1 Kɔrint 8:9 - Kaa n Kəzə̀ n fəghə mə

⁹ Kee ney na ghə̂mə zə nə̀ kə ghəə zey ghaa moʼlə nə̀ i kpiilənu tə̀ ghaa ni ghəŋə, nə ghəŋŋə nə̀ waazu wey tə loʼ nə̀ tə ka kam tɔʼ beyyə n bəghəm i fə̀ŋ i wi nə ghəŋŋənə ghəə a bəbə ghə.

1 Kɔrint 8:9 Mawu Ofanana

Matyo 18:10

Yeso n dza kpiʼi ndow tə ngəd tə wi tə nə̀, “Kə̂ ghaa nə̂ koʼo kìinə nyaŋi mə awaa mən. N dza bə isəŋə tə̀ ghaa nə̀, tsətəndəghə tə ghə tə loʼ tən n səə Bày idəŋ.

Roma 15:1

Saa ghən bəghəm i fə̀ŋ i saa i loʼnə nə̀ zə n beyyə, saa khə ni kow tsuu fə̀ŋ ghi dzûmə tə Klisto tə loʼ tey bəghəm i fə̀ŋ i ghə i ka kam tɔʼ beyyə. Kə saa nə ghəŋŋənə ghəə ghey a dzɔbə kənə tə saa.

1 Kɔrint 10:24

Kə̂ wə nə ghəŋŋənə ghəə ghə nə̀ wə laalə tsu kə i zey i dzɔbənə tə̀ wɔ, i laalə ndow soʼo a ghey a dzɔbə soʼonə tə̀ ghə̂ a loʼ ghə.

1 Kɔrint 10:28

Abə wù loʼ kee dza bənə tə̀ wɔ nə̀, “Fəzəə wən loʼ nə̀ ghə mâ fuu tə̀ a loʼ umaʼlə tə̀ muʼu mə.” Kə̂ wə nə̂ zə̂ənə, bòʼ wù wey tə dza bənə ghəə ghən tə̀ wɔ, nsə nə̀ kə wù loʼ nə keelinə fəmmə kə n fə̀ŋ.

1 Kɔrint 10:29

N fa ghɔɔmə dzə way nə̀ a loʼ fə̀ŋ zə, zə i saʼanə wɔ, a loʼ fə̀ŋ ə wù loʼ wey. N fa ghɔɔmə dzə way bòʼ wɔ, n təŋkey, ghəə zey wù loʼ moʼlənə n fə̀ŋ ə wi khə dzə way ni kəd wɔ n ghəə zey wə ləghənə ni ghəŋə.

1 Kɔrint 10:32

Kə ghaa nə ghəŋŋənə ghəə zey zə i fuunə chɔd wə tə̀ ghə̂ a Təjuu ghə, ghə̂ ghən ghə way ghə̂ a Təjuu ghə nkee tə̀ ghə̂ a Kəzə̀ ghə.

1 Kɔrint 8:10

N sey dza n təŋkey abə wù wən fə̀ŋ ə wi ka kam tɔʼ beyyə n ghəə a Kəzə̀, koʼ bənə wɔ wən wə dzanə nə̀, “Wə ngii khə aghəə”, zəənə n ndaw zey ghə fəələnə maʼlə wə tii tə̀ muʼu mə, ghaa moʼlə nə̀ tə i keeli way fə̀ŋ ni zə̂ fəzəə wey u loʼ nə̀ ghə n fuu tə a loʼ umaʼlə tə̀ muʼu mə ə?

1 Kɔrint 8:12

Abə ghaa ghəŋŋənə ghəə ghən, ghaa ghəŋŋə bəəbə tə̀ dzûmə tə Klisto tən tə loʼ nə̀ fə̀ŋ tə ghə tə ka kam tɔʼ beyyə, dii tsu nə̀ ghaa sey ghəŋŋə bəəbə soʼo tə̀ Klisto.

1 Kɔrint 9:22

Abə n loʼnə ghi ghə̂ ghey ghə ka kam beyyə n bəghəm i fə̀ŋ i ghə, mə n doʼo bə soʼo tə a loʼ wù wey bəghəm i fə̀ŋ i wi i ka kam beyyə, sey nə̀ mə i loʼ ni kwu zə̂ bə ghə tə̀ Klisto. Sey, n bwey ufə ghi ghə̂ ghə adzəm ni ghəŋə nə̀ abə i bəb kə ngee, mə i loʼ ni bəghəshi a loʼ ghə.

2 Kɔrint 11:21

N bəghəm kənu n tow kə dədlə kə nə̀ ghey laynu ni ghəŋə ndzoʼo ghəə ghey. À kee loʼ nə̀ ghə i ghaa zə ghə̂ a tsɔbənə fə̀ŋ tii, n nya ghɔɔmə tə̀ a loʼ wù laʼlə, mə î mbɔŋɔ tsɔbə soʼonu fə̀ŋ tii.

2 Kɔrint 11:29

À loʼ ndee tə laynə n bəghəm i fə̀ŋ i wi, mə n ka kwɔɔlə isî n kow wi ə? À loʼ dzûmə Klisto u ghaa wə ghə ghəŋə tsunə nə̀ tə ghəŋə bəəbə, nə̀ fə̀ŋ ka ngii fə mə ghi wù tii ə?

2 Kɔrint 6:3

Ghey təʼlə way wù loʼ, sey nə̀ kə̂ bəb i loʼ i nə doʼlənə n fwaʼ kə ghey.

Galeshia 5:13

Waazə, ghə Zə̀ kə a say shi bə ghaa nə̀ kə ghaa nə kəm muulənə tə a loʼ ukɔd n tənə kəlaŋ. I kə ghaa nə kee ney kɔʼɔnə nə̀ nghee ghaa kəm way kɔd wə n tənə kəlaŋ, a loʼ kəbùʼ tə ghaa ni ghəŋŋə ghəə a bəbə ghən gow uwû ghaa ləghənə ni ghəŋŋə. Fət ney na buʼ kə tii kə ni gaamə tiilə wû i ghaa nə iləghə.

Kolose 2:8

Ney na ghə̂mə zə kə wù loʼ nə ndow bəghənə n tɔb u wù sɔŋtsuʼ wə, ni ghəŋə nə̀ ghaa doʼo ukɔd tə wi. Ndzoʼo tɔb wən nuu bə n wɔ wù sɔŋtsuʼ nsə zày wən u saʼanə mbi zən, u ka nuu bə dzə n wɔ Klisto.

1 Pita 2:16

Ghaa khə muu tə a loʼ ghə̂ ghən ghə way n tənə wù. Kə ghaa nə kee taa daŋanə n ndzoʼo muu zən ni ghəŋŋə ghəə a bəbə ghə. Ghaa khə ni fəd muu tə a loʼ ghə̂ a kəfwaʼ a Kəzə̀.

2 Pita 2:19

Ghə̂ a dii a tsɔŋɔ ghən dza tə ghə nə̀, ghə loʼ ni ghəŋə ghəə zey ghə ləghənə nə̀ ghə ka bəb zow, loʼ sey nə̀ wû i ghə loʼ ukɔd tə̀ bəb zə. I loʼ sey n təŋkey, fə key kə taw tsəghə dzənə wù, wù tii sey loʼ kəkɔd tə̀ fə kə tii kə.

Chi dii 2:14

Sə fə aghəə fə loʼ fə loʼnu ghaa ghəŋŋənə nə̀ n ləghə way. Ghə̂ a loʼ a loʼnu n fəŋŋə kə ghaa ghə dzûmənə ghəə ghey Balam diinə. Balam â dii Balak nghee tə loʼ ni sìi ndzəŋ ghə̂ ghə Izree tii n ghəə a bəbə ghə, nə̀ tə nəəbə tsu ghə nə̀ ghə zə̂ fəzəə wən ghə fəələnə tə a loʼ umaʼlə tə muʼu mə, nsə nə ghə i ghəŋŋə ghəə a laŋŋə ghə.