1 Jɔn 4:4 - Kaa n Kəzə̀ n fəghə mə

⁴ Ghaa ghən ghaa loʼnə waa ghuŋ a dzuŋu ghə, ghaa loʼ waa a Kəzə̀. Ghaa mâ təm zə ghə̂ ghən, boʼnə zay kən kə loʼnə n kôw ghaa, kə n taw tsəghə shi zay key kə loʼnə n kow ghə̂ ghey ghə loʼnə fa n mbi.

1 Jɔn 4:4 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 12:31

Nəŋə zə n kpii tə̀ Zə̀ kə ni saʼ ghə̂ a mbi. À loʼ nya ghə i dzum maʼa shiənə Satan, tə loʼnə də̀ŋ kə mbi kə.

Tùm i dzuŋu zə kuum Yeso Klisto tə Jɔn â tɔɔnə 14:30

N kəm khə way ndəmə aghəə ni dza tə̀ ghaa, boʼ nə̀ də̀ŋ kə mbi kən nya bəghənu. Tə khə way daʼa kə loʼ kə n kow mə.

Tùm i dzuŋu zə kuum Yeso Klisto tə Jɔn â tɔɔnə 16:11

Abə n buʼ kə saʼa key, tə nə dii ndow tə ghə nə̀, Zə̀ kə nə saʼanu mbi i zən, n təŋkey, ghə n saʼ tsəghə Satan də̀ŋ kə mbi, tûm wi n bad kə ghə̂ a bəbə kə.

Tùm i dzuŋu zə kuum Yeso Klisto tə Jɔn â tɔɔnə 17:23

Mə n gɔŋŋə nə̀ mə i loʼ nə kəfə kəmɔʼ ghi ghə nghee tə̀ wə loʼnə nə kəfə kəmɔʼ ghi mə, nə̀ ghə i tɔʼ tey tə a loʼ wù umɔʼ, tə ghə̂ a mbi ghə i keeli nə̀ a loʼ wɔ wə tûmnə mə, nsə nə̀ wə ləghə ghə ighələ tə̀ wə ləghənə mə.

Roma 8:31

À loʼ ghə i ghaa zə saa loʼ ni kəm dza bòʼ ghəə zən ə? Abə Zə̀ kə taʼanə ghi saa, à loʼ ndee ni ballə ghi saa a?

Roma 8:37

Saa tsəmə təmə zəənu ghəə ghən adzəm n təŋkey à saa gaamə Klisto wən tə ləghənə saa.

1 Kɔrint 2:12

À kee loʼ nə̀ ghey khənu nə̀ naamə udzəm u nuu bə n wɔ Zə̀ kə, n təŋkey, Zə̀ kə ka fuu dzə ghey n zay kə wù wey tə muunə fa n mbi, tə fəd fuu ghey n Zay kə wi kə.

1 Kɔrint 6:13

Ghə̂ a loʼ ghə a dza soʼo nə̀, “Ghə â ghəŋə ufəzəə tə̀ nəghə wə, ghəŋə soʼo unəghə tə̀ fəzəə wə.” Ow a loʼ isəŋə! A kee loʼ nə̀, Zə̀ kə î ləŋi maʼanu fə̂ u tii wə udzəm. Ghaa khə way ni ney wû i ghaa, ghaa i ghəŋŋə ghəə a laŋŋə ghə tii, ghaa khə ni fəd ney wû i ghaa, ghaa i kɔʼlə Mûkəbii tii. A loʼ Mûkəbii tə fuunə fə key wû u ləghənə.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

2 Kɔrint 6:16

Muʼu n khə way ghə i loʼ zə ni ghəŋə ghi dzəŋi kə dzûmə tə Klisto kə. N dza sey n təŋkey saa loʼ ndaw Zə̀ kən kə loʼnə utaw, tə̀ Zə̀ kə dzanə nə̀, “Mə i muulə ghi ghə Mə i bwey soʼo n fəŋŋə kə ghə, Mə i loʼ Zə̀ kə ghə kə, Ghə i loʼ soʼo ghə̂ ghuŋ ghə.”

Efesus 2:2

Ghaa â muu tsə nə̀ ghaa dzûmə ndow ghəə a mbi a bəbə ghə, zow laŋ u Satan, Zay kə bəbə kən kə saʼanə zay u bəbə wən u loʼnə idəŋ. À loʼ wi tə fwaʼanə n kow ghə̂ ghən ghə naŋŋə way laŋ u Kəzə̀ wə.

Efesus 3:17

N gɔŋŋə soʼo nə̀ Klisto î muu n fə̀ŋ tə ghaa bòʼ bəghəm i fə̀ŋ zey ghaa khənə. Mə n gɔŋŋə soʼonə nə̀ ghaa səd doʼo dzɔb tsu n ləghə zey ghaa khənə n kow Zə̀ kə nsə n wû i ghaa.

Efesus 6:10

Ni guŋ kɔʼ, ghaa khə ni taw n doʼo i ghaa ghi Mûkəbii nsə n daʼa kə nii key tə fuunə.

1 Jɔn 2:1

Waa ghuŋ a dzuŋu ghə, n tɔ̀ɔ bə ghəə ghən tə ghaa nə̀ kə ghaa nə ghəŋŋə ghə i bəbə zə. Sey nə̀, abə wù ghaa u loʼ u kpaʼi ghəŋə ghə i bəbə zə, saa khə wù loʼ tə buʼunə wɔɔ kə n wɔ Bày n tow u saa tɔŋɔ Yeso Klisto, tə loʼnə wù wey tə loʼnə tsətsəghə.

1 Jɔn 2:13

N tɔ̀ɔ bə tə ghaa ghə bày, tənkey, ghaa n doʼo ghə̂ ghey ghə loʼ nə̀ ghə n keeli Yeso Klisto wən tə â loʼnə tə mbi ni kaʼ. N tɔ̀ɔ bə tə ghaa fəghaŋ, n təŋkey ghaa n təm zə̂ wù təngəmə ghaa tɔŋɔ Satan.

1 Jɔn 3:20

Abə fə̀ŋ tə saa tə diinə nə̀ saa n ghəŋə bəəbə, saa khənu nə̀ Zə̀ kə dow tsəghənu fə̀ŋ tə saa tə, tə u khə may soʼonə ghəə ghey a loʼnə n fə̀ŋ tə saa.

1 Jɔn 3:24

Ghə̂ ghey ghə naŋŋənə laŋ K-a-zə̀ kə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə. À loʼ Zay kə Zow kə, kə ghəŋənə nə̀ saa keeli nə̀ Zə̀ kə muu n kow saa.

1 Jɔn 4:13

Zə̀ kə n fuu saa n Zay kə wi kə ni dii bə nə̀ saa loʼ nə kəfə kəmɔʼ ghi wi, tə u loʼ soʼo nə kəfə kəmɔʼ ghi saa.

1 Jɔn 4:16

Wû i saa, saa khənu, saa a bəghəm fuu ndow soʼonə n ləghə zən Zə̀ kə khənə n kôw saa. Ləghə i nuu bə n wɔ Zə̀ kə, sey nə̀ ghə̂ ghey ghə muunə nə iləghə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə.

1 Jɔn 4:6

Saa fəd loʼ ghə̂ a Kəzə̀. Ghə̂ ghən ghə loʼnə ghə̂ a Kəzə̀ ghə, ghə zownu tə saa. Abə ghə mə way ghə̂ a Kəzə̀ ghə, ghə mə way ni zow tə saa. À wən loʼ nghee saa keelinə wù wey tə khənə zày key kə ghəŋŋənə nə̀ wù i dza isəŋə nkee zày key kə ghəŋŋənə nə̀ wù i badla ghəə ghə.

1 Jɔn 5:19

Ghey khənu nə̀ ghey loʼ waa a Kəzə̀, ghey khə soʼonu nə̀ mbi idzəm loʼ n tənə wù təngəmə ə Klisto tɔŋɔ Satan.

1 Jɔn 5:4

Wù ghaa wə tə loʼnə waa Zə̀ kə, tə təmə zəənu ghə̂ a mbi ghə. Jìi zey saa təmə zəənə ghə̂ a mbi ghən tii loʼ n bam i bəghəm i fə̀ŋ i saa.

Chi dii 12:11

Ghə â təm zə̂ wi n kaŋ tə Waa Nji tən ghə â fəələnə n zat kə fəkaʼ nsə nə isəŋə zən ghə â naʼlənə, dii tsu nə̀ ghə â tsəmə ləghənu ni fuu nuu muu i ghə, abə à buʼ loʼ kə ni kpu daŋŋə.