1 Jɔn 2:6 - Kaa n Kəzə̀ n fəghə mə

⁶ wù wey tə dzanə nə̀ tə loʼ nə kəfə kəmɔʼ ghi Zə̀ kə, tə khə ni muu ighələ tə Yeso Klisto â muunə.

1 Jɔn 2:6 Mawu Ofanana

Matyo 11:29

Ney kɔʼ na fwaʼ kuŋ kə n wû i ghaa zə, ghaa zoʼlə tsu aghəə n wɔ mə̀, n təŋkey, n loʼ zəələ kə wù, khə soʼo fə̀ŋ i dzuŋu zə, ghaa i keeli izayyə.

Tùm i dzuŋu zə kuum Yeso Klisto tə Jɔn â tɔɔnə 13:15

Fwaʼ kən n fwaʼnə n kow ghaa, n sey moʼ dii bə fwaʼ key ghaa khə ni fwaʼa ghii kə.

Tùm i dzuŋu zə kuum Yeso Klisto tə Jɔn â tɔɔnə 15:10

Abə ghaa naŋŋə laŋ wuŋ wə, mə i ləghə ghaa, ighələ tə̀ n naŋŋənə laŋ u Bày wuŋ wə, tə u ləghənə mə.

1 Kɔrint 11:1

Ney na ghow kə ibwey kuŋ kə nghee tə n neynə ghow kə ibwey kə Klisto kə.

Efesus 5:2

Ghaa khə ni khə ləghə zə n wû i ghaa, ighələ tə̀ Klisto â ləghənə saa, tə n fuu nuu ndow muu i wi ni kpu n tow u saa. Tə n fəələ ndow wû u wi tə a loʼ maʼlə u ləmmə dzɔbə wə tə̀ Zə̀ kə.

1 Pita 2:21

À wən loʼ ghəə zey Zə̀ kə â tɔŋɔnə ghaa tii n təŋkey, Klisto n wû u wi wə mâ fəghə soʼo n tow u ghaa, dii naŋa tsu ghaa n jìi zey ghaa khə ni ghəŋŋə ghəə ghə tii, sey nə̀ ghaa loʼ ni ney ghow kə ibwey kə wi.

1 Jɔn 2:28

Sey, ghaa ghən ghaa loʼnə waa ghuŋ ghə, ghaa doʼo tsu kə nə kəfə kəmɔʼ ghi Klisto, sey nə̀ abə tə i bə dzəŋŋə nə̀, saa i khə fə̀ŋ ni təmi n sə kə wi nə saa ka nyi doʼo bòʼ tow kə dədlə kə.

1 Jɔn 2:4

Wù wən tə dzanə, “N khənu wi.” Kee fədlə ghəŋŋə way ghəə ghey tə dzanə, tə sey loʼ wù badla wə aghəə wə, isəŋə i loʼ zə u way soʼo n kow wù tii.

1 Jɔn 3:24

Ghə̂ ghey ghə naŋŋənə laŋ K-a-zə̀ kə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə. À loʼ Zay kə Zow kə, kə ghəŋənə nə̀ saa keeli nə̀ Zə̀ kə muu n kow saa.

1 Jɔn 3:6

Sey, wù wən loʼnə nə kəfə kəmɔʼ ghi Klisto, tə khə way ndow n sə kə ni ghəŋŋə ghəə a bəbə ghə. Wù wən tə kee ndow kə n sə kə ni ghəŋŋə ghəə a bəbə ghə, tə sey khə way wi, khə soʼo way wù wey tə loʼnə ghii wə.

1 Jɔn 4:17

A wey loʼ ghə i tii zə saa khə ni ngii khə ləghə zə n fəŋŋə kə saa, sey nə̀ saa i khə way tsəŋ i loʼ zə n tsuʼ fey Zə̀ kə i saʼanə mbi tii. Saa i tsəŋ way ghə i loʼ zə n təŋkey muu i saa i loʼ tə a loʼ muu i Yeso fa n mbi.