1 Jɔn 1:6 - Kaa n Kəzə̀ n fəghə mə

⁶ Abə saa dzanə nə̀ saa loʼ n fə kəmɔʼ ghi wi, nam ghəŋŋə kə ghəə a bəbə ghə. Sey, saa badla aghəə, saa a muu soʼo way nə isəŋə.

1 Jɔn 1:6 Mawu Ofanana

Matyo 7:22

Ndəmə aghə̂ ghə i dza tə̀ mə n tsuʼ fey Zə̀ kə i saʼanə mbi tii nə̀, ‘Mûkəbii, Mûkəbii, n dza ghey â naʼlə tûm Kəzə̀ n zəd zə ə? A n dzùm shi avəətsəə n kôw ghə̂ ghə n zəd zə, fwaʼ ndəmə ghəə a faalə ghə n zəd zə.’

Tùm i dzuŋu zə kuum Yeso Klisto tə Jɔn â tɔɔnə 11:10

Abə wù kee bweynə n tsuʼu tə, tə loʼ ni taŋŋə bwu, n təŋkey, daa kə way.”

Tùm i dzuŋu zə kuum Yeso Klisto tə Jɔn â tɔɔnə 12:35

Yeso n dza ndow tə ghə nə̀, “Daa kə i nam doʼlə kəŋŋə ndownu ghi ghaa n tɔŋɔ fə inəŋə. Bwey na nya ghaa khənə daa kə, nə̀ a way sey ləm kə i bwu kwɔɔlə ghaa. Wù wey tə bwey nə kələm khə way luʼu key tə ndownə tii.

Tùm i dzuŋu zə kuum Yeso Klisto tə Jɔn â tɔɔnə 12:46

N bə fa n mbi tə̀ a loʼ kədaa, sey nə̀, wù wey tə bəghəm fuu dzə tə̀ mə, tə ka doʼo tən dzə nə kələm.

Tùm i dzuŋu zə kuum Yeso Klisto tə Jɔn â tɔɔnə 8:12

Yeso n ghɔɔmə kpiʼi ndòw aghəə tə̀ nɔɔ kə aghə̂ key nə̀, “N loʼ kədaa tə̀ ghə̂ a mbi ghə adzəm. Wù wey tə dzûmənə mə, î bwey koʼ way nə kələm, tə i fədlə keeli daa key kə fuunə muu zə.”

Tùm i dzuŋu zə kuum Yeso Klisto tə Jɔn â tɔɔnə 8:55

Ghaa khə dzə way wi, abə mə, n kee khənu wi. Abə n dza bənə nə̀ n khə way wi, i sey dii nə̀ n badla soʼo aghəə tə̀ a loʼ ghaa. N kee khənu wi, mə u naŋŋənə ghɔɔmə i wi zə.

1 Timoti 4:2

Ndzoʼo ghəə a tsɔŋɔ ghən, a dii ghə nəb ityim, ghə loʼ nə̀ ghə n fii fuu fə̀ŋ tə ghə tə tə̀ vəətsəə ghə.

Jems 2:14

Waazə ghuŋ ghə, wə zə̂ə kee abə wə dzanə nə̀ wə khə bəghəm i fə̀ŋ, kee dii bə way bəghəm i fə̀ŋ i tii zə n ghəə ghə a ghəŋŋə ghə ə? Wə moʼlə nə̀ ndzoʼo bəghəm i fə̀ŋ i tii i loʼnu ni bəghəshi wɔ ə?

Jems 2:16

Abə wə dza ndownə tə wi nə̀, “Ndow kədzuŋ, Zə̀ kə buulə wɔ! I dzəŋŋə kɔʼɔ ndzə̂ tə ufəb tə nə uwû, wə i zə̂ə dzɔbə soʼo.” Loʼ sey nə̀ wə ka fuu wi n fə wey tə laʼanə. Wə moʼlə nə̀ wə n wi gaamə n ghə i loʼ zə ə?

Jems 2:18

Wù loʼ loʼnu ni dza bə nə̀, “Ghə̂ a loʼ a khə bəghəm i fə̀ŋ, a loʼ ghə u kee khə kənə fə̀ŋ ni ghəŋŋə ghəə a dzuŋu ghə.” N dza bə tə̀ wù tii nə̀, wə way dzə ni dii bə mə n wù loʼ tə khənə bəghəm i fə̀ŋ zə nə̀ tə ghəŋŋə way ghəə a dzuŋu ghə, n kee loʼnu ni dii bə bəghəm i fə̀ŋ zuŋ n ghəə a dzuŋu ghey n ghəŋŋənə.

1 Jɔn 1:10

Abə saa dza nə̀ saa ka ghə i bəb i loʼ i ghəŋə koʼ tsə, i sey dii nə̀ saa dza nə̀ Zə̀ kə badla aghəə nsə nə̀ ghɔɔmə i wi i way dzə n kow saa.

1 Jɔn 1:3

À loʼ ghə i zən ghey â ndzəm koʼnə, sə i zow, ghey naʼlə bənə tə ghaa. Sey nə̀ ghaa i təmdzəŋi ghey ni keeli muu zən ghey khənə ghi Bày, tɔŋŋə Kəzə̀ ghi waa wi Yeso Klisto.

1 Jɔn 1:8

Abə saa dzanə nə̀ saa ka ghəŋə bəəbə dzə ghə i loʼ zə, saa nəbə wû i saa, saa a dza soʼo way isəŋə i loʼ zə.

1 Jɔn 2:4

Wù wən tə dzanə, “N khənu wi.” Kee fədlə ghəŋŋə way ghəə ghey tə dzanə, tə sey loʼ wù badla wə aghəə wə, isəŋə i loʼ zə u way soʼo n kow wù tii.

1 Jɔn 4:20

Abə saa dzanə nə̀ saa ləghə Kəzə̀, fədlə baa waazə a saa, saa loʼ ghə̂ a badla ghə aghəə ghə, n təŋkey, abə wə way ni ləghə waazu nə̀ wə koʼo ndownu wi, wə i ləghə ngee Zə̀ kə nə̀ wə ka wi kam koʼ koʼ tsə ə?