1 Kɔrint 9:5 - Kaa n Kəzə̀ n fəghə mə

⁵ Ghə moʼlə nə̀ i kpiilə soʼo way tə̀ ghey ni ney ndow weyzən wən tə bəghəmnə tə̀ Zə̀ kə n wey, ghey i bwey dzəŋi ndow ghi wi tə ngəd tə Klisto tə loʼ tey nsə waazə a Mûkəbii ghi ghə Pita ghə â ghəŋŋənə ə?

1 Kɔrint 9:5 Mawu Ofanana

Matyo 13:55

À wən way waa Kamenda wən ə? Zə mgbaŋ way Maliya a? Waazə a wi a mgbaŋ way Jems, Yosef, Shimun nsə Judas ə?

Matyo 8:14

Ambə n tsuʼ fə loʼ fə, Yeso n ndòw n ndaw Pita, ndòw koʼ ndòw nəwey Pita tə nyəŋ n wû wə.

Malakus 1:30

Nəwey Shimun n nyəŋ nə ukay n wû wə. Ghə n ney dza ndòw ghə i tii zə tə̀ Yeso.

Malakus 6:3

À wən way wù wey tə kɔmnə kaʼ mə ə, tɔŋŋə waa Maria ə? Waazə a wi a way Jems, Yosef, Judas, nsə Shimun ə? N dza waazə a wi a zən a mgbaŋ muu kə fa ghi ghey ə?” Sey, ghə n fəələ ndòw n fə̀ŋ n ghəə ghey tə̀ dzanə.

Lukas 6:15

Matiə ghi Tɔmɔs; Jem waa Afus, nsə Shimun wən ghə â tɔŋŋə soʼonə wi nə̀ à loʼ wù wən tə ngii ləghənə naʼ i wi zə;

Lukas 8:20

Wù lòʼ n dza ndòw tə̀ wi nə̀, “Nay wə ghi waazə ghə a tey bii, ghə ləghə ni kòʼ wɔ̀.”

Tùm i dzuŋu zə kuum Yeso Klisto tə Jɔn â tɔɔnə 1:42

Sey tə n ney bə Shimun n səə Yeso. Yeso n laalə ndòw Shimun dza tsu nə̀, “Wə loʼ Shimun waa Jɔn, mə i tsə̀ə tsuu zəd zə nə̀ a loʼ Sefas.” (Ghə tɔŋŋə soʼo Sefas nə̀ a loʼ Pita i diinə n ghɔɔmə i Grik nə a loʼ Kənaa).

Tùm i dzuŋu zə kuum Yeso Klisto tə Jɔn â tɔɔnə 2:12

Ambə ghəə ghən a tsəghə tsunə, Yeso ghi nay wi, ghi waazə a wi ghə, nsə ngəd tə wi tə n ndòw n Kapenum, doʼo kəŋə ndòw tsuʼu n loʼ mə fu.

Kəfwaʼ 1:14

Ghə n təmə dzəŋi nəŋə tədzəm ni gɔŋŋə ghi gheyzən a loʼ ghə nsə Maria nay Yeso ghi waazə a wi ghə.

Roma 16:1

N ləghə ni dza bə tə ghaa nə̀ waazə ə saa u loʼ wə, tɔŋŋə Febe, tə fwaʼanə n dzəŋi kə dzûmə tə Klisto n naʼ i Senkria, loʼ weyzən u dzuŋu wə.

1 Kɔrint 1:12

Ghəə zey n baa dzanə loʼ nə̀, ghə̂ a loʼ ghə n fəŋŋə kə ghaa a dza nə̀, “N dzûmə Pɔl”, a loʼ ghə a dza nə̀, “N dzûmə Apolos.” À loʼ ghə a dza nə̀, “N dzûmə Pita.” Ghə̂ a loʼ a loʼ soʼonu ghə dzanə nə̀, “N dzûmə Klisto.”

1 Kɔrint 7:15

A kee loʼ nə, abə wù wey tə ka bəghəm tə̀ Zə̀ kə ləghənə ni zəghə maʼa ney zə iwû i tii zə, kə wə nə tuunə. Nə̀ tə zəghənu, wɔ wən wə loʼnə dzûmə Klisto, wə kəm khə way ghə i loʼ zə ni ghəŋə n ney zə iwû i tii zə, n təŋkey, Zə̀ kə ləghə nə̀ ghaa i muu nə ibuulə.

1 Kɔrint 7:39

Weyzən khə ni bɔɔmə doʼo kə ghi num wi abə num nam loʼnə utaw. Nə̀ num kpuunu, tə loʼnu ni ney num u nuu wə abə tə ləghənə, abə i loʼnə nə̀ weynum ə tii bəghəm dzənu tə Mûkəbii.

1 Kɔrint 7:7

Abə ghə̂ adzəm a mə loʼ ni doʼo tə n loʼnə, tə̂ n mə ləghə. À kee loʼnə i way ni doʼo sey, n təŋkey, kay wù khə kə naamə kə wi key Zə̀ kə â fuunə tə̀ wi. Wù wən n khə naamə kə kən, u loʼ wey n khə naamə kə nuu kə.

1 Kɔrint 7:8

Tə̀ ghə̂ ghən ghə ka kam ney iwû nsə ghey a kpusə ghə, n dza bə tə̀ ghaa nə̀, i dzɔbənu nə̀ ghaa doʼo ndow kə nə̀ ghaa ka wû i ney, tə̀ n loʼnə.

Galeshia 1:19

Mə â ka koʼ dzə ngəd tə Yeso tə loʼ tey tsəghəshiə way waazə Mûkəbii tɔŋŋə Jems.

1 Timoti 3:2

Wù wey tə loʼnə tow kə tə dzûmə tə Klisto tə, khə ni loʼ wù wey tə khə way bwu i loʼ zə n doʼo i wi. Tə khə ni loʼ wù wey tə gaʼnə fə̀ŋ n kow wey wi. Tə khə way ni mbadla fəələ n fə̀ŋ. Tə khə ni nyoʼlə ghəŋŋənə ghəə ghə. Tə khə ni loʼ wù wey ghə̂ a fuunə wi n ngɔɔmə zə. Tə khə ni loʼ wù wey tə loʼ ni kpiney ghə̂ ghey ghə bwey bəghənə n ndaw wi. Tə khə ni loʼ soʼo wù wey tə loʼ ni dii nduŋŋə ndow ghə̂ ghən ghə bəghəmnə tə Zə̀ kə.

1 Timoti 4:3

Ndzoʼo ghə̂ ghən dii nə̀ kə ghə̂ a nə neynə wû zə, tuu soʼo nə̀ kə ghə̂ a nə zəənə ndzoʼo fəzəə n loʼ mə, loʼ sey nə̀ Zə̀ kə ghəŋə fəzəə n tii mə nə̀ abə ghə̂ ghən ghə bəghəmnə tə Klisto, keeli soʼo isəŋə n ghəə a tii ghə dza i zə̂, ghə n zə̂ nə̀ ghə n fuu kɔʼ dzə zɔŋŋə kə tə Zə̀ kə nə igɔŋŋə.

1 Timoti 5:2

I ney nyim u gheyzən wə ighələ tə wə neynə ghə zuu, wə ney soʼo waa a fəghaŋ a zən ighələ tə wə neynə waazu ghə. Wə khə ni ghəŋŋə ndow ghəə ghən tə waa a fəghaŋ a zən ghən n fə̀ŋ i zow zə.

Taytus 1:6

Wù wey tə loʼnə Ngəd n dzəŋi kə dzûmə tə Klisto khə ni loʼ wù wey tə loʼnə tsətsəghə nə̀ tə khə way bwu i loʼ zə. Tə khə ni khə kə wey umɔʼ. Waa a wi a khə ni loʼ dzûmə tə Klisto tə, nyey way, taw soʼo way n tow kə.

Hibru 13:4

Tɔʼɔ kwu keeli n na ney zə iwû zə. Kə wù loʼ n ghə̂ ghey ghə ney dzənə wû zə nə shiə nyəŋinə ghi wù nuu a bii n təŋkey, Zə̀ kə i chɔdlɔnu ghə̂ ghey ghə shiə nyəŋinə ghi ghə̂ ghə a bii nsə ghə̂ ghey adzəm ghə ghəŋŋənə ghəə a laŋŋə ghə.