1 Jɔn 4:1 - Kaa n Kəzə̀ n fəghə mə

¹ Fə̂ ghuŋ a dzuŋu ghə, i kə ghaa nə tsəmə bəghəm fuunə tə̀ ghə̂ ghən ghə dza bənə tə ghaa nə̀ ghə ghɔɔmə n daʼa kə Zay kə Zow kə. Ghaa i mɔm koʼo tsu dzə isə nə̀ zay kə tii kə nuu bə n wɔ Zə̀ kə, boʼnə tûm tə Kəzə̀ tə tsɔŋɔ tə kəmənu fa n mbi.

1 Jɔn 4:1 Mawu Ofanana

Malakus 13:21

N tsuʼu n tii mə, abə wù loʼ i dzanə tə̀ ghaa nə̀, ‘Koʼo, wù wey Zə̀ kə â dza naŋa nə̀ i tûm bənu, tə wənə!’ Nkee ‘Koʼo tə wey fey!’ Kə̂ ghaa nə bəghəm fuunə tə̀ wi.

Lukas 12:57

Ghaa nə saʼa n wû i ghaa, ghəə zey i kpiinə.

Lukas 21:8

Yeso n beeli ndow ghə dza, “Ney na ghə̂mə zə kə̂ ghə nə nəbənə ghaa. Təŋkey ndəmə aghə̂ nə bəghənu n zəd zuŋ, ghə nə dza nə̀ ghə fwaʼa n daʼa kuŋ, ghə nə dza tə ghaa nə̀, ‘A loʼ mə wù wey ghə̂ a ləmmə nə̀, nəŋə zə n shɔd.’ Kə̂ ghaa nə dzûmə nə ghə.

Kəfwaʼ 17:11

Ghə̂ a Təjuu ghey n naʼ i Beria â khə mwam u dzuŋu wə tsəghəshi a ghey n naʼ i Tesalonika, bòʼ nə̀, ghə â bəghəm naŋa tûm i dzuŋu zey Pɔl â naʼlənə n wû i nyûmə zə. Ghə n tɔʼɔ fwɔdlɔ nyiə tsu màʼlə K-a-zə̀ n tsuʼu ndzəm ni koʼ tsu nə̀ ghəə ghey Pɔl dzanə loʼ isəŋə.

Kəfwaʼ 20:29

N khənu nə̀ abə mə i zəghə tsunə ghaa, ghə̂ a loʼ ghə i bəghənu tə a loʼ ubəghə, ghə bə saʼa maʼa tsu ghaa.

1 Kɔrint 12:10

Zay kə Zow kə fuu wù loʼ n daʼa kə ni ghəŋə ghəə zum ghə idzuu ghəə, tə n fuu wù loʼ n tɔb wə ni tiilə dza tûm Kəzə̀, tə u loʼ wə, tə n fuu kədaʼa ni koʼ keeli zay u bəbə wə nsə zay u dzuŋu wə, tə n fuu wù loʼ n daʼa kə ni ghɔɔmə lii tə təghɔɔmə, tə n kee fuu wù loʼ n daʼa kə ni tiilə dza lii tə təghɔɔmə tən Zay kə Zow kə fuunə tə̀ ghə̂ ghə nə̀ ghə ghɔɔmə.

1 Kɔrint 14:29

Abə ghaa təmdzəŋi bənə n dzəŋi kə dzûmə tə Klisto, ghə̂ ghey ghə naʼlənə tûm Kəzə̀ khə ni loʼ kə abəghə nkee atəghə ni ghɔɔmə, ghə̂ a loʼ ghey khə ni tɔʼ zəllə ghəə ghey ghə dzanə, ni koʼ nə̀ i kpiilə kənu.

1 Tesalonika 5:20

I kə ghaa nə kii maʼanə ghɔɔmə zey i loʼ nə̀ a chi dii bə Kəzə̀ tə wù loʼ.

1 Tesalonika 5:21

Ghaa i tɔʼɔ laalə tsuu ghəə ghə adzəm, ghəŋŋə ndow a ghey a dzɔbənə.

2 Tesalonika 2:2

kə̂ ghaa nə̂ keelinə fəmmə kə loʼ kə n fə̀ŋ tə ghaa, abə ghə̂ a loʼ ghə bə dza bənə tə̀ ghaa nə̀ tsu fey Mûkəbii khə ni bə tii n kpii. Kə̂ ghaa nə̂ bəghəmnə ghɔɔmə i tii zə, abə ghə tsəm dza bə kənə tə̀ ghaa nə̀ a dza bə Zay K-a-zə̀, nkee nə̀ a dza tûm tə Kəzə̀ nkee nə̀ a tɔ̀ɔ bə ghey.

1 Timoti 4:1

Zay kə Zow kə n ghəŋə nə̀ təjìi tədzəm nə̀ saa keeli nə̀ abə mbi nə may bənə, ndəmə aghə̂ a nə tuu ni bəghəm ghəə ghən dzûmə tə Klisto tə diinə, ghə nə fədlə dzûmə ndow ghəə a badla ghey vəətsəə a diinə.

2 Timoti 3:13

Ghə̂ a bəbə ghə nsə ghə nəb ityim nə faalə bəb njaʼ may ndow. Ghə nə nəbə ghə̂ ghə, ghə̂ a nə nəbə soʼo ghə.

2 Pita 2:1

N num tə ibam tə, tûm tə Kəzə̀ tə tsɔŋɔ tə â loʼ tsənu n fəŋŋə kə aghə̂. N jìi i mɔʼɔ zə, ghə̂ a dii a tsɔŋɔ ghə i shiə kɔʼɔnu n fəŋŋə kə ghaa. Ghə nə tsɔŋ nyi bə n fəŋŋə kə ghaa nə̀ ghaa khə way, ghə dii ghəə ghey ghə i ghəŋŋə nə̀ ghaa nyəŋ laʼ. Ghə nə tuu maʼa daŋŋə Mûkəbii wey tə kuum nuu shi bə tow u ghə wə. À wey loʼ ghə i tii zə, ghab kə i kəm shi way tə̀ Zə̀ kə ni ləŋi maʼa ghə.

1 Jɔn 2:18

Waa ghuŋ a dzuŋu ghə, a wən loʼ nəŋə zən mbi may bə nə tii. Ghaa n zow nə̀ wù təngəmə ə Klisto bəghənu. Nyisa wən, ndəmə ghə̂ a təngəmə a Klisto ghə n baa bə. À wən loʼ jìi zey saa i keelinə tii nə nəŋə zey mbi i maynə zə n kpi.

1 Jɔn 2:7

Fə ghuŋ a dzuŋu ghə, a way dzə laŋ kə fəghə kə n tɔ̀ɔ bənə tə ghaa. A fəd loʼ laŋ kə wey kə ghaa â khə tsənə ni ney nuu bə n tsuʼ fey ghaa â bəghəmnə tii tə̀ Klisto. Laŋ kə wey kə tii kə loʼ tûm i dzuŋu zən ghaa â zow dzənə.

2 Jɔn 1:7

Ndəm aghə̂ n shi ndow n mbi ni nəb kaabə tsə aghə̂ nə̀, Yeso â ka bə dzə n wû u wù sɔŋtsuʼ. Ndzoʼo wù wən loʼ wù nəbə wə aghə̂ wə, loʼ soʼo wù təngəmə ə Klisto.

3 Jɔn 1:11

N fə̂, kə wə nə dzûmə ndzoʼo mwam u bəbə wən, i dzûmə ndow ghəə a dzuŋu ghə. Wə keeli tsu nə ghə̂ ghən ghə ghəŋŋə ndzuŋ, dii bə nə ghə loʼ waa a Kəzə̀. A ghey ghə ghəŋŋə ghəə a bəbə ghə, ghə khə way Zə̀ kə.

Chi dii 2:2

n khə maynu ghəə ghey wə loʼ nə̀ wə n ghəŋə. N khənu nghee tə wə kuunə səŋ zə a tii ni fwaʼ nsə nghee wə kownə fə̀ŋ tii. N khənu nə̀ wə way ni bəghəm naŋa ghə̂ ghey ghə ghəŋŋənə ghəə a bəbə ghə. N khə soʼonu nə̀ wə n mɔm koʼ ghə̂ ghən ghə tɔŋŋə wû i ghə zə nə̀ à loʼ ngəd tə Yeso loʼ sey nə̀ ghə way dzə, wə u keeli tsu nə̀ ghə loʼ ghə̂ a badla ghə aghəə ghə.