1 Jɔn 3:5 - Kaa n Kəzə̀ n fəghə mə

⁵ Ghaa khənu nə Klisto a bə fa n mbi ni bə ney nuu ghəə a bəbə ghə, loʼ sey nə̀ tə ka kam ghəŋə koʼ tsə ghə i bəbə i loʼ zə.

1 Jɔn 3:5 Mawu Ofanana

Matyo 1:21

Tə i jiə bə waa u num wə, wə̀ i tsə̀ tsu zəd i wi nə̀ à loʼ Yeso, n təŋkey, tə i bəghəshiə ghə̂ a wi n ghəə a ghə a bəbə ghə.”

Lukas 23:41

Sa fəʼlə bòʼ ghəə a saa a bəbə ghə, sey, naamə kə saa kə kpiinu. Abə wù wən, tə ka ghə i bəbə i loʼ i ghəŋə dzə.”

Lukas 23:47

Ambə wù nii ə təsawgoʼ koʼ tsunə ghəə ghən a shinə, tə n fu nkɔʼlə tə̀ Zə̀ kə dza, “Wù wən â kûm loʼ wù dzuŋu wə.”

Tùm i dzuŋu zə kuum Yeso Klisto tə Jɔn â tɔɔnə 1:29

Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Tùm i dzuŋu zə kuum Yeso Klisto tə Jɔn â tɔɔnə 1:31

Wû wuŋ, mə â khə soʼo way nə̀ à loʼ wi Zə̀ kə â dza naŋa nə̀ i tûm bənu, mə â bə ni bə fuu mmuu n Kəzə̀ nə mmuu ni chi naŋa kɔʼ sə̂ a ghə̂ ghə Izree nə̀ ghə i loʼ ni koʼ keeli wi.”

Tùm i dzuŋu zə kuum Yeso Klisto tə Jɔn â tɔɔnə 14:30

N kəm khə way ndəmə aghəə ni dza tə̀ ghaa, boʼ nə̀ də̀ŋ kə mbi kən nya bəghənu. Tə khə way daʼa kə loʼ kə n kow mə.

Tùm i dzuŋu zə kuum Yeso Klisto tə Jɔn â tɔɔnə 8:46

À loʼ ndee n fəŋŋə kə ghaa tə loʼnə ni dza bə ghəə zey n ghəŋə bəəbənə. Abə i loʼ nə̀ n ghɔɔmə isəŋə, a kee loʼ kee, ghaa ləghə way ni bəghəm tə̀ mə ə?

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

1 Timoti 1:15

Ghɔɔmə zən nə̀, “Yeso Klisto â bə fa n mbi ni bə bəghəshi ghə̂ a bəbə ghə.” Loʼ isəŋə, saa khə ni ndzəm ney ghɔɔmə i tii zə, saa bəghəm soʼo. Mə â ney kəsə n ghə̂ ghən adzəm ghə ghəŋŋənə ghəə a bəbə ghə.

1 Timoti 3:16

Isəŋə loʼ nə̀, wù loʼ tsəm way ni tuu maʼa ghəə zey i nyi doʼonə n ghəə a Kəzə̀ nə̀, Klisto â bə tə a loʼ wù sɔŋtsuʼ, Zay kə Zow kə n dii bə nə tə loʼ tsətsəghə, Tsətəndəghə tə Kəzə̀ tə koʼ ndow wi, Ghəŋə nə̀ ghə naʼa tûm kùm wi tə ghə̂ ghən ghə ka bəghəm tə Zə̀ kə n naʼa tə mbi tədzəm. Ghə̂ a mbi ghə n bəghəm fuu tə wi. Ni fuu wi n kɔʼləmə, Zə̀ kə n ney kɔʼ ndow wi idəŋ, naŋa ndow wi n kpii u wi u təmə wə.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Hibru 1:3

À loʼ wi tə dii bənə nghee tə kɔʼlə mən Zə̀ kə khənə nyiəllənə tii. Tə bɔɔmə fiilə kə Kəzə̀ nghee tə kwu keelinə mbi n daʼa kə ghɔɔmə i wi. Ambə tə sow maʼa tsunə ghəə ghə aghə̂ a bəbə ghə, tə n nuu kɔʼ ndow idəŋ, ndow doʼo tsu n kpii u Kəzə̀ u təmə wə, tə khənə daʼa kə tsəghəshi ufə udzəm.

Hibru 4:15

N dza sey n təŋkey, fɔɔngili u nii nii wən way dzə ni doʼo nə̀ tə ka kwɔɔlə sî zə n kow saa abə saa bwu khə̂mə tsunə. Saa fəd khə fɔɔngili u nii nii wə, ghə â mɔm koʼnə wi nə təjìi tədzəm tə̀ ghə mɔm koʼonə saa, tə n ka kee ghəŋə dzə ghə i bəbə i loʼ zə.

Hibru 7:26

Yeso sey loʼ fɔɔngili u nii nii wən tə kɔʼ kpiinə ni laalə ghəə a saa ghə. Tə u zow, khə way bwu zə nkee bəb i loʼ zə n kow wi. Zə̀ kə a ney nuu shi kɔʼ wi n fəŋŋə kə ghə̂ a bəbə ghə, kɔʼlə naŋa kɔʼ wi idəŋ.

Hibru 9:26

Abə i mə loʼ sey, Klisto a sey khə ni fəghə n ndəmə tənəŋə ni ney nuu bə tə̀ mbi a kaʼnə. À kee loʼ nə̀ num tə nya bəghə ni bə may, tə u dii tən bənə wû u wi wə, ni ney nuu ghəə a bəbə ghə n bam i wû u wi wən tə fuu ndownə tə̀ a loʼ umaʼlə.

Hibru 9:28

Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

1 Pita 1:18

N dza sey n təŋkey, ghaa khənu nə̀ ghə â tsə tsəghə ndow fə kə səŋi kə kuum nuu shi bə tow u ghaa n ghəə a bəbə ghey ghaa â koʼ neynə n wɔ ghə bày bày a ghaa. Â way dzə nə kəfə nə kə loʼ ni bəb tə a loʼ itsaa nkee tsaa zə ishɔ̀lɔ̀.

1 Pita 1:20

Zə̀ kə â sày wi nə̀ mbi ka kam doʼo zey, ghə n ney dii shi bə wi n tsuʼu mən mbi may kəŋŋə bənə tii bòʼ ghaa.

1 Pita 2:22

Tə â ka ghəŋə koʼ tsə ghə i bəbə i loʼ zə, tə n ka bad koʼ tsə soʼo aghəə.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Jɔn 1:2

Ghɔɔmə zən ndzəm loʼ imuu, zə â dii bənə wû u wi wə tə ghey, ghey n ndzəm koʼ soʼo. A loʼ ghɔɔmə zən ghey tiilə dza bənə tə ghaa, naʼlə bə soʼo tə ghaa kuum muu zə itsali zə â loʼnə ghi Bày wən tə ghəŋənə nə̀ ghey keeli wi.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

1 Jɔn 2:1

Waa ghuŋ a dzuŋu ghə, n tɔ̀ɔ bə ghəə ghən tə ghaa nə̀ kə ghaa nə ghəŋŋə ghə i bəbə zə. Sey nə̀, abə wù ghaa u loʼ u kpaʼi ghəŋə ghə i bəbə zə, saa khə wù loʼ tə buʼunə wɔɔ kə n wɔ Bày n tow u saa tɔŋɔ Yeso Klisto, tə loʼnə wù wey tə loʼnə tsətsəghə.

1 Jɔn 2:2

À loʼ wi Zə̀ kə â fuunə tə̀ a loʼ umaʼlə nə tə kpu n tow u saa ni sow maʼa bəb i saa. Tə â kad sow maʼa kə bəb i saa zə, tə â sow maʼa soʼo bəb i ghə̂ adzəm fa n mbi.

1 Jɔn 2:29

Saa khə Klisto tə a loʼ wù wey tə loʼnə tsətsəghə, saa a khə soʼonə nə̀ wù wən tə ghəŋənə ghəə a wi ghə tsətsəghə, à loʼ waa Kəzə̀.

1 Jɔn 3:8

Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.

Chi dii 1:5

N gɔŋŋə nə̀ Yeso Klisto wən tə dii bənə isəŋə zən saa loʼ ni gaʼ fə̀ŋ tii, tə loʼnə wù sə isə ni zhəm dzəŋŋə bə nə ivə, tə saʼa soʼonə dəŋ wə fa a ghəlitsə, dii ghaa n ndzuŋ ə wi, tə fuu soʼo ghaa n buulə zə. Tə ləghənu saa, tə u bəghəshi saa n ghəə a saa a bəbə ghə, nghee tə â fuu ndow wû u wi wə n tow u saa n kaŋ tə wi tən tə â fəələnə n zat kə fəkaʼ.