1 Jɔn 2:24 - Kaa n Kəzə̀ n fəghə mə

²⁴ Sey, ghaa i tɔʼɔ naŋŋə tûm zən ghaa â zownə n nəŋə zey ghaa â bəghəmnə tii tə̀ Zə̀ kə. Abə ghaa naŋŋə dzɔbənə tûm tii n fə̀ŋ tə ghaa, ghaa i loʼ tən tsə kə nə kəfə kəmɔʼ ghi Waa nsə Bày.

1 Jɔn 2:24 Mawu Ofanana

Lukas 1:2

Ghə â bɔɔmə tɔ̀ɔ ghəə ghey ghə â zownə, tə̀ nghee ghə̂ ghey ghə â koʼnə ghəə a tii ghə nə nzeyyə â naʼlənə.

Lukas 9:44

“Kə ghaa nə neyzəənə ghəə zən n ndza n dza bə tə̀ ghaa nya, ghə nə ney tsəʼlə ndòw Waa wù sɔŋtsuʼ n wɔɔ kə ghə̂ a bwû ghə.”

Tùm i dzuŋu zə kuum Yeso Klisto tə Jɔn â tɔɔnə 14:23

Yeso n beeli ndow wi nə̀, “Abə wù ləghənə mə, tə khə ni naŋŋə ghɔɔmə zuŋ zə, Bày wuŋ i ləghə soʼo wi, mə ghi Bày wuŋ i bə muu dzəŋi bə ghi wi.

Tùm i dzuŋu zə kuum Yeso Klisto tə Jɔn â tɔɔnə 15:7

Abə saa loʼnə nə kəfə kəmɔʼ ghi mə, ghaa a khə soʼonə ghɔɔmə zuŋ zə n fə̀ŋ tə ghaa, ghaa loʼ ni nɔɔ fə key ghaa ləghənə ni keeli, Zə̀ kə i fu tə ghaa.

Tùm i dzuŋu zə kuum Yeso Klisto tə Jɔn â tɔɔnə 6:56

Ghə̂ ghey ghə fə̂nə wû wuŋ wə, mə̂ soʼo kaŋ tuŋ tən n fəələnə, ghə i muu ghi mə, mə i muu soʼo ghi ghə.

Tùm i dzuŋu zə kuum Yeso Klisto tə Jɔn â tɔɔnə 8:25

Ghə n bəb ndòw tə̀ wi nə̀, “Wə baa loʼ ndee?” Yeso n dza, “N loʼ wù wey n mə buʼ dza dzənə tə̀ ghaa nə̀ n loʼ wi.

Filipi 4:15

Ghaa ghə̂ a Filipi ghə, ghaa ndzəm khənu nə̀ n nəŋə zey ghaa â kaʼ tsu ghɔɔmə i Kəzə̀ zən nə̀ n nuu bə n naʼ i Masedonya, Ndaw Kəzə̀ i loʼ i way dzə zə â gaamənə mə tsəghəshi ghaa fa n Filipi.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

Hibru 2:1

À wey loʼ ghə i tii zə saa khə ni tɔʼ ney ighə̂mə n ghəə ghən saa zownə. Sey nə̀, kə ghə i loʼ i nə sìi dzəŋŋənə saa.

Hibru 3:14

Abə saa təmi taw tsunə n bəghəm i fə̀ŋ zən saa â keelinə nə nzeyyə ni ndow kuum ndow, saa i keeli soʼo fə wey Klisto khənə.

1 Jɔn 1:3

À loʼ ghə i zən ghey â ndzəm koʼnə, sə i zow, ghey naʼlə bənə tə ghaa. Sey nə̀ ghaa i təmdzəŋi ghey ni keeli muu zən ghey khənə ghi Bày, tɔŋŋə Kəzə̀ ghi waa wi Yeso Klisto.

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

1 Jɔn 2:7

Fə ghuŋ a dzuŋu ghə, a way dzə laŋ kə fəghə kə n tɔ̀ɔ bənə tə ghaa. A fəd loʼ laŋ kə wey kə ghaa â khə tsənə ni ney nuu bə n tsuʼ fey ghaa â bəghəmnə tii tə̀ Klisto. Laŋ kə wey kə tii kə loʼ tûm i dzuŋu zən ghaa â zow dzənə.

1 Jɔn 3:24

Ghə̂ ghey ghə naŋŋənə laŋ K-a-zə̀ kə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə. À loʼ Zay kə Zow kə, kə ghəŋənə nə̀ saa keeli nə̀ Zə̀ kə muu n kow saa.

1 Jɔn 4:13

Zə̀ kə n fuu saa n Zay kə wi kə ni dii bə nə̀ saa loʼ nə kəfə kəmɔʼ ghi wi, tə u loʼ soʼo nə kəfə kəmɔʼ ghi saa.

1 Jɔn 4:15

Abə wù dza nə̀ Yeso loʼ Waa Kəzə̀, tə sey muu nə kəfə kəmɔʼ ghi Zə̀ kə, Zə̀ kə a muu soʼo nə kəfə kəmɔʼ ghi wi.

1 Jɔn 4:16

Wû i saa, saa khənu, saa a bəghəm fuu ndow soʼonə n ləghə zən Zə̀ kə khənə n kôw saa. Ləghə i nuu bə n wɔ Zə̀ kə, sey nə̀ ghə̂ ghey ghə muunə nə iləghə, ghə muu nə kəfə kəmɔʼ ghi Zə̀ kə, Zə̀ kə a muu soʼonə nə kəfə kəmɔʼ ghi ghə.

2 Jɔn 1:2

N ləghə wi təŋkey, isəŋə loʼ ghi ghey, zə i doʼlə soʼo ghi ghey nə tənəŋə tədzəm.

2 Jɔn 1:9

Wù wən tə ndow kə n sə kə, nə tə bɔɔmə bwey ndow way tə Klisto diinə, wù tii way dzə nə kəfə kəmɔʼ ghi Zə̀ kə. Wù wey tə dzûmənə dii i Klisto zə, tə loʼ nə kəfə kəmɔʼ ghi Bày nsə Waa.

3 Jɔn 1:3

N ngii khə iduʼlə nghee ghə̂ a Kəzə̀ a loʼ ghə â bə dza bənə tə̀ mə nə̀, wə bɔɔmə muu kə nə isəŋə zən i loʼnə bòʼ Kəzə̀. Mə n ndzəm khə nə̀ wə muu nə isəŋə zey.

Chi dii 3:11

Mə i kuʼlə bəghənu. Tɔʼɔ kwu keeli dzɔb tsu fə̂ key wə khənə, kə wù loʼ i bəkeeli naamə kə.

Chi dii 3:3

Moʼlə tsu ghəə zey ghə â diinə ghaa tii nsə ghəə ghey ghaa â zownə. Ghaa i dzûmə ndow ghəə a tii ghə, ghaa kweyyə nuu bə soʼo fə̀ŋ tə ghaa n ghəə a bəbə ghey ghaa ghəŋŋənə. Abə ghaa ka zhəm nuu kɔʼ, mə i bə n kow ghaa tə a loʼ wù tsɔŋɔ, ghaa i keeli soʼo way nəŋə zey mə i bəghənə tii.