1 Jɔn 2:3 - Kaa n Kəzə̀ n fəghə mə

³ Abə saa naŋŋənə laŋ u Kəzə̀ wə, i sey dii nə̀ saa kuum khənu wi.

1 Jɔn 2:3 Mawu Ofanana

Lukas 6:46

A loʼ kee ghaa tɔŋɔnə mə nə ‘Mûkəbii’, ‘Mûkəbii’, nə a loʼ sey ghaa ghəŋə way ghəə ghey n dzanə.

Tùm i dzuŋu zə kuum Yeso Klisto tə Jɔn â tɔɔnə 14:15

Yeso n nam dza ndow tə̀ ngəd tə wi tə nə̀, “Abə ghaa ləghənə mə, ghaa khə ni naŋŋə laŋ wuŋ wə.

Tùm i dzuŋu zə kuum Yeso Klisto tə Jɔn â tɔɔnə 15:10

Abə ghaa naŋŋə laŋ wuŋ wə, mə i ləghə ghaa, ighələ tə̀ n naŋŋənə laŋ u Bày wuŋ wə, tə u ləghənə mə.

Tùm i dzuŋu zə kuum Yeso Klisto tə Jɔn â tɔɔnə 15:14

Ghaa loʼ fə̂ ghuŋ abə ghaa bɔɔmə ghəŋŋə ndownə ghəə ghey n dza bənə tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 17:3

Muu zə itsali zən loʼ tə̀ ghə ni khə wɔ, nə̀ a may kə wɔ wə ndzəm loʼnə Zə̀ kə, nsə ni keeli soʼo Yeso Klisto wən wə â tûm bənə fa n mbi.

2 Kɔrint 4:6

À loʼ Kəzə̀ tə â dza tsu nə̀, “Tsə u bàŋ shi bə nə kələm”, à loʼ wi tə ghəŋənə nə̀ tsə u bàŋ n fə̀ŋ tə ghey sey nə̀ ghey koʼ kɔʼlə n Kəzə̀ mən n baŋanə n tûm usə u Klisto.

Hibru 5:9

Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

1 Jɔn 2:13

N tɔ̀ɔ bə tə ghaa ghə bày, tənkey, ghaa n doʼo ghə̂ ghey ghə loʼ nə̀ ghə n keeli Yeso Klisto wən tə â loʼnə tə mbi ni kaʼ. N tɔ̀ɔ bə tə ghaa fəghaŋ, n təŋkey ghaa n təm zə̂ wù təngəmə ghaa tɔŋɔ Satan.

1 Jɔn 3:14

Saa khənu nə̀ və i kəm khə way daʼa kə n kow saa, saa nya khə muu zən i may way, n təŋkey, saa ləghə tiilə waazə a saa. Wù wey tə khə way ləghə zə, və i sey nam khənu daʼa kə n kow wi.

1 Jɔn 3:19

Ghəə ghey saa ghəŋŋənə dii bənu nə̀ ghəə ghey saa dzanə loʼ isəŋə, sey, saa i loʼ ni bə n sə K-a-zə̀ nə̀ saa khə way tsəŋ zə n fə̀ŋ.

1 Jɔn 3:6

Sey, wù wən loʼnə nə kəfə kəmɔʼ ghi Klisto, tə khə way ndow n sə kə ni ghəŋŋə ghəə a bəbə ghə. Wù wən tə kee ndow kə n sə kə ni ghəŋŋə ghəə a bəbə ghə, tə sey khə way wi, khə soʼo way wù wey tə loʼnə ghii wə.

1 Jɔn 4:13

Zə̀ kə n fuu saa n Zay kə wi kə ni dii bə nə̀ saa loʼ nə kəfə kəmɔʼ ghi wi, tə u loʼ soʼo nə kəfə kəmɔʼ ghi saa.

1 Jɔn 4:7

Fə̂ ghuŋ a dzuŋu ghə, saa ndow kə n sə kə ni ləghə tiilə wû zə, boʼnə ləghə i nuu bə n wɔ Zə̀ kə. Wù wən tə khə ləghə zə loʼ waa Kəzə̀, tə u khə soʼo nə Zə̀ kə.

1 Jɔn 5:19

Ghey khənu nə̀ ghey loʼ waa a Kəzə̀, ghey khə soʼonu nə̀ mbi idzəm loʼ n tənə wù təngəmə ə Klisto tɔŋɔ Satan.

1 Jɔn 5:2

Jìi zey saa keelinə tii nə saa ləghənu waa a Kəzə̀ ghə, loʼ ni ləghə Zə̀ kə, naŋŋə soʼo laŋ u wi.

1 Jɔn 5:3

Ni ndzəmə ləghə Zə̀ kə, loʼ ni naŋŋə laŋ u wi wə. Laŋ u tii wə a loʼ nə u taw way ni naŋa.

Chi dii 12:17

Sey ngəm zey n fəələ nay ndow unəghə ghi weyzən wey, nuu ndow ni ndow ballə ghi waa a waa a wi ghən ghə doʼo səənə, ghə̂ ghey adzəm ghə naŋŋənə laŋ u Kəzə̀ wə, nsə ghə̂ ghey ghə gaʼnə fə̀ŋ nə isəŋə zən Yeso â chi dii bənə.

Chi dii 14:12

Ghəə ghən dii tsu nə̀ ghə̂ a Kəzə̀ a khə ni kow tsu fə̀ŋ, tɔŋŋə ghə̂ ghən ghə naŋŋə laŋ u Kəzə̀ bəghəm tən soʼo tə̀ Yeso.

Chi dii 22:14

Zə̀ kə i buulə ghə̂ ghey ghə sow ndzə̂ tə ghə tə nə̀ tə i zow, ghə i khə daʼa kə ni zə tam wən u məə n kaʼ fey fə fuu muu zə nsə ni tsəghə nyi n fuʼ u mbàa u naʼ tii zə.