1 Jɔn 2:7 - Kaa n Kəzə̀ n fəghə mə

⁷ Fə ghuŋ a dzuŋu ghə, a way dzə laŋ kə fəghə kə n tɔ̀ɔ bənə tə ghaa. A fəd loʼ laŋ kə wey kə ghaa â khə tsənə ni ney nuu bə n tsuʼ fey ghaa â bəghəmnə tii tə̀ Klisto. Laŋ kə wey kə tii kə loʼ tûm i dzuŋu zən ghaa â zow dzənə.

1 Jɔn 2:7 Mawu Ofanana

Matyo 5:43

Yeso n ndow n sə̂ kə ni dza nə̀, “Ghaa mâ zow nə̀ ghə â dza n laŋ kə Mushi nə̀, ‘Wə khə ni ləghə wù wey tə kuʼlə loʼnə n səə wɔ, kee baa wù təngəmə.’

Tùm i dzuŋu zə kuum Yeso Klisto tə Jɔn â tɔɔnə 13:34

N fuu bə ghaa n laŋ kə fəghə kə, laŋ kə tii kə loʼ nə̀, ghaa i ləghə tiilə wû i ghaa zə. Ghaa khə ni ləghə tiilə wû i ghaa zə ighələ tə̀ n ləghənə ghaa.

Kəfwaʼ 17:19

Ghə n ney bə Pɔl n ndaw tsə, ghə â tɔŋŋə nə̀ a loʼ Areopagus, luʼu key tsə â bə kwɔɔ tsə tii, dza tə wi nə̀, “Ghey ləghə ni keeli fə key dii i fəghə zən wə diinə loʼnə ghii kə.

Hibru 6:9

Nghee tə̀ ghey buʼu ghɔɔmə kə n jii zən sa tə̀ ghaa ma waazə ghuŋ a dzuŋu ghə, ghey khə tənnu nə̀ buulə i dzuŋu i bəghənu tə̀ ghaa, ghəə ghən ghə i ney bənə bəghəshi zə tə̀ ghaa.

1 Jɔn 2:24

Sey, ghaa i tɔʼɔ naŋŋə tûm zən ghaa â zownə n nəŋə zey ghaa â bəghəmnə tii tə̀ Zə̀ kə. Abə ghaa naŋŋə dzɔbənə tûm tii n fə̀ŋ tə ghaa, ghaa i loʼ tən tsə kə nə kəfə kəmɔʼ ghi Waa nsə Bày.

1 Jɔn 3:11

Tûm zey ghaa â zow bənə n nəŋə zey ghaa â bəghəmnə tii tə̀ Klisto â loʼ nə̀ saa khə ni ləghə tiilə wû i saa zə.

1 Jɔn 3:2

Fə̂ ghuŋ a dzuŋu ghə, nyisa wən saa loʼnə waa a Kəzə̀ ghə, saa kam khə way fə key saa i bə doʼlənə ghii kə. Saa kee khə kə nə abə Klisto i bənə, saa i bɔɔmə doʼlə kə tə a loʼ wi, n təŋkey, saa i koʼo ndow kə wi nghee tə bɔɔmə loʼnə tii.

1 Jɔn 3:21

Fə̂ ghuŋ a dzuŋu ghə, abə fə̀ŋ tə saa tə ka dii nə̀ saa n ghəŋə bəəbə, saa n khə fə̀ŋ ni bə n sə̂ K-a-zə̀ nə̀ saa tsəŋə way.

1 Jɔn 3:23

Laŋ kən tə tsəʼlə bənə tə saa loʼ nə̀ saa bəghəm fuu tə waa wi Yeso Klisto nsə nə̀ saa i ləghə tiilə wû i saa zə tə Klisto dzanə tə saa.

1 Jɔn 4:1

Fə̂ ghuŋ a dzuŋu ghə, i kə ghaa nə tsəmə bəghəm fuunə tə̀ ghə̂ ghən ghə dza bənə tə ghaa nə̀ ghə ghɔɔmə n daʼa kə Zay kə Zow kə. Ghaa i mɔm koʼo tsu dzə isə nə̀ zay kə tii kə nuu bə n wɔ Zə̀ kə, boʼnə tûm tə Kəzə̀ tə tsɔŋɔ tə kəmənu fa n mbi.

1 Jɔn 4:11

Fə̂ ghuŋ a dzuŋu ghə, jìi zey Zə̀ kə â ngii ləghənə saa tii, à loʼ soʼo sey saa ndzəm khə ni ləghə tiillə wû i saa zə.

1 Jɔn 4:21

Laŋ kən Klisto â fuu bənə tə saa, kə loʼ nə̀, wù wey tə ləghənə Zə̀ kə, khə ni ləghə soʼo waazə.

1 Jɔn 4:7

Fə̂ ghuŋ a dzuŋu ghə, saa ndow kə n sə kə ni ləghə tiilə wû zə, boʼnə ləghə i nuu bə n wɔ Zə̀ kə. Wù wən tə khə ləghə zə loʼ waa Kəzə̀, tə u khə soʼo nə Zə̀ kə.