1 Kɔrint 9:1 - Kaa n Kəzə̀ n fəghə mə

¹ Ghaa khənu nə̀ n way dzə n tənə wù! Ghaa khənu nə̀ n loʼ ngəd ə Klisto! Ghaa khənu nə̀ mə n koʼ Mûkəbii saa Yeso! À loʼ nə̀ ghaa məghənu nə̀ a loʼ mə n ghəŋənə nə̀ ghaa i loʼ nə kəfə kəmɔʼ ghi Mûkəbii ə?

1 Kɔrint 9:1 Mawu Ofanana

Kəfwaʼ 13:2

Nghee ghə ngɔɔmənə Mûkəbii, bam idzuu, Zay kə Zow kə n dza tə ghə nə̀, “Sày naŋa kɔʼ n na Banabas nsə Sɔl tə mə, nə̀ ghə i fwaʼa fwaʼ kən n tɔŋɔnə ghə tii nə ghə bə fwa.”

Kəfwaʼ 14:14

Ambə Pɔl nsə Banabas wən ghə â loʼnə ngəd tə Yeso tə, zow tsunə ghəə ghən, ghə n baalə maʼa tsu ndzə tə ghə, tyi nyi ndow n fəŋŋə kə aghə̂, buʼlə shiə kɔʼɔ kəbɔŋ nə̀,

Kəfwaʼ 14:4

Ghə̂ ghə n dzawwə doʼo bə fu tii inaʼ, ghə̂ a loʼ ghə n bəghəm dzəŋi ndow ghi ngəd tə Təjuu, a loʼ ghey ghə bəghəm dzəŋi ndow ngəd tə Yeso tey.

Kəfwaʼ 23:11

N tsuʼ fə tii fə, n tsuʼu tə, Mûkəbii n bə təmi bə n səə Pɔl, dza tə wi nə̀, “Kuu tsu fə̀ŋ zə! Nghee tə wə təmi tiilə bòʼ mə fa Yerosalem, wə khə ni teeli ndow ghəŋə soʼo ghə i mɔʼɔ zə n Rom.”

Kəfwaʼ 9:15

Mûkəbii n fəd beeli ndow wi nə̀, “Ndow kənu! N təŋkey mə n wi sày nə tə fwaʼ tə mə, tə ghəŋŋə nə̀ ghə̂ ghey ghə way ghə̂ a Təjuu ghə, də̀ŋ u ghə, nsə ghə̂ ghə Izree ghə nə̀ ghə keeli wù wey n loʼnə ghii wə.

Kəfwaʼ 9:17

Sey, Ananyas n nuu ndow, nyi ndow n ndaw zey Sɔl loʼnə tii, gaʼ ndow awɔɔ n kow wi dza nə̀, “Sɔl, n waazə, Mûkəbii tɔŋŋə Yeso wən tə â dii wû wə tə wɔ n jii nə wə bəghə fa, tə tûm bə mə n səə wɔ nə wə loʼ ni kəm koʼ təluʼu, Zay kə Zow kə i loʼ soʼo n kow wɔ naʼ idzəm.”

Kəfwaʼ 9:3

Ambə Sɔl kuʼlə ndownə n Damaskus, tsə i loʼ zə n gbələ mwàa shi tsu bə n bikighow, baŋ tsəghə ndow n luʼu key tə â loʼnə tii.

Kəfwaʼ 9:5

Sɔl n bəb ndow tə wi nə̀, “Wə loʼ ndee a mûkəbii.” Dzə̀ i tii zə n beeli kɔʼ nə̀, “À loʼ mə Yeso wən wə chɔdlɔnə.”

Roma 1:1

À màʼlə kən tɔ̀ɔ bə mə Pɔl wù kəfwaʼ ə Yeso Klisto. Zə̀ kə mâ mə sày tə a loʼ ngəd ə Yeso, naŋa mə nə̀ mə i naʼlə tûm wi i dzuŋu zə.

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 11:13

N dza n baa ghɔɔmə bə nya tə ghaa ghən ghaa way ghə̂ a Təjuu ghə. Nghee tə̀ Zə̀ kə sàynə mə nə̀ n doʼo ngəd ə Klisto tə ghaa, n fuu zɔŋŋə kə wi n fwaʼ kən tə fuunə tə mə.

1 Kɔrint 1:1

À màʼlə kən tɔ̀ɔ bə mə Pɔl wən Zə̀ kə say kɔʼnə n ləghə i wi nə̀ n doʼo ngəd ə Yeso Klisto. N loʼ fa ghi waazə saa, tɔŋŋə Sɔstenes.

1 Kɔrint 10:29

N fa ghɔɔmə dzə way nə̀ a loʼ fə̀ŋ zə, zə i saʼanə wɔ, a loʼ fə̀ŋ ə wù loʼ wey. N fa ghɔɔmə dzə way bòʼ wɔ, n təŋkey, ghəə zey wù loʼ moʼlənə n fə̀ŋ ə wi khə dzə way ni kəd wɔ n ghəə zey wə ləghənə ni ghəŋə.

1 Kɔrint 10:30

Abə n zə̂ dzəŋinə fəzəə u tii wə ghi wù tii nə̀ mə n fuu dzə zɔŋŋə kə tii tə̀ Zə̀ kə, wù loʼ khə dzə way ni dza nə̀ n loʼ wù bəbə a dza n zə̂ fəzəə u tii wə.

1 Kɔrint 11:16

Wù wey tə way ni bəghəm ghəə ghən n dzanə, ghey, nkee dzəŋi u dzûmə tə Klisto u kəm khə way ghə i loʼ zə ni kuu kpiʼi n jìi zey ghə loʼ ni kɔʼlə Kəzə̀ tii.

1 Kɔrint 3:6

À loʼ mə, mə â zəghənə ndzoʼ tə tii tə, Apolos n vəələ tsu. Â kee loʼ Kəzə̀ kə â ghəŋə nə̀ tə nyim.

1 Kɔrint 9:19

Nghee n loʼ kənə nə̀ n fwaʼa way n tənə wù loʼ, way soʼo kɔd kə wù loʼ, mə n naŋa wû wuŋ wə nə̀ n doʼo kəkɔd tə̀ ghə̂ ghə adzəm, sey nə̀, abə jìi loʼnə n loʼ ni ndəŋ kwu zə̂ bə ndəmə aghə̂ tə̀ Klisto.

2 Kɔrint 10:7

Ghaa maŋa laalə kə aghə̂ a bii. Wù wey tə̀ khənə nə̀ tə ndzəm bəghəmnu tə̀ Klisto, tə kəm tɔʼ moʼlə tsu n wû u wi n təŋkey, ghey loʼ nə kəfə kəmɔʼ ghi Klisto tə̀ ghə loʼ soʼonə nə kəfə kəmɔʼ ghi wi.

2 Kɔrint 11:5

N moʼlə nə̀ n təbə dzə way n sə̂ kə ngəd tə ghaa tə nii tən.

2 Kɔrint 6:1

Nghee tə̀ ghey fwaʼa dzəŋinə ghi Zə̀ kə, ghey buʼu bə kəwɔɔ tə̀ ghaa nə̀ kə̂ ghaa nə bəghəmnə nə̀ ndzuŋ ə Kəzə̀ zən ghaa keelinə doʼo Kənunu.

Galeshia 1:1

À màʼlə kən tɔ̀ɔ bə mə Pɔl. N loʼ ngəd ə Yeso Klisto. À ka mə say dzə wù sɔŋtsuʼ, à way soʼo wù sɔŋtsuʼ tə tûmnə mə nə n doʼo tsəndəghə. À fəd loʼ Yeso Klisto nsə Zə̀ kə, tə loʼ Bày wən tə â zhəm dzəŋŋə bənə Yeso nə ivə.

Galeshia 5:1

Zuŋ key Klisto â kùmshinə saa tii loʼ ni ghəŋə nə̀ kə saa nə doʼlənə kɔd wə n tənə kəlaŋ. Sey, ney na ghə̂mə zə kə wù loʼ nə kəm sii dzəŋŋə nə ghaa nə ghaa kəm doʼo ukɔd n tənə kəlaŋ.

1 Tesalonika 2:6

Ghey â kəŋə dzə way nə̀ ghə̂ ghə i kali bə ghey, nə̀ ghaa i kali bə ghey nkee nə̀ wù loʼ kali bə ghey. Ghey tə a loʼ ngəd tə Klisto mə loʼnu ni fəmmə ghaa.

1 Timoti 2:7

À wən loʼ zuŋ key Zə̀ kə â sàynə mə tə a loʼ ngəd tə Yeso Klisto, tûm ndow soʼo mə tə̀ a loʼ wù dii nə̀ n ndow naʼa tûm i dzuŋu zə tə ghə̂ ghən ghə way ghə̂ a Təjuu ghə bòʼ bəghəm i fə̀ŋ nsə isəŋə kuum Yeso. Ghəə ghən n dzanə, loʼ isəŋə, n badla dzə way ghəə ghə.

2 Timoti 1:11

Zə̀ kə n sày kɔʼ mə nə̀ n doʼo ngəd ə Klisto, wù dii wə, nsə wù wən tə naʼlənə tûm i dzuŋu zə.