1 Jɔn 3:2 - Kaa n Kəzə̀ n fəghə mə

² Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.

1 Jɔn 3:2 Mawu Ofanana

Matyo 5:8

Buulə i loʼ tə̀ ghə̂ ghey fə̀ŋ tə ghə tə zownə, N təŋkey, ghə nə̂ koʼonu Zə̀ kə.

Lukas 17:30

I nə bɔɔmə loʼ soʼo sey n tsuʼu n Waa wù sɔŋtsuʼ.

Lukas 20:36

Ghə loʼ tə a loʼ tsətəndəghə tə Kəzə̀, ghə way ni kəm kpuu, boʼnə ghə nya loʼ waa a Kəzə̀ nghee ghə zhəm dzəŋŋə dzə nə ivə.

Tùm i dzuŋu zə kuum Yeso Klisto tə Jɔn â tɔɔnə 1:12

Ni ney nuu tsu n ghə̂ ghey adzəm ghə â kee kpii neynə wi, ndow kuum ndow n ghə̂ ghey ghə â bəghəmnə n zəd i wi, tə n fuu ghə n daʼa kə nə̀ ghə doʼo bə Waa a Kəzə̀.

Tùm i dzuŋu zə kuum Yeso Klisto tə Jɔn â tɔɔnə 11:52

Tə n dza zey soʼo nə̀, Yeso i kad kpu kə way n tow kə naʼ i Təjuu, a i loʼ soʼo ni zuŋŋə dzəŋŋə bə waa a Kəzə̀ ghey ghə saŋŋə doʼo kaabənə n badla tə mbi tədzəm.

Tùm i dzuŋu zə kuum Yeso Klisto tə Jɔn â tɔɔnə 17:24

Bày, n ləghə nə̀ ghə̂ ghey wə â fuu tə̀ mə, ghə i loʼ ghi mə n luʼu key n loʼnə tii, tə̀ ghə loʼ ni mbɔŋ koʼ kɔʼlə muŋ, kɔʼlə mey wə â fuu tə̀ mə bòʼ ləghə zey wə khə n kow mə tə̀ mbi ni bə kaʼ.

Roma 8:16

Zay kə Zow kə diinu tə̀ fə̀ŋ tə saa tə nə̀ saa loʼ waa a Kəzə̀.

Roma 8:18

N khənu nə̀ kɔʼlə mən Zə̀ kə i fuunə tə saa, n laabə tsəghəshinu fəghə zən saa fəʼlənə nya.

Roma 8:19

N dza sey n təŋkey, fə wey udzəm Zə̀ kə bɔmnə fa n mbi ləmmə tənə tsuʼ fey Zə̀ kə i dii bənə ghə̂ ghey ghə ndzəm loʼnə waa a wi ghə.

Roma 8:29

I loʼ sey n təŋkey, ghə̂ ghey Zə̀ kə â khənə nə̀ ghə i bə doʼlə ghə̂ a wi, tə â khənu nə̀ ghə i kweyyə nuulə bənu, ghə doʼo bə tə a loʼ waa wi, sey nə̀ waa wən i loʼ waa u sə isə wə n fəŋŋə kə ndəmə ghə̂ ghən ghə loʼnə dzûmə tə Klisto tə.

1 Kɔrint 13:12

N sey dza n təŋkey, ghəə ghən saa koʼonə nya, saa maŋa koʼo kəzəŋŋə tə wù nə fwɔdlɔnə wû u wi wə nə kəlungali. Abə nəŋə i tii zə i baa kpi tsunə, saa i baa koʼ ndow ghəə a tii ghə n mgbaŋ. Abə Yeso i bə dzəŋŋənə, saa i fwɔdlɔ tûmmə ndow tûm usə wə ghi wi. Ghəə ghən n khənə nya, a maŋ loʼ kəm ukəm, abə Yeso i bə dzəŋŋənə, mə i keeli may ghəə a tii ghə. Isəŋə loʼ nə̀ Zə̀ kə khə aghəə adzəm kuum mə.

1 Kɔrint 15:49

Nghee i loʼ nə̀ saa bɔɔmə khə ndzoʼo wû u Adam wən Zə̀ kə â bɔmnə nə təzub, i sey dii nə̀ saa i bɔɔmə keeli soʼonu ndzoʼo wû u Klisto wən tə â tsu bənə idəŋ.

1 Kɔrint 2:9

I tɔ̀ɔ doʼo n màʼlə K-a-zə̀ nə̀, “Ghəə zey sə̂ i ka kam koʼ koʼ tsə, Ghəə zey tuŋŋə kə ka kam zow koʼ tsə, Nsə ghəə zey fə̀ŋ ə wù sɔŋtsuʼ i loʼ ka kam buʼ moʼlə koʼ tsə, Loʼ ghəə zey Zə̀ kə bayyə naŋanə tə̀ ghə̂ ghey ghə ləghənə wi.”

2 Kɔrint 3:18

Saa ghən adzəm saa loʼnə nya n tûm n təsə mə təghə, saa n koʼ nghee Mûkəbii nyiəllənə tii. Nghee tə̀ saa koʼonə sey, Zay kə Zow kə nya kweyyə nuulə bə saa nyaŋi fənyaŋi nə̀ saa doʼo bə tə̀ a loʼ Mûkəbii sey nə̀, ghə̂ a loʼ ni tɔʼ koʼ nghee tə nyiəllə tii.

2 Kɔrint 4:17

Sey, nyaŋi mə nchɔd mən saa koʼonə nyisa, n fədlə bayyə naŋa bə saa nə̀ saa i keeli kɔʼlə mən n nə may way, n tsəghəshinə chɔd mən n dzəm a keelinə.

Galeshia 3:26

Nya, à loʼ bəghəm i fə̀ŋ zən ghaa khə n kow Yeso Klisto, i ghəŋŋənə nə̀ ghaa doʼo waa a Kəzə̀.

Galeshia 4:6

Zə̀ kə â kuu nyi bə Zay key kə â loʼnə n kow waa wi n fə̀ŋ tə saa, ni dii tsu nə saa loʼ waa a wi. À loʼ Zày kə tii kə, kə ghəŋŋənə nə̀ saa i tɔŋŋə wi nə̀, “Bày, dii tsu nə tə loʼ Bày saa.”

Filipi 3:21

N daʼa key tə khənə ni ney naŋa bə ufə̂ udzəm n tənə wi, tə î kwey nuu kɔʼɔ vən fə uwû fə wù sɔŋtsuʼ fə saa fən, tə fuu saa n ndzoʼo vən fə uwû fey Zə̀ kə â fuunə tə wi nghee tə â zhəm dzəŋŋə bənə wi nə ivə.

Kolose 3:4

Abə Zə̀ kə i dii bənə Klisto wən tə baa khənə muu i ghaa zə tə mbi, ghaa i loʼ dzəŋi ghi wi n ghaʼ i wi.

Hibru 9:28

Sey, Klisto a fəələ kə wû u wi nəŋə imɔʼ ni ney nuu ghəə a bəbə ghə n tow u ndəmə aghə̂. Tə i kəm bəghə kpiʼinu, a i way dzə ni ney nuu ghəə a bəbə ghə, a i loʼ ni ney bə ibəghəshi tə̀ ghə̂ ghən adzəm ghə ləmmənə wi.

2 Pita 1:4

À loʼ n jìi i zən tə â fuunə saa n naamə u səŋi wey tə â təb naŋanə tə̀ saa. À loʼ naamə u səŋi wən u ghəŋŋənə nə̀ ghaa tyi nuu shi bə n ghəə a bəbə ghey gow uwû ləghənə fa n mbi, sey nə̀, ghaa loʼ ni mbɔŋ keeli soʼo muu zey Zə̀ kə khənə.

1 Jɔn 2:28

Sey, ghaa ghən ghaa loʼnə waa ghuŋ ghə, ghaa doʼo tsu kə nə kəfə kəmɔʼ ghi Klisto, sey nə̀ abə tə i bə dzəŋŋə nə̀, saa i khə fə̀ŋ ni təmi n sə kə wi nə saa ka nyi doʼo bòʼ tow kə dədlə kə.

1 Jɔn 2:7

Fə ghuŋ a dzuŋu ghə, a way dzə laŋ kə fəghə kə n tɔ̀ɔ bənə tə ghaa. A fəd loʼ laŋ kə wey kə ghaa â khə tsənə ni ney nuu bə n tsuʼ fey ghaa â bəghəmnə tii tə̀ Klisto. Laŋ kə wey kə tii kə loʼ tûm i dzuŋu zən ghaa â zow dzənə.

1 Jɔn 3:1

Koʼo na nghee tə̀ Bày ngii diinə ləghə i wi zə tii n kow saa. Tə n ghəŋə nə̀ ghə i tɔŋŋə saa nə̀ saa loʼ waa a Kəzə̀. Zə a ndzəm loʼ soʼonə nə̀ saa loʼ waa a Kəzə̀. Zuŋ key ghə̂ a mbi ghən koʼo keeli way saa loʼ nə̀ ghə khə way Zə̀ kə.

1 Jɔn 3:10

Jìi zey saa koʼo keelinə waa a Kəzə̀ ghə nsə nghee waa ghə avəətsəə ghə tii loʼ nə̀, wù wey tə ghəŋŋə ghəə zey i kpiilə way, way dzə waa Kəzə̀, ighələ ghi wù wən tə ləghə way waazə a wi ghə.

1 Jɔn 3:21

Fə̂ ghuŋ a dzuŋu ghə, abə fə̀ŋ tə saa tə ka dii nə̀ saa n ghəŋə bəəbə, saa n khə fə̀ŋ ni bə n sə̂ K-a-zə̀ nə̀ saa tsəŋə way.

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.

Chi dii 2:28

Mə i fuu soʼo wi n səghəbələ fən fə shiə kɔʼɔ bənə n bələbələ tə.

Chi dii 22:4

Ghə nə koʼo tûm usə u wi ghə nə tɔ̀ɔ naŋa tsu soʼo zəd i wi n tûm n təsə n ghə.