1 Jɔn 3:19 - Kaa n Kəzə̀ n fəghə mə

¹⁹ Ghəə ghey saa ghəŋŋənə dii bənu nə̀ ghəə ghey saa dzanə loʼ isəŋə, sey, saa i loʼ ni bə n sə K-a-zə̀ nə̀ saa khə way tsəŋ zə n fə̀ŋ.

1 Jɔn 3:19 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 13:35

Abə ghaa khə ləghə zə n wû i ghaa, aghə̂ adzəm ghə i daŋŋə koʼ keeli bə nə̀ ghaa loʼ ngəd tuŋ.”

Tùm i dzuŋu zə kuum Yeso Klisto tə Jɔn â tɔɔnə 18:37

Pilato n dza tə̀ wi nə̀, “I sey dii nə̀ wə loʼ kədə̀ŋ!” Yeso n beeli ndow wi nə̀, “À dza wɔ nə̀ n loʼ kədə̀ŋ. Zuŋ key ghə â jinə mə fa n mbi â loʼ ni bə dza isəŋə. Wù wey tə ləghənə isəŋə i tii zə, zəllənu ghəə zey n dzanə.”

Roma 4:21

Abraham â khə tən n fə̀ŋ ə wi nə̀ Zə̀ kə khənu daʼa kə tii kə ni ghəŋə ghəə zey tə â təb naŋanə.

Roma 8:38

N dza sey n təŋkey n khənu nə̀ fə kə loʼ kə way dzə ni dzawwə saa n ləghə zən Zə̀ kə khənə n kow saa. Nə à loʼ kə ivə nkee imuu, nə̀ a loʼ kə tsətəndəghə tə Kəzə̀ nkee avəətsəə, nə̀ a loʼ kə ghəə ghən saa loʼnə nya tii nkee a ghey a nə bəghənə nkee daʼa u ghaa wə, u tsəm way ni dzawwə koʼ saa.

2 Timoti 1:12

A wey loʼ zuŋ key n fəʼlə fa tii n ndaw tsaʼ. N kee dədlə dzə way n tow kə a dza n loʼ n ndaw tsaʼ n təŋkey n khənu wù wey n bəghəm fuunə tə wi, mə n tɔʼ khə soʼo nə̀ tə i kwɔɔ keelinu fə key tə â fuunə tə mə ni ndow kuum n tsuʼ fey tə i bəghə dzəŋŋənə ibam.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

Hibru 11:13

Ghə̂ ghən adzəm â bə kpu nə̀ ghə nam khə kənu bəghəm i fə̀ŋ zə n kow Zə̀ kə. Ghə â ka keeli dzə fə key Zə̀ kə â təb naŋanə tə̀ ghə. Ghə mâ kee koʼ ndow kənu fə kə tii kə nə kədaa, ghə n khə tən nə̀ ghə i keelinu fə u tii wə. Ghə n bəghəm kɔʼ soʼo n mgbaŋ nə̀ ghə loʼ ghə̂ a tətùm nsə nə̀ ghə bwey nyi bənu fa a ghəlitsə.

1 Jɔn 1:8

Abə saa dzanə nə̀ saa ka ghəŋə bəəbə dzə ghə i loʼ zə, saa nəbə wû i saa, saa a dza soʼo way isəŋə i loʼ zə.

1 Jɔn 2:21

N tɔ̀ɔ bə tə ghaa nə a way dzə nə ghaa khə way isəŋə ə tii, n fədlə tɔ̀ɔ bə n təŋkey ghaa khənu isəŋə nsə nə ghaa khə soʼonu nə̀ ghəə a badla a way ni shi koʼ tsə nə isəŋə.

1 Jɔn 3:14

Saa khənu nə̀ və i kəm khə way daʼa kə n kow saa, saa nya khə muu zən i may way, n təŋkey, saa ləghə tiilə waazə a saa. Wù wey tə khə way ləghə zə, və i sey nam khənu daʼa kə n kow wi.

1 Jɔn 3:20

Abə fə̀ŋ tə saa tə diinə nə̀ saa n ghəŋə bəəbə, saa khənu nə̀ Zə̀ kə dow tsəghənu fə̀ŋ tə saa tə, tə u khə may soʼonə ghəə ghey a loʼnə n fə̀ŋ tə saa.

1 Jɔn 3:21

Fə̂ ghuŋ a dzuŋu ghə, abə fə̀ŋ tə saa tə ka dii nə̀ saa n ghəŋə bəəbə, saa n khə fə̀ŋ ni bə n sə̂ K-a-zə̀ nə̀ saa tsəŋə way.