1 Jɔn 2:16 - Kaa n Kəzə̀ n fəghə mə

¹⁶ N fə wən udzəm u loʼnə fa n mbi, tɔŋɔ u wən gow uwû ləghənə, u wən ghə̂ a koʼonə, ghə n ləghə ni keeli n muu i ghə, nsə fə wən fa n mbi ghə̂ a kɔʼlənə wû zə tii, fə kə loʼ kə way tii kə nuulə bənə n wɔ Bày, udzəm u loʼ fə u mbi.

1 Jɔn 2:16 Mawu Ofanana

Matyo 4:8

Satan n ney kɔʼ ndòw wi n kaʼ ù dabə dabə wə, dii ndòw wi n naʼa tə mbi tən tədzə̀m, n ghaʼ i ghə zə,

Matyo 5:28

N fa kee dza bə tə̀ ghaa nə̀, wù wey tə bùʼ laalə ndòw kənə weyzən n moʼlə tə ni nyiŋi ghi wi, sey nyəŋi dzənu ghi weyzən ə tii n fə̀ŋ ə wi.

Lukas 4:5

Vəətsəə ghə n ney kɔʼ ndòw wi idəŋ, dii may ndòw naʼa tə mbi tədzəm tə̀ wi n tɔŋɔ fə inəŋə.

Roma 13:14

Ghaa khə ni fəd ney Mûkəbii Yeso Klisto tə a loʼ ndzə̂ tə tsam tə ghaa. Kə ghaa nə zəghə maʼa soʼonə wû i ghaa zə nə̀ zə i ghəŋŋə ghəə ghey gow uwû ghaa ləghənə.

1 Kɔrint 10:6

Ghəə ghən ghə â shi tə̀ a loʼ tsə̀ə tə̀ saa nə̀ kə saa nə ləghənə ni ghəŋŋə ghəə a bəbə ghə tə̀ a loʼ ghə.

Galeshia 5:17

N sey dza n təŋkey, ghəə ghən gow uwû ləghənə, bəghəm dzəŋi dzə way ghi ghəə ghən Zay kə Zow kə ləghənə. Ghəə ghən Zay kə Zow kə ləghənə bəghəm dzəŋi soʼo way ghi ghəə ghən gow uwû ləghənə. Fə wən ubəghə dzəŋi zuu baalənu, dii tsu nə wə khə way daʼa kə ni ghəŋə ghəə zey wə ləghənə ni ghəŋə

Galeshia 5:24

Ghə̂ ghən ghə loʼnə nə kəfə kəmɔʼ ghi Yeso Klisto, ghə n tuu maʼa ghəə ghən gow uwû ləghənə, baa naŋa kɔʼ n zat kə fəkaʼ.

Efesus 2:3

Saa adzəm saa â muu tsə tə̀ a loʼ ghə nghee saa â ləghənə fə u mbi wə, ghəŋŋə ndow kə ghəə ghən wû i saa nsə fə̀ŋ tə saa tə ləghənə. Saa â maŋ loʼ tə̀ a loʼ fə u wə ivə, ləmə kə nə̀ nghee tə̀ Zə̀ kə loʼ nə̀ kə n fəələ nəghə wə ghi saa, kə chɔd saa ighələ tə kə i chɔdlɔnə ghə̂ a mbi a loʼ ghən ghə nam ghəŋŋənə ghəə a bəbə ghə.

Taytus 2:12

À loʼ n bam i fə̀ŋ i dzuŋu zən Zə̀ kə dza bənə tə̀ saa nə̀, saa tuu maʼa muu zey Zə̀ kə ləghə way, saa ka gaʼ soʼo fə̀ŋ tə n fə u mbi. Tə ləghə nə̀ saa i loʼ ni kwu keeli muu i saa, ghəŋŋə ghəə ghey a kpiinə, ghəŋŋə soʼo ghəə ghey tə ləghənə nghee saa muunə fa n mbi zən.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.

Jems 3:15

Ndzoʼo tɔb wən, à ka fuu bə dzə Zə̀ kə idəŋ kə, à loʼ tɔb u ghə̂ a mbi. À ka fuu bə dzə Zày kə Zow kə tɔb u tii wə, à loʼ tɔb wə avəətsəə.

Jems 4:16

A fa loʼ nə̀ ghaa fəllə ghaŋŋə iwû n fwaʼa tə ghaa tən ghaa moʼlənə ni fwaʼ. Abə ghaa ghaŋŋənə wû zə sey, ghaa sey ghəŋŋə ghəə a bəbə ghə.

1 Pita 1:14

Tə̀ a loʼ waa ghey ghə zownə laŋ K-a-zə̀ kə, kə ghaa nə kəm ghəŋŋə ghəə a bəbə ghey ghaa â khənə zay ni ghəŋŋə n nəŋə zey ghaa â kam khə way Zə̀ kə.

1 Pita 2:11

Fə ghuŋ a dzuŋu ghə, n buʼu bə kəwɔɔ tə̀ ghaa nə̀, tə a loʼ ghə̂ ghey ghə bwey nyi bənə fa n mbi nsə ghə̂ ghən ghə tyi nyì doʼonə, kə ghaa nə ghəŋŋənə ghəə ghey gow uwû ghaa ləghənə, n təŋkey, u zuulə baalə fə̀ŋ tə ghaa.

2 Pita 2:10

Tə i chɔdlɔ tsəghəshiə ghə̂ ghey ghə ghəŋŋənə dzəə dzəə tə aghəə tey gow uwû ghə ləghənə, koʼo kìi soʼo daʼa K-a-zə̀. Ghə̂ ghən ghə diinə ghəə a badla ghən tsəŋə way ghə i loʼ zə, ngii kɔʼlə soʼo iwû. Ghə buʼu tsəŋə way ni tsayyə zay wey u loʼnə idəŋ.

2 Pita 2:18

Ghə kɔʼlə kaabə tsə iwû, ghɔɔmə ilaʼlə, ney kɔʼɔ ghəə a laŋŋə ghey ghə ghəŋŋənə ni nəəbə ghə̂ ghey ghə kuʼlə tyi nuu shi bənə n fəŋŋə kə ghə̂ ghey ghə muunə n ghəə a bəbə ghə nə̀ ghə i ghəŋŋə dzəə dzəə tə aghəə tey gow uwû ghə ləghənə nə̀ ghə i ghəŋŋə.