1 Jɔn 2:2 - Kaa n Kəzə̀ n fəghə mə

² À loʼ wi Zə̀ kə â fuunə tə̀ a loʼ umaʼlə nə tə kpu n tow u saa ni sow maʼa bəb i saa. Tə â kad sow maʼa kə bəb i saa zə, tə â sow maʼa soʼo bəb i ghə̂ adzəm fa n mbi.

1 Jɔn 2:2 Mawu Ofanana

Lukas 14:22

Ghab kə n ka shi, wù kəfwaʼ wey n dzəŋŋə bə, dza tə̀ mûkəbii nə̀, ‘Mûkəbii, mə n fwaʼ ghəə, ghey wə mə dza nə̀, a kee loʼ kə nə̀, buʼ kə nam loʼnu n ndaw.’

Tùm i dzuŋu zə kuum Yeso Klisto tə Jɔn â tɔɔnə 1:29

Tsətsə wey, Jɔn n koʼ ndòw Yeso tə bəghənə n səə wi, tə n dza, “Koʼo na! À wən loʼ Waa njì ə Kəzə̀, tə ney nuulənə bəb i ghə̂ a mbi zə.

Tùm i dzuŋu zə kuum Yeso Klisto tə Jɔn â tɔɔnə 12:32

Abə ghə̂ ghə i ney nuu kɔʼnə mə fa aghəd, kɔʼlə naŋa kɔʼ mə n zat kə fəkaʼ, mə i zuŋŋə bə aghə̂ adzəm n tənə mə.”

Tùm i dzuŋu zə kuum Yeso Klisto tə Jɔn â tɔɔnə 4:42

Ghə n dza tə̀ weyzən wey nə̀, “Ghey ka maŋ bəghəm dzə bòʼ ghɔɔmə zə, ghey bəghəm n təŋkey, ghey n baa zow ghɔɔmə i wi zə n wû i ghey zə, ghey u koʼ tsu soʼonə nə̀ wù wən ndzəm loʼ bəghəshi ə mbi.”

Hibru 2:17

À wən loʼ ghə i tii zə Zə̀ kə a khə ni ghəŋə tsu nə̀ tə doʼo bə tə̀ a loʼ saa waazə a wi nə təjìi tədzəm sey nə̀, tə loʼ ni doʼo bə fɔɔngili u nii nii wə. Tə wən ghə loʼ ni gaʼ fə̀ŋ n kow wi, tə khə soʼonə sî i kwɔɔlə zə. Sey nə̀ tə loʼ ni ney fuu ndow wû u wi tə̀ a loʼ umaʼlə ni sow maʼa ghəə a bəbə ghən ghə̂ a ghəŋŋənə.

1 Pita 2:24

Yeso n wû u wi wə mâ boʼo bəb i saa zə n zat kə fəkaʼ, sey nə̀, saa i way ni kəm ghəŋə ghəə a bəbə ghey saa khənə zày ni ghəŋŋə, saa i muu muu zey i loʼnə tsətsəghə. A loʼ fəŋ ghən tə â keelinə, a baŋŋənə ghaa.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Jɔn 1:7

Abə saa bweynə nə kədaa nghee tə Zə̀ kə loʼ nə daa kə, saa sey zəə dzəŋi nə kəfə kəmɔʼ. Sey, maʼlə wən Yeso, waa Kəzə̀ a fəələnə n kaŋ tə wi, tə i sow zowwə naŋŋə kɔʼɔnu saa n ghəə a saa a bəbə ghə adzəm.

1 Jɔn 3:5

Ghaa khənu nə Klisto a bə fa n mbi ni bə ney nuu ghəə a bəbə ghə, loʼ sey nə̀ tə ka kam ghəŋə koʼ tsə ghə i bəbə i loʼ zə.

1 Jɔn 4:10

Ndzəm ndzəm kə iləghə kə way dzə nə̀ saa â ləghə ndow Kəzə̀, a fəd loʼ wi tə ləghə bənə saa isə, tûm bə waa wi tə a loʼ umaʼlə nə̀ tə bə ney nuu ghəə a saa a bəbə ghə.

1 Jɔn 4:14

Saa n koʼ, tiilə dza soʼo nə Bày a tûm bə waa wi nə̀ tə bə bəghəshi ghə̂ a mbi.

1 Jɔn 5:19

Ghey khənu nə̀ ghey loʼ waa a Kəzə̀, ghey khə soʼonu nə̀ mbi idzəm loʼ n tənə wù təngəmə ə Klisto tɔŋɔ Satan.

Chi dii 12:9

Ghə n tən maʼa shi tsu ndow faŋkwu kə ngəm key. À wən loʼ zuu i wey wey zən zə â loʼnə nə nzeyyə, ghə tɔŋŋə nə̀ à loʼ Avəətsəə nkee Satan. À loʼ wi tə â sii ndzəŋnə mbi idzəm. Ghə n tən maʼa shi tsu bə wi fa a ghəlitsə, tən maʼa tsu bə soʼo tsətəndəghə tə wi ghi wi.