1 Jɔn 3:17 - Kaa n Kəzə̀ n fəghə mə

¹⁷ Ghə̂ a kûm ghən fa n mbi ghə koʼo ndownə waazə ghən ghə muunə nə̀ ghə khə way fə kə, ka kwɔɔlə isî n kow ghə, ghə way dzə ni dza nə̀ ghə ləghənu Zə̀ kə.

1 Jɔn 3:17 Mawu Ofanana

Lukas 3:11

Tə n beeli ndòw ghə dza, “abə wù khənə ndzə tə təbəghə, tə n fu ndòw wù wey tə khə way ndzə imɔʼ. Abə wù khənə fəzəə wə, tə n dzaw fu ndòw wù wey tə khə way.”

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

Hibru 13:16

Kə ghaa i neyzəə ni ghəŋŋə ndzuŋ nsə ni dzawwə fuu ndow ghə̂ ghey ghə khə way boʼnə Zə̀ kə duʼlənu n ndzoʼo maʼlə wən.

Jems 2:15

Ney kɔʼ n na nə̀ ghaa khə waazə u loʼ wə n dzəŋi kə dzûmə tə Klisto, weynum nkee weyzən, tə loʼnə n saʼ u fə wə nə uwû, ngəmsə khə soʼo way fə kə zəə kə.

Jems 2:16

Abə wə dza ndownə tə wi nə̀, “Ndow kədzuŋ, Zə̀ kə buulə wɔ! I dzəŋŋə kɔʼɔ ndzə̂ tə ufəb tə nə uwû, wə i zə̂ə dzɔbə soʼo.” Loʼ sey nə̀ wə ka fuu wi n fə wey tə laʼanə. Wə moʼlə nə̀ wə n wi gaamə n ghə i loʼ zə ə?

1 Jɔn 4:20

Abə saa dzanə nə̀ saa ləghə Kəzə̀, fədlə baa waazə a saa, saa loʼ ghə̂ a badla ghə aghəə ghə, n təŋkey, abə wə way ni ləghə waazu nə̀ wə koʼo ndownu wi, wə i ləghə ngee Zə̀ kə nə̀ wə ka wi kam koʼ koʼ tsə ə?

1 Jɔn 5:1

Wù wey tə bəghəmnə nə̀ Yeso loʼ wù wən Zə̀ kə â dza naŋa nə̀ i tûm bənu, tə loʼ waa Kəzə̀. Wù wey tə ləghənə bày, ləghə soʼonu waa wi.