1 Jɔn 2:11 - Kaa n Kəzə̀ n fəghə mə

¹¹ Wù wey tə kee bàanə waazə ə wi, loʼ nə kələm. Tə muu nə kələm, khə soʼo way luʼu key tə ndownə tii, n təŋkey, bəb zə n ghəŋə nə̀ tə fəb doʼo bə.

1 Jɔn 2:11 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 12:35

Yeso n dza ndow tə ghə nə̀, “Daa kə i nam doʼlə kəŋŋə ndownu ghi ghaa n tɔŋɔ fə inəŋə. Bwey na nya ghaa khənə daa kə, nə̀ a way sey ləm kə i bwu kwɔɔlə ghaa. Wù wey tə bwey nə kələm khə way luʼu key tə ndownə tii.

Tùm i dzuŋu zə kuum Yeso Klisto tə Jɔn â tɔɔnə 12:40

“Zə̀ kə n fəb naŋa sə̂ a ghə ghə̀, Tawwə naŋa fə̀ŋ tə ghə Nə kə ghə nə koʼo luʼu tə, Kə ghə nə zowkeeli soʼonə ghə i loʼ zə, Sey nə̀ kə ghə nə kweyyə nuu dzəŋŋə bənə n ghəə a ghə a bəbə ghə, ghə bə n səə mə, Tə n baŋŋə ghə.”

2 Kɔrint 3:14

Sey, fə̀ŋ tə ghə tə n taw doʼo i tsu. Ni bə kùm na, abə ghə zow tsu nghee ghə tɔŋŋənə kaa n wey mə, a n loʼ tə a loʼ ndzə̂ tey tə nam tsəd doʼo kə n tûm usə̂ u ghə, n təŋkey, à loʼ kə n bam i Klisto ghə loʼnə ni tsɔʼ nuu ndzə̂ tə tii tə.

2 Kɔrint 4:4

Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.

Taytus 3:3

N dza sey n təŋkey, saa soʼo, saa â bùʼ loʼ tsə ghə̂ a laʼlə ghə tə a loʼ ghə. Saa â zow way tə̀ Zə̀ kə, ghəŋŋə soʼo ghəə a bəbə ghə. Ghə n məŋŋə naŋa saa, saa n fəd doʼo ndow ukɔd n baa fə u mbi. Saa n muu tən kə ni ghəŋŋə ghəə a bəbə ghə nsə ni mbuŋŋə fə wey ghə̂ a khənə. Saa n ghəŋə nə̀ ghə̂ ghə i baa saa, saa n baa soʼo wû i saa.

2 Pita 1:9

A kee bə wù wey tə ghəŋŋə way ghəə ghən n taŋŋə tsu bənə fa, tə sey tɔʼɔ koʼo way luʼu tə tə̀ a loʼ wù fəbə. Ghə n neyzəə soʼo nə̀ ghə mâ sow maʼa ghəə a bəbə ghey ghə â buʼu ghəŋŋə tsənə.

1 Jɔn 1:6

Abə saa dzanə nə̀ saa loʼ n fə kəmɔʼ ghi wi, nam ghəŋŋə kə ghəə a bəbə ghə. Sey, saa badla aghəə, saa a muu soʼo way nə isəŋə.

1 Jɔn 2:10

Wù wey tə ləghə tiilənə waazə wi, sey muu nə utsə, ghə i loʼ zə u way soʼo n muu i wi i loʼ ni chimmə wù loʼ nə̀ tə bwu laŋ K-a-zə̀.

1 Jɔn 2:9

Abə wù dzanə nə̀ n muu nə utsə, kee baa ndow waazə ə wi, wù tii sey nam muu nə kələm.

1 Jɔn 3:15

Wù wən tə bàanə waazə, loʼ wù wən tə weynə ghə̂ ghə. Ghaa khə soʼonu nə̀ wù wey tə weynə ghə̂ ghə i keeli way muu zə itsali zə.

1 Jɔn 4:20

Abə saa dzanə nə̀ saa ləghə Kəzə̀, fədlə baa waazə a saa, saa loʼ ghə̂ a badla ghə aghəə ghə, n təŋkey, abə wə way ni ləghə waazu nə̀ wə koʼo ndownu wi, wə i ləghə ngee Zə̀ kə nə̀ wə ka wi kam koʼ koʼ tsə ə?

Chi dii 3:17

Wə dza nə̀, ‘N kûmnu, khə ufə̂ udzəm, n kəm kəŋə way fə kə loʼ kə.’ Wə kam khə way nə̀ wə maŋ loʼ fə kə ngoʼ, fə kə laa kə, wə loʼ n wû i zum zə, fə̀b doʼo soʼo.