1 Jɔn 4:17 - Kaa n Kəzə̀ n fəghə mə

¹⁷ A wey loʼ ghə i tii zə saa khə ni ngii khə ləghə zə n fəŋŋə kə saa, sey nə̀ saa i khə way tsəŋ i loʼ zə n tsuʼ fey Zə̀ kə i saʼanə mbi tii. Saa i tsəŋ way ghə i loʼ zə n təŋkey muu i saa i loʼ tə a loʼ muu i Yeso fa n mbi.

1 Jɔn 4:17 Mawu Ofanana

Matyo 10:15

N kuum dza bə tə̀ ghaa nə̀, ghəə ghən n dzanə fa tə̀ ghaa, abə tsuʼ u təsaʼ wə î kpii tsunə, naʼ zey ghaa nyoʼonə dzəm tii, Zə̀ kə î kwɔɔlənu n sî zə n kow naʼ i Sodom zə, nsə i Gomora zə, tsəghəshi naʼ i tii zə.”

Matyo 10:25

Waa kəmàʼlə bɔɔmə may kuum tsu kə ni doʼo tə̀ a loʼ wù dii ə wi, wù kəfwaʼ bə doʼlə soʼo tə̀ a loʼ Mûkəbii ə wi. Abə ghə tɔŋŋənə mûkəbii nə̀ tə loʼ Belzebul, ghə̂ a ndaw wi ghə i keeli izəd nə̀ zə n bəb tsəghəshi Belzebul.”

Matyo 11:22

N fa dza n kee dza bə tə̀ ghaa nə̀, abə tsuʼ fə saʼa fə təsaʼ fə i bənə, Zə̀ kə î kwɔɔlə way sî zə n kow ghaa tə̀ tə i kwɔɔlənə n kow naʼ i Tayra zə nsə naʼ i Sidɔn zə.

Matyo 11:24

N dza n kee dza bə tə̀ ghaa nə̀, n tsuʼ fə təsaʼ, Zə̀ kə i kwɔɔlənu sî n kow naʼ i Sodom zə tsəghəshi nghee tə i kwɔɔlənə sî zə n kow ghaa.”

Matyo 12:36

N dza bə tə̀ ghaa nə̀, n tsuʼ fey Zə̀ kə i saʼanə mbi tii, kay wù î fuu taŋ n ghɔɔmə tə bəbə tey tədzəm tə shi koʼ bə dzənə n dzuu i wi,

Tùm i dzuŋu zə kuum Yeso Klisto tə Jɔn â tɔɔnə 15:20

Moʼlə tsu na nə n mâ buʼ dza tə̀ ghaa nə̀, ‘Wù kəfwaʼ tsəghəshiə tsə way mûkəbii ə wi.’ Abə ghə â loʼ ni chɔd mə, ghə i chɔdlɔ soʼonu ghaa. Abə ghə â naŋŋənə ghɔɔmə zuŋ zə, i sey diinə ghə i naŋŋə soʼonu ghɔɔmə i ghaa zə.

Tùm i dzuŋu zə kuum Yeso Klisto tə Jɔn â tɔɔnə 17:22

Kɔʼlə mey wə â fuunə tə̀ mə, mə n fu soʼo tə̀ ghə, nə ghə i loʼ nə kəfə kəmɔʼ ighələ tə̀ ghi wɔ loʼnə nə kəfə kəmɔʼ.

Roma 8:29

I loʼ sey n təŋkey, ghə̂ ghey Zə̀ kə â khənə nə̀ ghə i bə doʼlə ghə̂ a wi, tə â khənu nə̀ ghə i kweyyə nuulə bənu, ghə doʼo bə tə a loʼ waa wi, sey nə̀ waa wən i loʼ waa u sə isə wə n fəŋŋə kə ndəmə ghə̂ ghən ghə loʼnə dzûmə tə Klisto tə.

Hibru 9:27

Wù khə ni teeli kpu kə inəŋə imɔʼ, Zə̀ kə n daŋŋə saʼ wi.

Jems 2:13

N sey dza n təŋkey Zə̀ kə i kwɔɔlə way sii zə n kow wù wey tə saʼanə nə tə kwɔɔlə way sii zə. Isəŋə loʼ nə̀ sî i kwɔɔlə i Kəzə̀ i bə kəsə abə tə saʼanə.

Jems 2:22

Wə n koʼ nya nghee tə bəghəm i fə̀ŋ zə Abraham nsə ghəə zey tə â ghəŋənə bwey dzəŋinə tii ə? Ghəə zey tə â ghəŋənə dii bə nə̀ tə bəghəm tə Zə̀ kə naʼ idzəm.

2 Pita 2:9

Abə i loʼnə sey, i sey dii nə̀ Mûkəbii khənu jìi zey tə i bəghəshiənə ghə̂ ghey ghə ghəŋŋənə ghəə ghey a kpiinə tə̀ Zə̀ kə abə ghə keelinə mɔʼ koʼ kə, tə u khə soʼo jìi zey tə loʼ ni chɔdlɔ ghə̂ ghey ghə ghəŋŋə ghəə ghey a kpiilə way tə̀ Zə̀ kə ni ndow kuum n nəŋə zey tə i saʼanə ghə̂ ghə a tii.

2 Pita 3:7

Zə a kee loʼ nə̀ n ghɔɔmə i wi i mɔʼɔ zən, Zə̀ kə n baʼ naŋa shi bə dəŋ key kə loʼnə nya nsə ghəlitsə kə nə̀ ghə i ləmmə tsu nəŋə zey tə i saʼanə ghə̂ ghey ghə ngɔɔmə way wi. Tə i ləŋi maʼa ghə nə uvələ.

1 Jɔn 2:28

Sey, ghaa ghən ghaa loʼnə waa ghuŋ ghə, ghaa doʼo tsu kə nə kəfə kəmɔʼ ghi Klisto, sey nə̀ abə tə i bə dzəŋŋə nə̀, saa i khə fə̀ŋ ni təmi n sə kə wi nə saa ka nyi doʼo bòʼ tow kə dədlə kə.

1 Jɔn 2:5

Wù wey tə naŋŋənə ghɔɔmə i Kəzə̀ zə, tə ndzəmə dii bənu nə̀ tə ləghənu Zə̀ kə. Jìi zən saa keelinə nə̀ muu i saa i loʼ dzəŋi ghi wi, loʼ nə,

1 Jɔn 2:6

wù wey tə dzanə nə̀ tə loʼ nə kəfə kəmɔʼ ghi Zə̀ kə, tə khə ni muu ighələ tə Yeso Klisto â muunə.

1 Jɔn 3:1

Koʼo na nghee tə̀ Bày ngii diinə ləghə i wi zə tii n kow saa. Tə n ghəŋə nə̀ ghə i tɔŋŋə saa nə̀ saa loʼ waa a Kəzə̀. Zə a ndzəm loʼ soʼonə nə̀ saa loʼ waa a Kəzə̀. Zuŋ key ghə̂ a mbi ghən koʼo keeli way saa loʼ nə̀ ghə khə way Zə̀ kə.

1 Jɔn 3:3

Wù wən tə khə ndzoʼo moʼlə zən n kow Klisto, sey sow zowwə naŋa wû u wi nə̀ tə i zow ighələ tə Klisto zownə.

1 Jɔn 3:7

Ghaa ghən ghaa loʼnə waa ghuŋ a dzuŋu ghə, kə ghaa i bəghəm nə wù loʼ nəb ghaa. Wù wey tə ghəŋŋənə ghəə ghə tsətsəghə n sə̂ K-a-zə̀, sey loʼ tsətsəghə ighələ tə̀ Klisto loʼnə tsətsəghə n sə̂ K-a-zə̀.

1 Jɔn 4:12

Wù loʼ ka kam koʼ koʼ tsə Zə̀ kə. Abə saa fədlə ləghə tiillə wû i saa zə, Zə̀ kə i loʼ nə kəfə kəmɔʼ ghi saa. Sey, ləghə i wi zə i loʼ ghi ndzəmə dii bə n ghəə a saa a ghəŋŋə ghə.