀.”]

Roma 8:16

Zay kə Zow kə diinu tə̀ fə̀ŋ tə saa tə nə̀ saa loʼ waa a Kəzə̀.

Galeshia 4:1

Ni kəm ney tsu, waa wən tə loʼnə nə a loʼ zəə kəbii, abə tə nam təbə nə̀, wi ghi wù kəfwaʼ, kweyyə kə loʼ kə way dzə, n təŋkey tə ka kam beyyə kpi dzə, nghee tə i tsəm loʼ kə nə a loʼ wi tə khənə fə wə udzəm.

Galeshia 4:6

Zə̀ kə â kuu nyi bə Zay key kə â loʼnə n kow waa wi n fə̀ŋ tə saa, ni dii tsu nə saa loʼ waa a wi. À loʼ Zày kə tii kə, kə ghəŋŋənə nə̀ saa i tɔŋŋə wi nə̀, “Bày, dii tsu nə tə loʼ Bày saa.”

Kolose 3:3

bòʼ nə̀, ghaa mâ kpuu dzəŋi ghi Klisto, sey, a ghaa nya tsəd naŋa Klisto tə loʼnə nə kəfə kəmɔʼ ghi Zə̀ kə.

Hibru 3:12

Waazə ghə, ghaa ney ighə̂mə nə̀ kə wù ghaa u loʼ u nə keeli fə̀ŋ i bəbə zə tə̀ tə loʼ ni tuu ni bəghəm tə̀ Zə̀ kə. Wù wey tə khənə ndzoʼo fə̀ŋ zən, way dzə ni ndow n səə Zə̀ kən kə fuunə muu zə.

2 Pita 1:19

Sey, ghey n baa bəghəm fuu nya nə̀ ghəə ghey tûm tə Kəzə̀ tə â naʼa naŋanə bòʼ Klisto loʼ isəŋə. I dzɔbə nə̀ ghaa tɔʼ gaʼ tsu fə̀ŋ tə ghaa n ghəə a tii ghə, n təŋkey, ghəə a tii a loʼ tə a loʼ kədaa kə baŋanə nə kələm ni ndow kuum ndow n nəŋə zey tsuʼ wə i zownə tə̀ Klisto ni bə. Klisto loʼ tə a loʼ səghəbələ fə n bələbələ tə fə i baŋa soʼo n fə̀ŋ tə ghaa.

1 Jɔn 1:10

Abə saa dza nə̀ saa ka ghə i bəb i loʼ i ghəŋə koʼ tsə, i sey dii nə̀ saa dza nə̀ Zə̀ kə badla aghəə nsə nə̀ ghɔɔmə i wi i way dzə n kow saa.

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.

Chi dii 12:17

Sey ngəm zey n fəələ nay ndow unəghə ghi weyzən wey, nuu ndow ni ndow ballə ghi waa a waa a wi ghən ghə doʼo səənə, ghə̂ ghey adzəm ghə naŋŋənə laŋ u Kəzə̀ wə, nsə ghə̂ ghey ghə gaʼnə fə̀ŋ nə isəŋə zən Yeso â chi dii bənə.

Chi dii 2:17

Wù wey tə khənə tuŋŋə wə, tə zow ghəə ghən Zay kə Zow kə dzanə tə dzəŋi u dzûmə tə Klisto wə. Wù wən tə i taw tsəghənə ghəə a bəbə ghə, mə i fuu ghə n fəzəə u loʼ wə ghə â nyi naŋanə, ghə tɔŋŋənə nə̀ a loʼ mana. Mə i fuu soʼo ghə n tay i fəmə zən ghə tɔ̀ɔ naŋanə zəd i fəghə zə tii, nə̀ wù loʼ khə way, nə̀ a khə kə wù wey tə i neynə tay i tii zə.”

Chi dii 2:28

Mə i fuu soʼo wi n səghəbələ fən fə shiə kɔʼɔ bənə n bələbələ tə.