1 Jɔn 2:1 - Kaa n Kəzə̀ n fəghə mə

¹ Waa ghuŋ a dzuŋu ghə, n tɔ̀ɔ bə ghəə ghən tə ghaa nə̀ kə ghaa nə ghəŋŋə ghə i bəbə zə. Sey nə̀, abə wù ghaa u loʼ u kpaʼi ghəŋə ghə i bəbə zə, saa khə wù loʼ tə buʼunə wɔɔ kə n wɔ Bày n tow u saa tɔŋɔ Yeso Klisto, tə loʼnə wù wey tə loʼnə tsətsəghə.

1 Jɔn 2:1 Mawu Ofanana

Lukas 10:22

“Bày wùŋ n fu may fə wə udzəm tə̀ mə, wù lo khə way Waa tsəghəshiə way Bày, ighələ tə̀ wù way tə khənə Bày tsəghəshiə way Waa, nsə ghə̂ ghey Waa say kɔʼnə ni dii fu wi tə̀ ghə.”

Tùm i dzuŋu zə kuum Yeso Klisto tə Jɔn â tɔɔnə 10:15

Nghee tə Bày wuŋ khənə mə, mə u khə soʼonə Bày wuŋ, à loʼ ighələ tə̀ n khənə njì tuŋ tə, njì tuŋ tə u khə soʼonə mə, à wey loʼ ghə i tii zə n loʼnə ni kpu n tow kə njì tuŋ.

Tùm i dzuŋu zə kuum Yeso Klisto tə Jɔn â tɔɔnə 13:33

Waa ghuŋ ghə, n kəm ngii khə way nəŋə zə ni doʼo fa ghi ghaa. Ghaa i kəŋə mə, kəŋə kii. N nam dza bə tə̀ ghaa ghə i mɔʼɔ zey mə â dzanə tə̀ ngəd tə Təjuu tə nə̀, ‘Luʼu key n ndownə tii, ghaa way ni bə fu.’

Tùm i dzuŋu zə kuum Yeso Klisto tə Jɔn â tɔɔnə 14:16

Mə i gɔŋŋə ndow tə Bày, tə i tûm bə ghaa n Wù wey tə tsə̀ənə ghə̂ ghə, tə i bə doʼo tən bə ghi ghaa tə̀ mbi nə bə may.

Tùm i dzuŋu zə kuum Yeso Klisto tə Jɔn â tɔɔnə 14:6

Yeso n beeli ndow wi nə̀, “N loʼ jii, isəŋə nsə muu zə. Wù way dzə ni bə n səə Bày nə̀ a ka ney ndòw mə wi n səə wi.

Tùm i dzuŋu zə kuum Yeso Klisto tə Jɔn â tɔɔnə 21:5

Yeso n bəb tə̀ ghə nə̀, “Fə̂ ghuŋ ghə, ghaa khənu tsəghə tə loʼ tə fey ə?” Ghə n beeli ndow wi nə̀, “Ngaŋ!”

Tùm i dzuŋu zə kuum Yeso Klisto tə Jɔn â tɔɔnə 5:14

Yeso n kəm koʼ tsu wù tii n Ndaw Kəzə̀ i nii zey n Yerosalem, dza ndòw tə̀ wi nə̀, “Koʼo, nya wən wə taw doʼo bənə, kə wə nə̀ kəm ghəŋŋənə ghəə a bəbə ghə, kə̂ ghəə i loʼ zə i bəb tsəghəshinə i zən i nə̂ shiənə n kow wɔ.”

Tùm i dzuŋu zə kuum Yeso Klisto tə Jɔn â tɔɔnə 5:36

N kee khə ghəə a nuu ghə a tiilə dza bənə ndzoʼo wù wey n loʼnə nə̀ a tsəghəshi a ghən Jɔn â tiilə dzanə bòʼ mə. Imɔʼ loʼ fwaʼ kən n fwaʼanə, tɔŋŋə fwaʼ kən Bày fu naŋanə tə̀ mə nə̀ n fwaʼ. Fwaʼ kən n fwaʼa nə̀, tiilə dza bə aghəə bòʼ mə nə̀ à loʼ Bày tə tûmnə mə̀.

Tùm i dzuŋu zə kuum Yeso Klisto tə Jɔn â tɔɔnə 6:27

Kə̂ ghaa nə̂ fwaʼanə ni keeli fəzəə wey u loʼnə ni bəb, fəd fwaʼ na ni keeli fəzəə wey u doʼlə tsalinə. À wey loʼ fəzəə wey Waa wù sɔŋtsuʼ î fuunə tə̀ ghaa, boʼ nə̀, Bày, tɔŋŋə Kəzə̀ n kuu naŋa tsəə wi n kow wi.”

Tùm i dzuŋu zə kuum Yeso Klisto tə Jɔn â tɔɔnə 8:11

Weyzən wey n beeli ndòw wi nə̀, “Ngaŋ! Mûkəbii, wù loʼ ka doʼo səə dzə.” Yeso n dza ndòw tə̀ wi nə̀, “Mə soʼo n way ni dza sey. Nuu ndòw i zə zə̀, kə wə nə̂ kee kəm ghəŋŋə ghəə a bəbə ghə.”]

Kəfwaʼ 7:52

Wù tûm Kəzə̀ u loʼ u mâ doʼo koʼ nə̀ ghə bày a ghaa a ka wi chɔd ə? Ghə â buʼ wey maʼa daŋŋə a ghən ghə â dza naŋa zey bənə bə i wù kəfwaʼ a wi wən tə loʼnə tsətsəghə. Ghaa n fìi fu ndow wi tə ghə̂ a təngəmə a wi ghə, ghə n wey maʼa daŋŋə ndow wi.

Roma 5:10

N sey dza n təŋkey, abə və i waa wi zə â loʼ ni ghəŋə nə̀ saa ghə̂ a təngəmə a Kəzə̀ a doʼo bə nə kəfə kəmɔʼ ghi Zə̀ kə. Nya wən saa loʼnə nə kəfə kəmɔʼ ghi Zə̀ kə, i sey dii nə̀ Klisto i bəghəshiənu saa n təŋkey tə loʼ utaw.

Roma 6:15

Saa loʼ ni dza nə̀ ngee nya a? Nghee tə ndzuŋ ə Kəzə̀ bəghəshi dzənə saa n wɔ kə Laŋ u Mushi, saa sey khə ni ndow kə n sə kə ni ghəŋŋə ghəə a bəbə ghə? Ngaŋ! A way dzə sey.

Roma 8:34

À loʼ ndee tə loʼ ni dza nə̀ saa n bwu saʼ a? Wù umɔʼ tsəm way n təŋkey, Yeso Klisto wən tə â kpunə, Zə̀ kə zhəm dzəŋŋə bə wi nə ivə, tə u loʼnə nya n kpii u Kəzə̀ u təmə wə, teynu tə gɔŋŋə n tow u saa.

1 Kɔrint 15:34

Fən nyi dzəŋŋə bə n na n tɔb n ghaa, ghaa buu naŋa ghəə a bəbə ghən ghaa ghəŋŋənə. Tə̀ mə, a ngii loʼ tow kə dədlə kə nə̀ ghə̂ a loʼ a loʼ n fəŋŋə kə ghaa nə ghə khə way Zə̀ kə.

2 Kɔrint 5:21

Klisto â khə way bəb i loʼ zə, Zə̀ kə n ghəŋə tsu nə̀ tə̀ doʼo bə tə̀ a loʼ wù bəbə wə bòʼ saa, sey nə̀ abə saa loʼnə nə kəfə kəmɔʼ ghi wi, saa i loʼ tsətsəghə n sə̂ K-a-zə̀.

Galeshia 4:19

Waa ghuŋ a dzuŋu ghə! Fɔɔbə zey n zownə nya bòʼ ghaa, loʼ tə a loʼ fɔɔbə zey weyzən zownə abə tə sòʼonə waa. Mə i zow fɔɔbə i tii zə ni ndow kùm n nəŋə zey mə i koʼ bə nə̀ muu i ghaa i nya loʼ tə a loʼ muu i Klisto.

Efesus 2:18

À loʼ n bam i Klisto saa dzəŋi loʼnə ni bə n sə̂ K-a-zə̀ n daʼa kə Zay kə Zow kə.

Efesus 4:26

Abə wə fəələnə nəghə wə, ka bəghəm nə nəghə u fəə u tii u ghəŋə wɔ nə̀ wə ghəŋə ghə i bəbə zə. Ka bəghəm soʼo nə̀ ghab kə ngii shi, tsuʼ u bə dzə nə̀ wə nam fəələ kə unəghə.

1 Timoti 2:5

I loʼ sey n təŋkey, Zə̀ kə loʼ kə kəmɔ̀ʼ, wù loʼ soʼo umɔʼ tə təmə dzəŋinə ghə̂ ghə ghi Zə̀ kə, wù tii loʼ Yeso Klisto.

1 Timoti 3:14

N khənu moʼlə zə ni kuʼlə bə koʼ ghaa, zuŋ key n tɔ̀ɔ bənə màʼlə kən tii tə̀ ghaa loʼ nə̀,

Hibru 9:24

I loʼ sey n təŋkey, Klisto â ka nyi dzə n luʼu kə zow kə nə̀ à faalə wù sɔŋtsuʼ, kə maŋa fiilənə luʼu kə zow key kə loʼnə idəŋ. Tə â ndzəm nyi ndow n dzəŋi kə dzûmə tə Klisto key kə loʼnə n bikighow. Tə nya loʼ n sə K-a-zə̀ ni buʼu wɔɔ kə tə wi n tow u saa.

Jems 1:27

Ghəə a Kəzə̀ ghən a zow dzɔbənə loʼ soʼo tsətsəghə n sə kə Bày saa wən tə loʼnə Zə̀ kə, loʼ ni laalə tə waa a chi ghə nsə ghey a kpusə ghə n chɔd mən ghə khənə. À loʼ soʼo ni ghəŋə nə̀ kə ghəə a mbi a nə dzəələnə muu i ghaa zə.

Jems 3:9

Saa ney kənyim saa n fuu nkɔʼlə tə Mûkəbii saa nsə Bày saa. À loʼ nyim kə mɔʼɔ kə, saa tsɔɔmənə ghə̂ ghən Zə̀ kə bɔmnə nə̀ ghə i loʼ tə a loʼ wi.

1 Pita 2:22

Tə â ka ghəŋə koʼ tsə ghə i bəbə i loʼ zə, tə n ka bad koʼ tsə soʼo aghəə.

1 Pita 3:18

N dza sey n təŋkey, Klisto â kpu kə nəŋə imɔʼ ni ney nuu tən ghəə a ghə̂ a bəbə ghə adzəm. Tə â ka ghəŋə koʼ tsə ghə i bəbə i loʼ zə, tə n kee bə kpu n tow u ghə̂ a bəbə ghə, sey nə̀ tə loʼ ni ney bə saa tə̀ Zə̀ kə. Ghə â wey wi nə̀ tə loʼ wù sɔŋtsuʼ, Zay kə Zow kə n kee ghəŋə nə̀ tə doʼo dzəŋŋə bə utaw,

1 Jɔn 3:18

Waa ghuŋ ghə, kə saa nə diinə ləghə zə nə idzuu kələ. Saa khə ni fədlə dii ndow ndzəm ndzəm kə iləghə kə n ghəə ghey saa ghəŋŋənə.

1 Jɔn 3:5

Ghaa khənu nə Klisto a bə fa n mbi ni bə ney nuu ghəə a bəbə ghə, loʼ sey nə̀ tə ka kam ghəŋə koʼ tsə ghə i bəbə i loʼ zə.

1 Jɔn 3:7

Ghaa ghən ghaa loʼnə waa ghuŋ a dzuŋu ghə, kə ghaa i bəghəm nə wù loʼ nəb ghaa. Wù wey tə ghəŋŋənə ghəə ghə tsətsəghə n sə̂ K-a-zə̀, sey loʼ tsətsəghə ighələ tə̀ Klisto loʼnə tsətsəghə n sə̂ K-a-zə̀.

1 Jɔn 4:4

Ghaa ghən ghaa loʼnə waa ghuŋ a dzuŋu ghə, ghaa loʼ waa a Kəzə̀. Ghaa mâ təm zə ghə̂ ghən, boʼnə zay kən kə loʼnə n kôw ghaa, kə n taw tsəghə shi zay key kə loʼnə n kow ghə̂ ghey ghə loʼnə fa n mbi.

1 Jɔn 5:17

Ghəə ghey wù ghəŋŋə bəəbənə adzəm loʼ ibəb tə̀ Zə̀ kə, à kee loʼ nə̀ bəb i loʼ i loʼnu i ney ndow way wù nə ivə.

1 Jɔn 5:21

Waa ghuŋ a dzuŋu ghə, kə ghaa nə keelinə ghə i loʼ zə ni ghəŋə ghi muʼu mə.

3 Jɔn 1:4

Ghə i loʼ i way i fuu mə n duʼlə zə tsəghəshi ni zow nə̀ waa ghuŋ a muu nə isəŋə.