1 Jɔn 2:14 - Kaa n Kəzə̀ n fəghə mə

¹⁴ N tɔ̀ɔ bə tə ghaa ghən ghaa loʼnə waa ghuŋ ghə, n təŋkey, ghaa n doʼo ghə̂ ghən ghə khənə Zə̀ kə tə loʼnə Bày. N tɔ̀ɔ bə tə ghaa, ghə bày, n təŋkey ghaa khənu wi wən tə â loʼnə tə̀ Zə̀ kə ni bɔm mbi. N tɔ̀ɔ bə tə ghaa ghaŋ fə, n təŋkey, ghaa khə kədaʼa, ghɔɔmə i Kəzə̀ zə a loʼ soʼonə n kow ghaa nsə nə ghaa n təm zə wù təngəmə ghaa wən tə loʼnə Satan.

1 Jɔn 2:14 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 15:7

Abə saa loʼnə nə kəfə kəmɔʼ ghi mə, ghaa a khə soʼonə ghɔɔmə zuŋ zə n fə̀ŋ tə ghaa, ghaa loʼ ni nɔɔ fə key ghaa ləghənə ni keeli, Zə̀ kə i fu tə ghaa.

Tùm i dzuŋu zə kuum Yeso Klisto tə Jɔn â tɔɔnə 5:38

Ghaa ka ney naŋa dzə ghɔɔmə i wi zə n fə̀ŋ tə ghaa n təŋkey ghaa ka bəghəm dzə tə̀ wù wey tə tûm bənə.

Tùm i dzuŋu zə kuum Yeso Klisto tə Jɔn â tɔɔnə 8:31

Sey, Yeso n dza ndòw tə̀ ghə̂ a Təjuu ghey ghə â bəghəmnə tə̀ wi nə̀, “Abə ghaa bɔɔmə bwey ndòwnə n jii zən n diinə, ghaa î ndzəm loʼ ngəd tuŋ tə.

Tùm i dzuŋu zə kuum Yeso Klisto tə Jɔn â tɔɔnə 8:37

N khənu nə̀ ghaa loʼ waa a waa ghə Abraham, a kee loʼ nə̀, ghaa kəŋənə jìi ni wey mə, n təŋkey, ghaa ləghə way ni bəghəm ghɔɔmə zuŋ.

Efesus 6:10

Ni guŋ kɔʼ, ghaa khə ni taw n doʼo i ghaa ghi Mûkəbii nsə n daʼa kə nii key tə fuunə.

Filipi 4:13

N loʼnu ni ghəŋə aghəə adzəm n daʼa key Klisto fuunə tə̀ mə.

Kolose 1:11

N gɔŋŋə soʼo nə̀, Zə̀ kə, tə khənə daʼa wə udzəm, tə fuu ghaa n daʼa kə wi kə, sey nə̀ ghaa loʼ ni təmi taw n bəghəm i fə̀ŋ, kow fə̀ŋ nə aghəə adzəm.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

2 Timoti 2:1

Abə wɔ a Timoti, wə loʼ waa wuŋ u dzuŋu wə, n gɔŋŋə nə̀ wə i taw bòʼ ndzuŋ zən Zə̀ kə fuunə tə wɔ nghee saa loʼnə nə kəfə kəmɔʼ ghi Yeso Klisto.

Hibru 8:10

Sey, Mə Mûkəbii, n dza nə̀, à wey loʼ kaa n fəghə mən mə i zə̂ənə ghi ghə̂ ghə Izree ghə N tsuʼu mən n bəghənə. Mə i kuu naŋa ndow laŋ wuŋ n tow u ghə N tɔ̀ɔ naŋa ndow soʼo n fə̀ŋ tə ghə. Mə i doʼlə Zə̀ kə ghə, Ghə i doʼo soʼo ghə̂ ghuŋ.

1 Jɔn 1:1

Ghey ghəə ghən tɔ̀ɔ bə tə ghaa kuum ghɔɔmə zən i ghəŋŋənə nə̀ ghə̂ a keeli imuu. Ghɔɔmə i tii i mâ khə doʼo zey tə̀ Zə̀ kə ni bɔm mbi. Ghey mâ zow, ghey n koʼ ndow soʼo n sə̂ a ghey. Isəŋə loʼ nə̀ ghey mâ koʼ wi, mɔm tsu soʼo wi n wɔɔ a ghey ghə.

1 Jɔn 1:10

Abə saa dza nə̀ saa ka ghə i bəb i loʼ i ghəŋə koʼ tsə, i sey dii nə̀ saa dza nə̀ Zə̀ kə badla aghəə nsə nə̀ ghɔɔmə i wi i way dzə n kow saa.

1 Jɔn 2:13

N tɔ̀ɔ bə tə ghaa ghə bày, tənkey, ghaa n doʼo ghə̂ ghey ghə loʼ nə̀ ghə n keeli Yeso Klisto wən tə â loʼnə tə mbi ni kaʼ. N tɔ̀ɔ bə tə ghaa fəghaŋ, n təŋkey ghaa n təm zə̂ wù təngəmə ghaa tɔŋɔ Satan.

2 Jɔn 1:2

N ləghə wi təŋkey, isəŋə loʼ ghi ghey, zə i doʼlə soʼo ghi ghey nə tənəŋə tədzəm.

3 Jɔn 1:3

N ngii khə iduʼlə nghee ghə̂ a Kəzə̀ a loʼ ghə â bə dza bənə tə̀ mə nə̀, wə bɔɔmə muu kə nə isəŋə zən i loʼnə bòʼ Kəzə̀. Mə n ndzəm khə nə̀ wə muu nə isəŋə zey.

Chi dii 2:3

N khənu nə̀ wə mâ ngii fəghə, kow soʼo fə̀ŋ bòʼ mə, wə n ka kam tsəm buu doʼo koʼ.

Chi dii 2:7

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wən. Mə i fuu tsu kədaʼa tə̀ ghə̂ ghey ghə i taw tsəghəshiənə ghəə a bəbə ghə, ghə i kɔy nəghə tam wə n kaʼ fey fə fuunə muu zə, fə loʼnə n sum u Kəzə̀ idəŋ.”