1 Jɔn 1:8 - Kaa n Kəzə̀ n fəghə mə

⁸ Abə saa dzanə nə̀ saa ka ghəŋə bəəbə dzə ghə i loʼ zə, saa nəbə wû i saa, saa a dza soʼo way isəŋə i loʼ zə.

1 Jɔn 1:8 Mawu Ofanana

Tùm i dzuŋu zə kuum Yeso Klisto tə Jɔn â tɔɔnə 8:44

Ghaa loʼ kə tə̀ a loʼ bày ghaa, tɔŋŋə Satan, moʼlə tə ghaa tə loʼ kə ni ghəŋŋə ghəə ghey bày ghaa ləghənə. Ni ney nuu bə tə̀ mbi a nə kaʼnə, tə weyyə aghə̂, tə ka kam təmi koʼ tsə nə isəŋə, n təŋkey, tə khə dzə way isəŋə i loʼ zə n kow wi. Abə tə badlanə ghəə ghə, tə sey ghɔɔmə shiə bə kə ghəə ghey a loʼnə n fə̀ŋ ə wi, n təŋkey, tə loʼ wù badla wə aghəə wə, a loʼ də̀ŋ kə ghəə a badla ghə.

Roma 3:10

I tɔ̀ɔ doʼo n màʼlə K-a-zə̀ nə̀, “Wù umɔʼ way dzə tə loʼnə tsətsəghə n sə K-a-zə̀, Umɔʼ ngəmsə way dzə.

Roma 3:23

I loʼ nə̀, aghə̂ adzəm n ghəŋŋə bəəbə n sə K-a-zə̀, sey, ghə ka kəm kɔʼ kpii dzə ni ghəŋə ghəə zey Zə̀ kə loʼ ni kali ghə tii.

1 Kɔrint 3:18

Kə̂ ghaa nə̂ nəbənə wû i ghaa zə, abə wù ghaa u loʼ u moʼlənə nə̀ tə khə utɔb n ghəə a mbi, tə khə ni doʼo tə̀ a loʼ wù laʼlə, tə i baa loʼ ni keeli tsu utɔb.

Galeshia 6:3

Abə wə moʼlə nə̀ wə dow tsəghənu ni fuu wù n gaamə zə, wə sey nəbə wû wə, n təŋkey, wə ka dow tsəghə dzə.

1 Timoti 6:5

Ghə̂ ghən loʼ tən tsə kə ni zuulə n təŋkey, ghə moʼlə tənə kə ghəə a bəbə ghə, kəm ləghə soʼo way isəŋə. Ghə moʼlə kə nə̀ fwaʼ K-a-zə̀ kə loʼ luʼu key ghə loʼ ni keeli ikum tii.

2 Timoti 3:13

Ghə̂ a bəbə ghə nsə ghə nəb ityim nə faalə bəb njaʼ may ndow. Ghə nə nəbə ghə̂ ghə, ghə̂ a nə nəbə soʼo ghə.

Jems 1:22

Kə ghaa nə maŋa zəllə kənə ghɔɔmə i Kəzə̀ zə, ghaa khə ni ghəŋŋə ndow ghəə zey i dzanə. Nə à way sey, ghaa sey maŋa nəbə wû i ghaa.

Jems 1:26

Wù wey tə moʼlənə nə̀ i ghəŋŋə ghəə ghey a kpiilənə n sə K-a-zə̀ nə̀ tə way ni kəmə naŋa dzuu i wi, tə maŋa nəbə wû u wi, ghəə a Kəzə̀ a wi a tii ghə u maŋ loʼnə kənunu.

Jems 3:2

I loʼ nə̀, saa adzəm nɔʼɔnu n ndəmə təjìi. À kee loʼ nə̀ wù wey tə loʼ ni doʼo nə̀ tə nɔʼɔ koʼo tsə way ghəə zey tə dzanə, tə loʼ wù tsətsəghə, dii tsu nə̀, tə loʼnu ni tɔʼ kwu keeli soʼo wû u wi.

2 Pita 2:13

Zə̀ kə i chɔdlɔ ghə̂ ghən ni tsə dzəŋŋə ghə n ghəə a bəbə ghən ghə ghəŋŋənə. Ghə ney nə̀ à loʼ ghə i dzuŋu zə tə̀ ghə ni zəələ wû i ghə zə, ghəŋŋə kaabə tsə dzəə dzəə tə aghəə n mgbala tsə tə. Ghə loʼ tə a loʼ tɔɔlə tə dzəə tə, tə ngii ney bənə tow kə dədlə kə n fəŋŋə kə ghaa abə ghə zəələnə wû zə n ghəələ n ghə n tsɔŋɔ mey.

1 Jɔn 1:10

Abə saa dza nə̀ saa ka ghə i bəb i loʼ i ghəŋə koʼ tsə, i sey dii nə̀ saa dza nə̀ Zə̀ kə badla aghəə nsə nə̀ ghɔɔmə i wi i way dzə n kow saa.

1 Jɔn 1:6

Abə saa dzanə nə̀ saa loʼ n fə kəmɔʼ ghi wi, nam ghəŋŋə kə ghəə a bəbə ghə. Sey, saa badla aghəə, saa a muu soʼo way nə isəŋə.

1 Jɔn 2:4

Wù wən tə dzanə, “N khənu wi.” Kee fədlə ghəŋŋə way ghəə ghey tə dzanə, tə sey loʼ wù badla wə aghəə wə, isəŋə i loʼ zə u way soʼo n kow wù tii.

1 Jɔn 4:20

Abə saa dzanə nə̀ saa ləghə Kəzə̀, fədlə baa waazə a saa, saa loʼ ghə̂ a badla ghə aghəə ghə, n təŋkey, abə wə way ni ləghə waazu nə̀ wə koʼo ndownu wi, wə i ləghə ngee Zə̀ kə nə̀ wə ka wi kam koʼ koʼ tsə ə?

2 Jɔn 1:2

N ləghə wi təŋkey, isəŋə loʼ ghi ghey, zə i doʼlə soʼo ghi ghey nə tənəŋə tədzəm.

3 Jɔn 1:3

N ngii khə iduʼlə nghee ghə̂ a Kəzə̀ a loʼ ghə â bə dza bənə tə̀ mə nə̀, wə bɔɔmə muu kə nə isəŋə zən i loʼnə bòʼ Kəzə̀. Mə n ndzəm khə nə̀ wə muu nə isəŋə zey.