1 Jɔn 3:15 - Kaa n Kəzə̀ n fəghə mə

¹⁵ Wù wən tə bàanə waazə, loʼ wù wən tə weynə ghə̂ ghə. Ghaa khə soʼonu nə̀ wù wey tə weynə ghə̂ ghə i keeli way muu zə itsali zə.

1 Jɔn 3:15 Mawu Ofanana

Matyo 5:28

N fa kee dza bə tə̀ ghaa nə̀, wù wey tə bùʼ laalə ndòw kənə weyzən n moʼlə tə ni nyiŋi ghi wi, sey nyəŋi dzənu ghi weyzən ə tii n fə̀ŋ ə wi.

Malakus 6:19

Sey, Herodias n khə fənyiʼi n kow Jɔn, ləghə ni wey wi, kəŋŋə kìi jìi bòʼ Helɔd.

Tùm i dzuŋu zə kuum Yeso Klisto tə Jɔn â tɔɔnə 4:14

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Kəfwaʼ 23:12

Abə tsuʼ u zow tsunə, ghə̂ a Təjuu a loʼ tə n kad tsu tsəm, zə̂ kɔʼ nkaa nə ghə i zə̂ way fə kə, ghə i mə̂ soʼo way fə kə, nə ghə ka wey tsu dzə Pɔl.

Kəfwaʼ 23:14

Ghə n ndow koʼ ndow ghə fɔɔngili a nii ghə nsə ngəd tə inaʼ tə, dza tə ghə nə̀, “Ghey n zə̂ kaa mə nə ghey i gaʼ way fə kə nə idzuu nə ghey ka wey tsu dzə Pɔl.

Jems 1:15

Ambə moʼlə tə bəbə tən nyi bəghə taw tsunə n fə̀ŋ zə, wə n zey ndow ni ghəŋə ghəə a bəbə ghə. Ambə wə ghəŋə tsəghə tsunə ghəə a bəbə ghə, və zə n bə ney nuu kɔʼ wɔ.

1 Pita 1:23

N dza sey n təŋkey n bam i ghɔɔmə i Kəzə̀ zən i fuunə muu zə, i loʼ soʼonə nəŋə tədzəm, ghə n ji kuulə ghaa tə a loʼ waa a wù wey tə kpuu way, nə̀ à way dzə tə a loʼ waa a wù sɔŋtsuʼ wey tə loʼ nə̀ tə kpuunu.

1 Jɔn 2:11

Wù wey tə kee bàanə waazə ə wi, loʼ nə kələm. Tə muu nə kələm, khə soʼo way luʼu key tə ndownə tii, n təŋkey, bəb zə n ghəŋə nə̀ tə fəb doʼo bə.

1 Jɔn 2:9

Abə wù dzanə nə̀ n muu nə utsə, kee baa ndow waazə ə wi, wù tii sey nam muu nə kələm.

Chi dii 21:8

A kee bə ghə̂ ghən ghə tsəŋənə, khə way bəghəm i fə̀ŋ zə, ghə nəb ityim, ghə̂ ghey ghə weynə ghə̂ ghə, ghə̂ a laŋŋə ghə, ghə̂ a fənnə ghə, ghə̂ ghən ghə ngɔɔmə muʼu mə nsə ghə̂ ghey ghə badlanə ghəə ghə, luʼu kə ghə kə loʼ n nyî zə uvələ zey sɔlfɔ bəʼlənə fu. À wən loʼ və zən i dzûmə ndow i sə̂ isə zə.”