1 Jɔn 2:19 - Kaa n Kəzə̀ n fəghə mə

¹⁹ Ghə̂ a təngəmə ghən â way dzəŋi dzə nə kəfə kəmɔʼ ghi saa. À wey loʼ ghə i tii zə ghə â nuu shinə n fəŋŋə kə saa. Abə zə â loʼnə nə̀ ghə â loʼ dzəŋi nə kəfə kəmɔʼ ghi saa, ghə â doʼo dzəŋi bə ghi saa, ghə a ka nuu dzə. Nghee ghə â fəd nuu shinə, i dii bə n mgbaŋ nə̀ wù ghə umɔʼ â way koʼ tsə ghi saa.

1 Jɔn 2:19 Mawu Ofanana

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Malakus 13:22

N təŋkey ghə̂ a tsɔŋɔ ghə i bəghənu n zəd i wù wey Zə̀ kə â dza naŋa nə̀ i tûm bənu nsə tûm tə Kəzə̀ tə tsɔŋɔ tə, ghə nə dii tsəə tə tsɔŋɔ tə nsə faalə n tsɔŋɔ mə ni sìi laʼ aghə̂ nsə ni buʼ sìi laʼ daŋŋə soʼo ghə̂ ghey Zə̀ kə sày naŋanə abə ghə khənə jìi tii.

Lukas 8:13

Tə tey tə â tsɔʼlənə n luʼu kə atay, à lòʼ ghə̂ ghey ghə zownə ghɔɔmə i Kəzə̀ zə, ney naŋa nə iduʼlə, zə n ka nyi təmi dzə n fə̀ŋ tə ghə, ghə bəghəm kɔʼɔ kə n tɔŋɔ fə inəŋə, ambə mɔɔmə koʼ i bənə, ghə n bwùlə doʼo i ndòw.

Tùm i dzuŋu zə kuum Yeso Klisto tə Jɔn â tɔɔnə 15:2

Abə kpìi kə loʼ kə məə way tam wə, tə n khəə maʼa i tsu, u wey u məənə tam wə, tə n faalə kad naŋa kɔʼ nə̀ wə i ngii məə tsu.

Tùm i dzuŋu zə kuum Yeso Klisto tə Jɔn â tɔɔnə 4:14

Wù wey tə kee mə̂nə mmuu mey n fuunə tə̀ ghə, fə̀ŋ ə mmuu nə kəm zuʼlə koʼ way wi. N kuum dza bə tə̀ wɔ nə̀ mmuu mey mə i fuunə tə wi, mə i fəd doʼo tə̀ a loʼ sə̂ i dzuu zən i kuŋunə n kow ghə, fuu ghə n muu zə itsali zə.”

Kəfwaʼ 15:24

Ghey n zow nə̀ ghə̂ a loʼ ghə â shi kɔʼ fa n fəŋŋə kə ghey bə fuu ghaa n chɔd wə, fwɔd soʼo tɔb u ghaa nə̀ ghaa khə ni səghə utyi. Ghey dza i dza bə tə ghaa nə̀, â ka tûm dzə ghey ghə.

Kəfwaʼ 20:30

Ghə̂ a loʼ ghə i buʼu shiə kɔʼɔ soʼonu n fəŋŋə kə ghaa ghə i badla bə ghəə ghə, ni sìi laʼ dzûmə tə Klisto ghi ghə.

Roma 9:6

N dza dzə way nə̀ təb kən Zə̀ kə â təb naŋanə, kə ka ney dzə bənə kə. N dza sey n təŋkey, à way dzə ghə̂ ghey adzəm ghə jinə ghə n naʼ zə Izree ghə ndzəm loʼnə ghə̂ a Kəzə̀ ghə.

1 Kɔrint 11:19

À loʼ kənu ghə i dzuŋu zə nə̀ ghaa khənu ni dzawwə doʼo n wû i ghaa, sey nə̀, ghə loʼ ni tɔʼɔ koʼo keeli bə ghə̂ ghey ghə ndzəm loʼnə dzûmə tə Klisto tə.

2 Timoti 2:10

À wey loʼ i ghii n kownə fə̀ŋ nə aghəə adzəm n tow u ghə̂ ghən Zə̀ kə sàynə ghə, sey nə̀, ghə loʼ ni keeli soʼo ibəghəshi n bam i Yeso Klisto, ghə keeli soʼo kɔʼlə mən n nə may way.

2 Timoti 2:19

Ghə i dzuŋu i loʼ nə tsə kə ndaw key à səd kɔʼ bənə Zə̀ kə, fə kə loʼ kə way ni soʼlə, ghə a tɔ̀ɔ naŋa tsu tii nə̀, “Mûkəbii khənu ghə̂ ghey ghə loʼnə a wi ghə”, Nsə nə̀, “Ghə̂ ghey adzəm ghə dzanə nə̀ ghə loʼ n tənə zəd i Mûkəbii, Ghə khə ni tyi zəghə maʼa ghəə a bəbə ghə.”

2 Timoti 3:9

À kee loʼ nə̀ ghə nə ghəŋə tsuŋŋə way ghəə ghən n təŋkey, aghə̂ adzəm i koʼo keelinu laʼlə i ghə zə, ighələ tə zə â shinə tə Janis ghi Jambris.

Hibru 10:39

I loʼ nə̀, saa way dzəŋi n ndzoʼo ghə̂ ghən ghə bwu khə̂mmə tsunə, Zə̀ kə u ləŋi maʼa tsunə ghə. Saa fəd loʼ ghə̂ ghey ghə khənə bəghəm i fə̀ŋ zə n kow Zə̀ kə, kə i bəghəshiənu saa.

2 Jɔn 1:7

Ndəm aghə̂ n shi ndow n mbi ni nəb kaabə tsə aghə̂ nə̀, Yeso â ka bə dzə n wû u wù sɔŋtsuʼ. Ndzoʼo wù wən loʼ wù nəbə wə aghə̂ wə, loʼ soʼo wù təngəmə ə Klisto.

Màʼlə kə Jud tə̀ ghə̂ a Kəzə̀ ghə 1:1

À màʼlə kən tɔ̀ɔ bə mə Jud wən n loʼ waazə Jems nsə wù kəfwaʼ a Yeso Klisto. N màʼlə kən tɔ̀ɔ bə tə̀ ghə̂ ghən adzəm, Zə̀ kən kə loʼnə Bày saa ləghənə, sày naŋa nə̀ ghə doʼo n tənə Yeso Klisto.

Màʼlə kə Jud tə̀ ghə̂ a Kəzə̀ ghə 1:19

À wən loʼ ghə̂ ghey ghə ghəŋŋənə nə̀ ghə̂ ghə i dzawwə doʼlə kaabə tsə. Ndzoʼo ghə̂ ghən naŋa tən kə fə̀ŋ tə ghə n fə u mbi, Zay K-a-zə̀ kə a way soʼo n kow ghə.