1 Jɔn 2:8 - Kaa n Kəzə̀ n fəghə mə

⁸ Jìi zən Klisto a muunə tii nsə jii zən ghaa muunə tii, i ndzəmə dii bə nə laŋ kən kuum loʼ kə fəghə kə, n təŋkey, ləm kə nya tsəghə daŋŋə ndownu, daa kən kə ndzəm loʼnə daa kə u bəghənə.

1 Jɔn 2:8 Mawu Ofanana

Matyo 4:16

Ghə̂ ghey ghə â muunə nə kələm, N koʼ daa kə səŋi kə. Tsuʼ wə n na zow n kow ghə̂ ghey ghə â loʼnə nə kələm, ləmmə kə ivə.”

Lukas 1:79

Zə i ney bə luʼu tə zow tə tə̀ ghə̂ ghey ghə loʼnə nə kələm, nsə ghə̂ ghey ghə loʼnə tə̀ ghə nya sòʼo ivə. Zə i dii bə jii i dzuŋu zey i fuunə buulə zə tə saa.”

Tùm i dzuŋu zə kuum Yeso Klisto tə Jɔn â tɔɔnə 1:9

Wù wən tə loʼnə ndzəm ndzəm k-a-daa kə, loʼ tə wən tə bəghənə, bàŋa n kow ghə̂ ghə adzəm fa n mbi.

Tùm i dzuŋu zə kuum Yeso Klisto tə Jɔn â tɔɔnə 12:35

Yeso n dza ndow tə ghə nə̀, “Daa kə i nam doʼlə kəŋŋə ndownu ghi ghaa n tɔŋɔ fə inəŋə. Bwey na nya ghaa khənə daa kə, nə̀ a way sey ləm kə i bwu kwɔɔlə ghaa. Wù wey tə bwey nə kələm khə way luʼu key tə ndownə tii.

Tùm i dzuŋu zə kuum Yeso Klisto tə Jɔn â tɔɔnə 12:46

N bə fa n mbi tə̀ a loʼ kədaa, sey nə̀, wù wey tə bəghəm fuu dzə tə̀ mə, tə ka doʼo tən dzə nə kələm.

Tùm i dzuŋu zə kuum Yeso Klisto tə Jɔn â tɔɔnə 13:34

N fuu bə ghaa n laŋ kə fəghə kə, laŋ kə tii kə loʼ nə̀, ghaa i ləghə tiilə wû i ghaa zə. Ghaa khə ni ləghə tiilə wû i ghaa zə ighələ tə̀ n ləghənə ghaa.

Tùm i dzuŋu zə kuum Yeso Klisto tə Jɔn â tɔɔnə 8:12

Yeso n ghɔɔmə kpiʼi ndòw aghəə tə̀ nɔɔ kə aghə̂ key nə̀, “N loʼ kədaa tə̀ ghə̂ a mbi ghə adzəm. Wù wey tə dzûmənə mə, î bwey koʼ way nə kələm, tə i fədlə keeli daa key kə fuunə muu zə.”

Kəfwaʼ 17:30

Zə̀ kə ka sə̂ i naŋa n ghəə a bəbə ghey ghə̂ ghə â ghəŋŋə tsənə wɔkey ghə â khə tsə way wi, a sə bə nya, tə tsəʼlə kəlaŋ nə aghə̂ adzəm nə təluʼu tədzəm nə̀ ghə kwey nuu bə fə̀ŋ tə ghə n ghəə a bəbə ghə.

Kəfwaʼ 26:18

À loʼ wɔ wə khə ni chi sə̂ a ghə, wə ney nuu shi bə ghə nə kələm, wə naŋa shi bə ghə n sə̂ a zow ghə. À loʼ soʼo wɔ wə khə ni ney nuu bə ghə n wɔ daʼa kə Satan kə, wə ney bə ghə tə Zə̀ kə. Sey nə̀, n bəghəm i fə̀ŋ zən ghə khənə n kow mə, Zə̀ kə i neyzəə bəb i ghə, ghə ney kɔʼ bənə kə ghə n fəŋŋə kə ghə̂ ghey Zə̀ kə sày naŋanə.’”

Roma 13:12

À nya loʼ kə tə a loʼ ləm ləm kə utsuʼ, fəkəmə kə sa, tsuʼ wə i zow may nyi bə. Sey, saa buu naŋa ndow ni ghəŋŋə ghəə a bəbə ghey ghə̂ a ghəŋŋənə nə kələm, saa i ghəŋŋə ndow kə ghəə ghey ghə̂ a ghəŋŋənə n tsə tə. Saa bayyə kɔʼ iwû tə a loʼ wù wey tə loʼ nə̀ tə n dzəŋə keeli fə u tsam wə.

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

Efesus 5:8

Keeli tsu na nə̀ ghaa â buʼ loʼ tsə nə kələm, ghaa nya loʼ nə utsə̀ n təŋkey, ghaa loʼ nə kəfə kəmɔʼ ghi Mûkəbii. Sey, i ghəŋŋə ndow na ghəə ghey a kpiilənə tə̀ a loʼ ghə̂ ghey ghə muunə nə̀ utsə̀,

2 Timoti 1:10

Zə̀ kə â chi dii bə ghəə ghən adzəm tə saa n nəŋə zey Yeso Klisto wən tə loʼnə bəghəshi ə saa â bənə. Tə n ghəŋə və zə u kəm khə way daʼa kə n kow saa, tə u ghəŋə soʼo nə̀ saa i khə muu zə itsali zə n bam i tûm i dzuŋu zən tə diinə tə saa.

1 Pita 1:21

À loʼ n bam i Klisto i ghəŋənə nə̀ ghaa bəghəm tə̀ Zə̀ kən kə â zhəm dzəŋŋə bənə wi nə ivə, kɔʼlə naŋa kɔʼ wi idəŋ. À wey loʼ ghə i tii zə ghaa khənə bəghəm i fə̀ŋ zə, ləmmə tənə soʼo nə̀ Zə̀ kə i ghəŋə ghəə a səŋi ghə tə̀ ghaa.

1 Jɔn 3:23

Laŋ kən tə tsəʼlə bənə tə saa loʼ nə̀ saa bəghəm fuu tə waa wi Yeso Klisto nsə nə̀ saa i ləghə tiilə wû i saa zə tə Klisto dzanə tə saa.

1 Jɔn 4:11

Fə̂ ghuŋ a dzuŋu ghə, jìi zey Zə̀ kə â ngii ləghənə saa tii, à loʼ soʼo sey saa ndzəm khə ni ləghə tiillə wû i saa zə.

1 Jɔn 4:21

Laŋ kən Klisto â fuu bənə tə saa, kə loʼ nə̀, wù wey tə ləghənə Zə̀ kə, khə ni ləghə soʼo waazə.