1 Jɔn 3:12 - Kaa n Kəzə̀ n fəghə mə

¹² Saa khə dzə way ni doʼo tə a loʼ Ken tə â loʼnə waa avəətsəə, tə n wey maʼa tsu waazə ə wi Ebel. Â loʼ kee tə â wey maʼanə wi ə? Â loʼ n təŋkey tə â ghəŋŋə ghəə a bəbə ghə, waazə ə wi n kee ghəŋŋə ghəə ghən a loʼnə tsətsəghə n sə̂ K-a-zə̀.

1 Jɔn 3:12 Mawu Ofanana

Matyo 13:19

Ghə̂ ghey ghə zownə ghɔɔmə i fɔɔ u Kəzə̀ wə, ka zowkeeli, vəətsəə ghə n bə bəkeeli nuu kɔʼ ghəə ghey ghə zəllə naŋa n fə̀ŋ tə ghə. Ghə sey loʼ tə a loʼ ndzoʼ tey tə â tsɔʼlənə nə təmbwu.

Matyo 13:38

Sum u tii u loʼ mbi, ndzoʼ i dzuŋu zey sey loʼ ghə̂ ghey ghə loʼ n fɔɔ u Kəzə̀, zhìi wən loʼ ghə̂ ghey ghə loʼ n fɔ̀ɔ u Satan.

Matyo 23:35

Sey kaŋ tə ghə̂ ghən ghə loʼ nə̀ ghə khə way bwu i loʼ zə, ghə â weynə fa n mbi adzəm i tsuu tsu n tow u ghaa, ni zey bə n kaŋ tə Ebel bə kuum bə n kaŋ tə Wù tûm Kəzə̀ Zakalia, waa Berakaya wən ghə â weynə n luʼu key kə loʼnə n fə̀ŋ ə tsə zey ghə fəələnə maʼlə wə tii nsə baa baa Ndaw Kəzə̀.

Matyo 27:23

Pilato n kee bəb tə̀ ghə nə̀, “A baa wi n zat kə fəkaʼ nə̀ a loʼ kee? Tə bəəbə kee?” Ghə n fədlə buʼu shiə kɔʼɔ kə nbɔŋ dza nə̀, “Baa na wi n zat kə fəkaʼ.”

Matyo 5:37

Nə wə bəghəm ni ghəŋə ighəə, maŋa dza tsu kə nə̀, ‘Ow’, nkee ‘Ngaŋ’ abə wə tuunə. Nə̀ ghə i loʼ i kəm nyi bənu tii, i sey nuu bə n wɔ vəətsəə ghə.”

Lukas 11:51

Ni ney nuu tsu n kaŋ tə Ebel bə kùm bə n kaŋ tə Zachariah wən ghaa â weynə n fə̀ŋ ə tsə zey ghə fəələnə maʼlə wə tii nsə n luʼu key kə zow tsəghəshinə luʼu tə tədzəm. N dza bə isəŋə tə̀ ghaa nə ghə̂ ghən n num tən i fəʼlənu bòʼ ghəə a tii ghə.

Tùm i dzuŋu zə kuum Yeso Klisto tə Jɔn â tɔɔnə 10:32

Yeso n dza ndòw tə̀ ghə nə̀, “Bày wuŋ n ghəŋə mə nə̀ n ghəŋə ndəmə ghəə a dzuŋu ghə. À loʼ ghə i ghaa zə tii i ghəŋənə nə̀ ghaa i dza nə̀ ghaa dza i təmmə wey mə nə atay ə?”

Tùm i dzuŋu zə kuum Yeso Klisto tə Jɔn â tɔɔnə 8:40

N ghɔɔmə tsə kə isəŋə zey n zow ney bənə n wɔ Zə̀ kə, ghaa u kee kəŋənə jìi ni wey mə. Ghəə ghən ghaa ghəŋŋənə, Abraham â ghəŋŋə tsə way sey.

Tùm i dzuŋu zə kuum Yeso Klisto tə Jɔn â tɔɔnə 8:41

Ghaa bɔɔmə ghəŋŋə kə ghəə ghey bày ghaa â ghəŋŋənə.” Ghə n dza ndòw tə̀ wi nə̀, “Zə̀ kə loʼ bày ghey wey ghey khənə, ghey u loʼnə waa a wi ghə, ghey way dzə waa a kəmbay.”

Kəfwaʼ 7:52

Wù tûm Kəzə̀ u loʼ u mâ doʼo koʼ nə̀ ghə bày a ghaa a ka wi chɔd ə? Ghə â buʼ wey maʼa daŋŋə a ghən ghə â dza naŋa zey bənə bə i wù kəfwaʼ a wi wən tə loʼnə tsətsəghə. Ghaa n fìi fu ndow wi tə ghə̂ a təngəmə a wi ghə, ghə n wey maʼa daŋŋə ndow wi.

1 Tesalonika 2:14

Waazə ghə, ghaa â bɔɔmə bwey kə n ghow kə ibwey kə ghə̂ ghey ghə loʼnə n ndaw tə Kəzə̀ tey n naʼ i Judeya, ghə loʼ nə̀ ghə n bəghəm tə̀ Yeso Klisto. Ghaa â bɔɔmə fəghə kɔʼ bə n wɔɔ kə ghə̂ ghə inaʼ a ghaa, ighələ tə̀ ghə â fəghənə n wɔɔ kə ghə̂ a Təjuu ghən ghə â ka bəghəm tə̀ Klisto.

Hibru 11:4

A loʼ bəghəm i fə̀ŋ zən Ebel â khənə, zə â ghəŋənə nə̀ tə fəələ maʼlə wən u dzɔb tsəghəshinə u Ken wə. À loʼ n bam i bəghəm i fə̀ŋ i wi, Zə̀ kə â neynə wi nə̀ tə loʼ wù wən tə loʼnə tsətsəghə n təŋkey, Zə̀ kə n wû u wi wə â ney maʼlə wey tə â fəələnə nə̀ a loʼ maʼlə u dzuŋu wə. Nghee i buʼ loʼ kə nə̀ Ebel mâ kpu, saa nam zoʼlənu ghəə ghə na n wɔ wi kuum bəghəm i fə̀ŋ i wi n kow Zə̀ kə.

Hibru 12:24

Ghaa n bə n səə Yeso wən tə bayyənə nkaa n fəghə mə nsə n səə kaŋ tə wi tən tə â fəələnə ni sow maʼa ibəb i dzɔb tsəghəshi kaŋ tə Ebel tey tə loʼnə ni dey təngəmə.

1 Pita 4:4

Dzuu i nya zum ghə̂ ghən ghə khə way Zə̀ kə nghee ghaa kəm təmə dzəŋi way ghə n dzəə dzəə kə imuu key ghə muunə ghii kə, à wey loʼ ghə i tii zə ghə kpaalə kaabə tsənə ghaa.

1 Jɔn 3:8

Wù wey tə ghəŋŋə nduŋŋə ndow kənə ghəə a bəbə ghə, loʼ waa avəətsəə, n təŋkey, vəətsəə a ghəŋŋə tənnə tsə kə ghəə a bəbə ghə ni ney nuu bə n nəŋə zey Zə̀ kə â bɔmnə mbi. Zuŋ key Waa Kəzə̀ â bənə tii, â loʼ ni bə ləŋi maʼa tən fwaʼ kə avəətsəə.

Màʼlə kə Jud tə̀ ghə̂ a Kəzə̀ ghə 1:11

Ngoʼ loʼ tə ghə! Ghə n ney jìi zey Ken â neynə nghee tə â weynə waazə ə wi. Nghee ghə kəŋə ndownə mbənə nə ukhəə, ghə a zə ə ghəŋŋə kaabə tsənə ghəə ghə tə Balam â zə ghəŋə soʼonə. Ghə taw n tow kə tə Kora â tawnə n tow kə, sey, Zə̀ kə n ləŋi maʼa ghə tə kə â ləŋi maʼanə Kora bòʼ tow kə wi kə taw kə.

Chi dii 17:6

Mə n koʼ ndow nə̀ weyzən wey mə̂ khəə kaŋ tə ghə̂ a Kəzə̀ a zow ghə, nsə kaŋ tə ghə̂ ghən ghə â weynə ghə boʼnə ghə bəghəm tə̀ Yeso. Dzuu zə n ngii zum mə nghee n koʼ ndow wi.