1 Jɔn 2:18 - Kaa n Kəzə̀ n fəghə mə

¹⁸ Waa ghuŋ a dzuŋu ghə, a wən loʼ nəŋə zən mbi may bə nə tii. Ghaa n zow nə̀ wù təngəmə ə Klisto bəghənu. Nyisa wən, ndəmə ghə̂ a təngəmə a Klisto ghə n baa bə. À wən loʼ jìi zey saa i keelinə tii nə nəŋə zey mbi i maynə zə n kpi.

1 Jɔn 2:18 Mawu Ofanana

Matyo 24:11

Ndəmə tûm tə Kəzə̀ tə tsɔŋɔ tə nə̂ kɔʼɔ bə, ghə nə̂ sìi laʼ ndəmə aghə̂.

Matyo 24:24

Kùmnə Klisto tə tsɔŋɔ tə nsə tûm tə Kəzə̀ tə tsɔŋɔ tə î shiə kɔʼɔ bənu, ghə i dii tsə̀ə tə nii tə, ghə nə ghəŋŋə ghəə a faalə ghə nə̀ bə jìi loʼnə, ghə sii laʼ ghə̂ ghey Zə̀ kə loʼ nə̀ kə n sày.

Matyo 24:5

Ndəmə aghə̂ ghə i bəghənu, ghə ney zəd zuŋ, ghə i dza tə̀ ghə̂ ghə nə̀, ‘À loʼ mə̀ wù wey Zə̀ kə â dza naŋa nə̀ i tûm bənu’, sey, ghə i sìi laʼ ndəmə aghə̂.

Malakus 13:6

Boʼnə, abə nəŋə i tii zə î kpii bənə, ndəmə tə aghə̂ tə i bə n zəd zuŋ, ghə i dza bə nə̀, ‘À loʼ mə wù wən tə â khə ni bə!’ Sey ghə i sìi laʼ ndəmə aghə̂.

Tùm i dzuŋu zə kuum Yeso Klisto tə Jɔn â tɔɔnə 21:5

Yeso n bəb tə̀ ghə nə̀, “Fə̂ ghuŋ ghə, ghaa khənu tsəghə tə loʼ tə fey ə?” Ghə n beeli ndow wi nə̀, “Ngaŋ!”

Roma 13:11

Ghaa khə ni dii ndow ləghə zə n təŋkey, ghaa khənu nə̀ nəŋə zə n shɔd tə ghaa ni zhəm nuu bə nə təmbweeli. N dza sey n təŋkey, nəŋə zey Zə̀ kə i bəghəshiənə saa tii, zə n kuʼlə nya tsəghəshi n nəŋə zey saa bùʼ bəghəmnə tii tə̀ Yeso Klisto.

Roma 13:12

À nya loʼ kə tə a loʼ ləm ləm kə utsuʼ, fəkəmə kə sa, tsuʼ wə i zow may nyi bə. Sey, saa buu naŋa ndow ni ghəŋŋə ghəə a bəbə ghey ghə̂ a ghəŋŋənə nə kələm, saa i ghəŋŋə ndow kə ghəə ghey ghə̂ a ghəŋŋənə n tsə tə. Saa bayyə kɔʼ iwû tə a loʼ wù wey tə loʼ nə̀ tə n dzəŋə keeli fə u tsam wə.

Hibru 1:2

Abə nya n num tə tən, Zə̀ kə ghɔɔmə bə aghəə tə̀ saa n bam i waa wi. À loʼ waa wi wən Zə̀ kə â bɔmnə fə wə udzəm n bam i wi, à loʼ soʼo wi Zə̀ kə â sày naŋanə nə̀ à i zə̂ wi fə wə udzəm fa n mbi.

1 Pita 1:20

Zə̀ kə â sày wi nə̀ mbi ka kam doʼo zey, ghə n ney dii shi bə wi n tsuʼu mən mbi may kəŋŋə bənə tii bòʼ ghaa.

1 Pita 1:5

Nghee tə̀ ghaa bəghəmnə tə̀ Klisto, Zə̀ kə i keyyə ghaa n daʼa kə wi kən tə khənə ni ndow kuum n nəŋə zey Klisto i bəghənə. À loʼ n nəŋə i tii zə ghə i bəghəshiənə ghaa n nəŋə zey Zə̀ kə i saʼanə mbi tii.

1 Pita 4:7

Nəŋə zə n kuʼlə tə̀ fə wə udzəm ni bə may. Sey ghaa khə ni kwu keeli tsu wû i ghaa, ghaa təmi kɔʼ n fuu zə, sey nə̀, ghaa i loʼ ni tɔʼ gɔŋŋə.

2 Pita 2:1

N num tə ibam tə, tûm tə Kəzə̀ tə tsɔŋɔ tə â loʼ tsənu n fəŋŋə kə aghə̂. N jìi i mɔʼɔ zə, ghə̂ a dii a tsɔŋɔ ghə i shiə kɔʼɔnu n fəŋŋə kə ghaa. Ghə nə tsɔŋ nyi bə n fəŋŋə kə ghaa nə̀ ghaa khə way, ghə dii ghəə ghey ghə i ghəŋŋə nə̀ ghaa nyəŋ laʼ. Ghə nə tuu maʼa daŋŋə Mûkəbii wey tə kuum nuu shi bə tow u ghə wə. À wey loʼ ghə i tii zə, ghab kə i kəm shi way tə̀ Zə̀ kə ni ləŋi maʼa ghə.

2 Pita 3:3

N ləghə nə̀ ghaa zowkeeli tsu nə̀ n tsuʼu mən mbi may bənə, ghə̂ a loʼ ghə i bəghənu nə̀ ghə muu tən kə muu zey gow uwû ghə ləghənə. Ghə nə tsoʼo ghaa.

1 Jɔn 2:22

Wù wən tə badlanə ghəə ghə loʼ wù wən tə tuu maʼanə nə̀ Yeso way dzə wù wən Zə̀ kə tsuʼ naŋanə. À loʼ ndzoʼo wù tii tə loʼnə wù təngəmə ə Klisto. Tə tuu maʼa Bày nsə Waa wi.

1 Jɔn 4:1

Fə̂ ghuŋ a dzuŋu ghə, i kə ghaa nə tsəmə bəghəm fuunə tə̀ ghə̂ ghən ghə dza bənə tə ghaa nə̀ ghə ghɔɔmə n daʼa kə Zay kə Zow kə. Ghaa i mɔm koʼo tsu dzə isə nə̀ zay kə tii kə nuu bə n wɔ Zə̀ kə, boʼnə tûm tə Kəzə̀ tə tsɔŋɔ tə kəmənu fa n mbi.

1 Jɔn 4:3

Abə wù dza bənə tə ghaa nə̀ tə nuu bə n səə Zə̀ kə nə̀ tə ka bəghəm kɔʼ dzə isəŋə kuum Yeso, wù tii khə dzə way zay key kə nuu bənə n wɔ Zə̀ kə. Ndzoʼo wù tii khə zay kə wù təngəmə ə Klisto wən ghaa zow dzənə nə̀ tə i bəghənu fa n mbi, zə a loʼ nə̀ tə ndzəm loʼnu fa n mbi.

2 Jɔn 1:7

Ndəm aghə̂ n shi ndow n mbi ni nəb kaabə tsə aghə̂ nə̀, Yeso â ka bə dzə n wû u wù sɔŋtsuʼ. Ndzoʼo wù wən loʼ wù nəbə wə aghə̂ wə, loʼ soʼo wù təngəmə ə Klisto.

Màʼlə kə Jud tə̀ ghə̂ a Kəzə̀ ghə 1:18

Ghə â dza tə ghaa nə̀, “Abə mbi nə may bənə, ghə̂ a loʼ a nə bəghənu, ghə nə tsoʼo ghaa. Ghə̂ ghən nə dzûmə ndow kə ghəə ghey fə̀ŋ tə ghə tə ləghənə ni ghəŋə.”